Sakaria 10:1-12
10 “Ia talosaga atu iā Ieova ia timu i le taimi o timuga i le tau e totogo ai mea.
O Ieova o lē e faia ao mafiafia ma faititili,O lē e na te faatotō ifo le timu i tagata,+Ma foaʻi mai i tagata uma fua o le laueleele.
2 Ua tautatala tupua o terafimi* i mea taufaaʻoleʻole;*Ma ua vāai ē e faia valovaloga faataulāitu i se faaaliga pepelo.
Ua latou tautatala i miti e lē aogā,Ma ua latou taumafai e faamāfanafana ae e leai se aogā.
O le mea lea e latou te feoa‘i solo ai e pei o ni mamoe.
E puapuagatia i latou, auā ua leai se leoleo mamoe.
3 Ua ou matuā ita i leoleo mamoe,Ma ou te taui atu i taʻitaʻi sauā,* ou te faasalaina i latou;Auā ua liuliualo Ieova o ʻau i lana lafu,+ o le aiga o Iuta,Ma ua ia faia i latou e pei o lana solofanua matagofie i le taua.
4 E mai iā te ia le alii sili,*E mai iā te ia le pule lagolago,*E mai iā te ia le ʻaufana o le taua;E ō atu fo‘i mai iā te ia o pule* uma, o i latou uma e mai iā te ia.
5 O le a pei i latou o tagata totoa,O loo soli le palapala o auala i le taua.
E latou te tauina le taua, auā ua faatasi Ieova ma i latou;+Ma e faamāina o ē e tiʻetiʻe i solofanua.+
6 Ou te faasilisilia le aiga o Iuta,Ma ou te faaolaina le aiga o Iosefa.+
Ou te faafo‘isia i latou,Auā ou te alofa mutimutivale iā i latou;+Ma o le a avea i latou e peiseaʻī ou te leʻi lafoaʻiina i latou;+Auā o aʻu o Ieova lo latou Atua, ma ou te tali atu iā i latou.
7 E pei tagata o Efaraima o se toa malosi,Ma e olioli o latou loto e pei ua feinu i le uaina.+
E vāai i ai o latou atalii ma olioli ai;E fiafia o latou loto iā Ieova.+
8 ‘Ou te tuufaaili atu iā i latou ma faapotopoto faatasi i latou;Auā ou te togiolaina i latou,+ ma e faatoʻateleina i latouMa faaauau ona faato‘ateleina.
9 E ui ina ou faataapeapeina i latou i nuu e pei o fatu,Ae e latou te manatua aʻu i nofoaga mamao;E toe faamalosia i latou ma o latou atalii ma toe foʻi mai.
10 Ou te aumaia i latou mai i le atunuu o AikupitoMa faapotopoto faatasi i latou mai i Asuria;+Ou te avatu i latou i le laueleele o Kiliata+ ma Lepanona,Ma o le a lē lava mea e nonofo ai i latou.+
11 E ui ane o ia i le sami ma le puapuaga;Ma e na te taia peau o le sami;+E mātūtū ai mea loloto uma o le Naila.
E faamaulaloina foʻi le faamaualuga o Asuria,Ma e mavae atu le tootoo o Aikupito.+
12 O aʻu o Ieova, ou te faasilisilia i latou,+E latou te savavali foʻi i lona suafa,’+ ua fetalai mai ai Ieova.”
Faamatalaga Pito i Lalo
^ Po o “atua o aiga; faatagata.”
^ Po o “mea leaga; mea faataulāitu.”
^ Epe., “i ʻoti poʻa.”
^ Epe., “le ʻolo tulimanu,” e faaata mai ai se tagata tāua; se taʻitaʻi.
^ Epe., “le pine,” e faaata mai ai sē e lagolagosua; se pule.
^ Po o “ovasia.”
