Nauma 2:1-13
2 Ua alu aʻe e faasagatau iā te oe* lē e na te faataapeapeina.+
Ia leoleomaluina nofoaga malupuipuia.
Ia vaavaai le ala.
Ia e sauni* ma ia matuā faateleina lou malosi.
2 Auā e toe faafoʻisia e Ieova le mitamitaga o Iakopo,Faatasi ai ma le mitamitaga o Isaraelu,Auā ua faatafunaina i latou e ē e faatafunaina mea;+Ma ua latou faafanoina o latou tātupu.
3 Ua vali mūmū talita a ona tagata totoa,Ua oofu foʻi ona fitafita i ʻie mūmū sesega.
Ua mumū e pei o le afi o uʻamea o kariota o le tauaI le aso e sauniuni ai o ia mo le taua,Ua tetete foʻi tao ua faia i le laau o le perosi.
4 Ua matuā saoasaoa lava le ō atu o kariota o le taua i auala.
Ua fetaufetuliaʻi i luga ma lalo i nofoaga faitele.
Ua susulu mai e pei o ni sulu ua mumū ma ua emo e pei o le uila.
5 E aami e ia ona taʻitaʻiʻau sili.
E tautevateva i latou a o savavali.
E latou te nanati atu i lona pā;E latou te faamausalīina mea e puipuia ai le aai.
6 O le a matala faitotoʻa o vaitafeMa e solofa i lalo le maota.
7 Ua uma ona faia le faaiʻuga: Ua faaalialia o ia ma ave faapagota,Ua tagi ūū ana teine pologa e pei o lupeA o latou tatuʻi i o latou fatafata.*
8 Talu mai anamua, sa pei Nineva+ o se vai tā‘ele,Ae o lenei ua sosola tagata.
“Inā tutū ia! Inā tutū ia!”
Ae ua leai se isi e toe foʻi mai.+
9 Ia faoa siliva, ia faoa auro!
E lē uma oloa lelei.
Ua matuā anoanoaʻi lava oloa eseese mananaia.
10 Ua gaogao, faatafunaina, ma faatama‘ia le aai!+
Ua liusuāvai o latou loto i le fefe, ua tetete o latou tulivae, ma ua matuā tigā o latou suilapalapa;Ua foliga popole foʻi i latou uma lava.
11 O fea o iai le mea e nonofo ai leona+ ma le mea e aai ai tama‘i leona,*O le mea e savali ai le leona ma ta‘ita‘i ai lana tama,Ma e leai se isi e faamataʻu i ai?
12 Ua saeia e le leona meaʻai e lava mo lana fanau,Ma e na te titina manu mo lana leona fafine.
Ua ia faatumu ona lua i mea ua ia maua mai i ana tuliga,Ma mea e nofo ai i manu ua saeia.
13 Ua fetalai mai Ieova o ʻau:+ “Faauta! Ou te tetee iā te oe,Ou te susunuina au kariota o le taua ina ia liu asu,+E faaumatia foʻi i le pelu au tama‘i leona.*
Ou te faaiʻuina lou faoa o mea mai i le lalolagi,E lē toe lagona foʻi le leo o au avefeʻau.”+
Faamatalaga Pito i Lalo
^ E faasino atu iā Nineva.
^ Epe., “Inā fusi ia o lou sulugātiti.”
^ Epe., “fatu.”
^ Po o “tamaʻi leona taanoa.”
^ Po o “tamaʻi leona taanoa.”
