O le Tusi i le Faapotopotoga i Roma 13:1-14
13 Ia gauaʻi tagata uma i faipule silisili,+ auā e leai se pule pe a lē mai i le Atua;+ o faipule o loo iai nei, ua faatagaina e le Atua e pule i o latou tulaga eseese.+
2 O lea la, o so o se tasi e tetee i le pule, ua tetee o ia i le faatulagaga a le Atua; o ē e tetee i ai e faasalaina lava i latou.
3 Auā o ē e pule ua avea ma se mea e matataʻu ai, e lē o tagata amiolelei, a o ē e amioleaga.+ Pe e te manaʻo ea ina ia e lē fefe i le pule? Ia faia pea amioga lelei,+ ona ia viia ai lea o oe;
4 auā o ia o le auauna a le Atua mo lou lelei. Ae afai e te faia mea leaga, ia e fefe ai, auā e iai le māfuaaga ua ia tauaveina ai le pelu. O ia o le auauna a le Atua, e na te faaoo mai le toʻasā o le Atua* i lē o loo faia le mea leaga.
5 O le mea lea ua tatau ai ona outou gauaʻi, e lē gata ona o lenā toʻasā, ae ona o o outou lotofuatiaifo.+
6 O le mea foʻi lea, ua outou totogi ai lafoga; auā o i latou o auauna* a le Atua, o loo faia pea la latou tiute tauave.
7 Ia avatu i tagata uma mea e tatau iā i latou: ia totogi atu le lafoga i lē ua tatau i ai le lafoga;+ ia totogi atu tupe i le malo i lē ua tatau i ai le tupe; ia faaalia le mataʻu i lē ua tatau i ai le mataʻu;+ ia faaalia le faaaloalo i lē ua tatau i ai le faaaloalo.+
8 Aua neʻi o outou nofo aitalafu i se tagata ae e tau lava o le alofa o le tasi i le isi;+ auā o lē ua alofa i lona tuaoi, ua faataunuu e ia le tulafono.+
9 Auā ua faapea mai le tulafono, “Aua e te mulilua,+ aua e te fasioti tagata,+ aua e te gaoi,+ aua e te manaʻo tele,”+ ma afai foʻi ua iai se isi poloaʻiga, ua taaofaʻi i upu nei: “Ia e alofa atu i lou tuaoi e pei o oe lava iā te oe.”+
10 E lē agaleaga le alofa i lona tuaoi;+ o lea, o le alofa e faataunuuina ai le tulafono.+
11 Ia faia foʻi lenei mea, auā ua outou iloa le taimi, ua oo mai le itula e tou te feala ai,+ auā o lea ua latalata mai lo tatou faaolataga nai lo o le taimi na tatou faatoʻā talitonu ai.
12 Ua leva le pō; ua lata ina ao. O lea, seʻi o tatou tuueseina ai galuega o le pogisa,+ ae ia tatou oofu i ofutau o le malamalama.+
13 Ia tatou savavali ma le amiolelei+ i le ao, aua le faia ni patī lē taupulea* ma onāga, aua le faia feusuaʻiga lē mamā, ma amioga faauamaaa,*+ aua foʻi le femisaaʻi ma le lotoleaga.+
14 Ae ia oofu i le Alii o Iesu Keriso,+ ma aua neʻi muaʻi fuafua e faamalie tuʻinanau o le tino.+
Faamatalaga Pito i Lalo
^ Po o le “faasalaga a le Atua.”
^ Po o “auauna i le lautele.”
^ Po o “poula.”
^ Po o “amioga leaga e aunoa ma le māsiasi.” O le upu Eleni, o le a·selʹgei·a. Tagaʻi i le Uiga o Upu.
