Numera 24:1-25
24 Ua iloa e Palaamo ua lelei i le silafaga a Ieova le faamanuia o Isaraelu, ona lē toe alu lea o ia e pei o isi taimi e saʻili i ni faailoilo faataulāitu,+ ae ua faasaga atu ona mata i le toafa.
2 Ua tepa aʻe Palaamo ma iloa atu Isaraelu o loo nonofo i o latou faleʻie e tusa ma o latou ituaiga,+ ona oo lea o le agaga o le Atua iā te ia.+
3 Ona ia fai atu lea o lenei feʻau faavaloaga:+
“Ua fai atu Palaamo le atalii o Peoro,Ua fai atu foʻi le tamāloa ua pupula ona mata,
4 Ua fai atu lē ua faalogo i fetalaiga a le Atua,O lē foʻi na vaaia le faaaliga mai i Lē e ona le malosi uma lava,O lē na ifo a o pupula pea ona mata:+
5 Iakopo e, maʻeu le mananaia o ou faleʻie,O mea o loo outou nonofo ai Isaraelu e!+
6 Ua folasia ai e oo atu i le mea mamao+ e pei o ni vanu,*E pei foʻi o ni togālaau i autafa o le vaitafe,E pei o laau o le aloe ua totōina e Ieova,E pei foʻi o laau o le arasi i autafa o vai.
7 Ua sisina mai pea vai mai i ana pakete e lua ua faia i paʻu o manu,Ua lūlūina ona fatu i autafa o vai e tele.+
O le a sili atu lona tupu+ iā Akako,+O le a faaeaina lona malo.+
8 Ua aumaia o ia e le Atua mai i Aikupito;Ua pei o ia o seu o se povi poʻa o le vao iā i latou.
E na te faaumatia atunuu e faasauā iā te ia,+E na te gali i o latou ivi, e na te nutipalaina foʻi i latou i ana aū.
9 Ua taoto o ia, ua taoto e pei o se leona,E pei foʻi o le leona, o ai sē e lototele e faaita iā te ia?
O i latou e faamanuia iā te oe, e manuia i latou,O i latou e faamalaia iā te oe, e malaia i latou.”+
10 Ona matuā ita ai lea o Palako iā Palaamo. Ua pati lima o Palako ma le ita, ma ua fai mai iā Palaamo: “Na ou amia oe ina ia e faamalaia oʻu fili,+ ae ua faatolu ona e faamanuia iā i latou.
11 Ia e alu loa i lou fale. Na ou mafaufau e matuā faamamaluina oe,+ ae faauta! ua taofia oe e Ieova neʻi faamamaluina oe.”
12 Ona tali atu lea o Palaamo iā Palako: “Po ou te leʻi fai atu ea i avefeʻau na e aauina mai,
13 ‘Afai e foaʻi mai e Palako iā te aʻu lona fale ua tumu i siliva ma auro, e lē mafai i lo‘u lava loto ona ou solia le poloaʻiga a Ieova, e tusa po o se mea lelei po o se mea leaga’? Po ou te leʻi fai atu ea, ‘O mea e fetalai mai ai Ieova, o mea ia ou te tautala atu ai’?+
14 O lenei o le a ou alu atu i loʻu lava nuu. O le mea lea, seʻi oʻu faailoa atu iā te oe le mea o le a faia e lenei nuu iā te outou i le lumanaʻi.”*
15 Ona ia fai atu lea o lenei feʻau faavaloaga:+
“Ua fai atu Palaamo le atalii o Peoro,Ua fai atu foʻi le tamāloa ua pupula ona mata,+
16 Ua fai atu lē ua faalogo i fetalaiga a le Atua,O lē ua iloa mea e silafia e le Silisili Ese,O lē foʻi na vaaia le faaaliga mai i Lē e ona le malosi uma lavaA o ifo o ia ma pupula pea ona mata:
17 O le a ou vaai iā te ia, ae e lē o le taimi nei;O le a ou vaai iā te ia, ae e lē lata mai.
O le a sau se fetu+ mai iā Iakopo,O le a tulaʻi mai se tootoo+ mai i Isaraelu.+
O le a ia vaeluaina lava le muāulu o Moapi*+Ma atigipoo o atalii uma o loo vevesi.
18 E avea Etoma ma tofi,+E fai foʻi Seira+ ma tofi o ona fili,+A o avea pea Isaraelu ma toa.
19 E alu atu se tasi mai iā Iakopo e na te faatoʻilaloina fili,+E na te fasiotia so o se tasi e totoe i le aai.”
20 A o ia vaai atu iā Amaleka, ua faaauau ona fai atu ana feʻau faavaloaga e faapea:
“E muamua Amaleka i isi atunuu,+A o lona iʻuga e faaumatia o ia.”+
21 A o ia vaai atu foʻi i tagata Keni,+ ua faaauau ona fai atu ana feʻau faavaloaga e faapea:
“E tumau le mea e te nofo ai, e fai lou fale i luga o le papa.
22 Peitaʻi o le a iai se tasi e na te susunuina Kaino.*
O le ā le umi ona ave faapagota lea o oe e Asuria?”
23 Ua faaauau ona faia ana feʻau faavaloaga e faapea:
“Auē! O ai o le a sao pe a faaoo mai e le Atua lenei mea?
24 E ō mai vaa mai i le talafatai o Kitimo,+E latou te faasauā iā Asuria,+E latou te faasauā foʻi iā Eperu.
Ae e matuā faaumatia foʻi o ia.”
25 Ona tulaʻi lea o Palaamo+ ma alu i lona ala, ua toe fo‘i i le mea na nofo ai. Ua alu foʻi Palako i lona ala.
Faamatalaga Pito i Lalo
^ Po o “ālia.”
^ Po o le “i le faaiʻuga o aso.”
^ Po o “le manifinifi o le ulu o Moapi.”
^ E faasino atu i le ituaiga o Keni.
