Opetaia 1:1-21
1 O le faaaliga a Opetaia:*
O le fetalaiga lenei a le Alii Pule Silisili Ese o Ieova e faatatau iā Etoma:+
“Ua tatou faalogo i se tala mai iā Ieova,Ua auina atu foʻi se avefe‘au i atunuu:
‘Tulaʻi ia, seʻi o tatou nofosauni e siitaua atu iā te ia.’”+
2 “Faauta! Ua ou faia oe ia faatauvaa i atunuu;Ua matuā inosia lava oe.+
3 O le faamaualuga o lou loto ua faasesēina ai oe,+O oe o lē e nofo i mea malupuipuia o le papa,O lē e nofo i le mea maualuga, ma ua faapea ifo i lou loto,‘O ai sē e na te ave ifo aʻu i lalo i le eleele?’
4 E tusa pe e te faia lou nofoaga ia maualuga* e pei o le aeto,Pe e faia foʻi lou faamoega i le mea o iai fetu,Ou te ave ifo oe i lalo mai i lenā mea,” ua fetalai mai ai Ieova.
5 “Pe ana ō atu iā te oe ni tagata gāoi, po o ni ʻaufaomea i le pō,(E matuā faatama‘ia lava oe!)*
Pe e latou te lē gaoia ea na o mea e latou te manaʻomia?
Pe ana ō atu iā te oe o ē e tauina vine,Pe e latou te lē faatotoeina ai ea ni nai vine ina ia aoina?+
6 Ua matuā suʻesuʻeina lava Esau!
Ua matuā saʻilia foʻi ana oloa ua natia!
7 Ua latou tuli lava oe e oo i le tuaoi.
Ua faasesēina oe e tagata uma na ‘au faatasi* ma oe.
Ua manumalo iā te oe tagata na nonofo filemu ma oe.
E tuu e i latou e aai faatasi ma oe se upega e fai ma mailei iā te oe,Ae e te lē iloaina.
8 I lenā aso,” ua fetalai mai ai Ieova,“Po ou te lē faaumatia ea o ē e atamamai i Etoma,+Ma ē e iai le faautaga loloto i vaega maugā o Esau?
9 Timanu e,+ o le a matata‘u ou tagata totoa,+Talu ai o le a fasiotia tagata ta‘ito‘atasi i vaega maugā o Esau.+
10 Talu ai faiga sauā na faia i lou uso o Iakopo,+O le a ufitia oe i le mā,+Ma o le a faaumatia foʻi oe e faavavau.+
11 O le aso sa e tūtū ai ma vaavaai ane,O le aso sa ave faapagota ai e tagata ese ana ʻautau,+Ma ulu atu ai tagata mai i isi atunuu i faitotoʻa o ona pā, ma latou faia le vili*+ mo Ierusalema,Na pei ai foʻi oe o se tasi o i latou.
12 E lē tatau ona e fiafia i le aso leaga o lou uso, o le aso o lona puapuaga,+E lē tatau ona e olioli ona o tagata o Iuta i le aso o lo latou faaumatiaga,+E lē tatau foʻi ona e tautala faamaualuga i le aso o o latou mafatiaga.
13 E lē tatau ona e ulu atu i le faitotoʻa o le pā o loʻu nuu i le aso o lo latou malaia,+E lē tatau ona e fiafia i lona puapuaga i le aso o lona malaia,E lē tatau foʻi ona e tago i ana oloa i le aso o lona malaia.+
14 E lē tatau ona e tū i magāala ina ia fasiotia ona tagata ua sosola,+E lē tatau foʻi ona e avatua i ona fili ona tagata ua faasaoina i le aso o le puapuaga.+
15 Auā ua latalata mai le aso o Ieova faasaga i atunuu uma.+
E faia iā te oe, e pei ona e faia iā te ia.+
E toe iʻu atu lava i luga o lou ulu mea na e faia i isi.
16 E pei ona outou feinu i loʻu mauga paia,E faapea foʻi ona feinu pea atunuu uma.+
O le a latou feinu ma folo faatopetope le ipu o le to‘asā o le Atua,Ma mou atu ai i latou e peiseaʻī e leʻi feola mai.
17 Ae o le a iai i le mauga o Siona o ē e sosola,+Ma o le a avea o se mea paia;+O le a fai foʻi mo le aiga o Iakopo a latou lava mea.+
18 E fai le aiga o Iakopo ma afi,E fai le aiga o Iosefa ma afi mumū,Ae o le aiga o Esau e pei o tagutugutu o saito;E latou te susunu ma faatama‘ia i latou,E leai foʻi se tasi e faasaoina i le aiga o Esau,+Auā ua fetalai mai ai Ieova.
19 E fai mo i latou Nekepi,* ma vaega maugā o Esau,+O Sefila,* ma laueleele o Filisitia.+
E fai mo i latou fanua o Efaraima ma fanua o Samaria,+Ae e fai Kiliata mo Peniamina.
20 A o ē e ave faapagota mai i lenei mea maupuʻepuʻe,*+O le fanauga a Isaraelu ia, o le a fai mo i latou laueleele o tagata Kanana e oo i Sarefata.+
O ē e ave faapagota o Ierusalema sa iai i Sefarata, e fai mo i latou aai o Nekepi.+
21 O le a ō a‘e i le mauga o Siona o ē e faaolaIna ia faamasino i vaega maugā o Esau,+Ma e fai foʻi Ieova ma tupu.”+
Faamatalaga Pito i Lalo
^ Lona uiga “Auauna a Ieova.”
^ Pe atonu “e te lele maualuga.”
^ Pe atonu “O le ā le tele e latou te faatamaʻiaina?”
^ Po o le “osi feagaiga.”
^ Tagaʻi i le Uiga o Upu.
^ Po o “le fanua maulalo.”
^ Po o “le itu i saute.”
^ Po o le “pā puipui.”
