Sakaria 11:1-17
11 “Lepanona e, tatala mai ia ou faitotoʻaIna ia faatamaʻia i le afi ou laau o le arasi.
2 O oe le perosi e, inā uiō ia, auā ua paʻū le laau o le arasi;Ua faatamaʻia laau maualuluga!
O outou laau tetele o Vasana e, inā uiō iaAuā ua faaleagaina le vaomatua lauolaola!
3 Inā faalogo ia! Ua uiō leoleo mamoe,Auā ua faatama‘ia lo latou mamalu.
Faalogo foʻi! Ua fetagisi leotetele tama‘i leona,*Auā ua faaumatia vao putuputu sa lauolaola i tala ane o Ioritana.
4 “O le fetalaiga lenei a Ieova loʻu Atua, ‘Ia leoleo i le lafu o le a fasia,+
5 lea ua fasia e tagata na faatau mai ai,+ ma e latou te lē nofosala ai. E faapea mai ē ua faatauina atu le lafu:+ “Ia faamamaluina Ieova, auā o le a ou tamaoaiga.” Ua lē faaalia e o latou leoleo mamoe le alofa mutimutivale iā i latou.’+
6 “‘Auā ou te lē toe faaalia le alofa mutimutivale i ē o loo nonofo i le laueleele,’ ua fetalai mai ai Ieova. ‘Ou te tuu atu tagata taʻitoʻatasi ina ia pa‘ū i le lima o lona tuaoi ma lona tupu; e latou te tuʻipalaina le laueleele, ma ou te lē laveaʻiina i latou mai i o latou lima.’”
7 Ona amata lea ona ou leoleoina le lafu o le a fasia+ ona o outou, o ē ua puapuagatia o le lafu. Ona ou ave lea o tootoo e lua, ma faaigoa le tasi o Matagofie, ae faaigoa le isi o Autasi,+ ona ou leoleoina lea o le lafu.
8 Na ou tutuliina fo‘i leoleo mamoe e toʻatolu i le masina e tasi, ona ua uma loʻu onosaʻi iā i latou, ma ua latou ʻinoʻino foʻi iā te aʻu.
9 Ona ou fai atu lea: “Ou te lē toe leoleoina outou. O lē o le a oti, ia tuu ai pea e oti. O lē foʻi o le a faaumatia, ia tuu ai pea e faaumatia. A o i latou o totoe, ia taʻitasi ma ʻai e le tasi le tino o le isi.”
10 Ona ou tago lea i loʻu tootoo o Matagofie+ ma tipi ninii, ina ia tatala ai laʻu feagaiga na ou osia ma le nuu atoa.
11 O lea na tatalaina ai i lenā aso, ma na iloa ai e ē ua puapuagatia o le lafu mamoe o loo vaavaai mai iā te aʻu, o le afioga lea a Ieova.
12 Ona ou fai atu lea iā i latou: “Afai ua lelei iā te outou, ia aumai loʻu totogi; ae afai e leai, ia aua.” Ona latou totogi* mai lea o loʻu totogi, e 30 tupe siliva.+
13 Ona fetalai mai lea o Ieova iā te aʻu: “Ia lafo atu i le mea e teu ai oloa; o le tau e lelei naʻuā ua latou manatu e talafeagai mo aʻu.”+ Ona ou ave lea o tupe siliva e 30 ma lafo i le mea e teu ai oloa i le fale o Ieova.+
14 Ona ou tipi ninii lea o loʻu tootoo lona lua o Autasi,+ ina ia motusia ai le ʻauuso o Iuta ma Isaraelu.+
15 Ua toe fetalai mai Ieova iā te aʻu: “Ia e ave meafaigaluega a le leoleo mamoe lē aogā.+
16 Auā ou te faataga le tulaʻi mai o se leoleo mamoe i le atunuu. E na te lē tausia mamoe o le a faaumatia;+ e na te lē saʻilia lē e laʻitiiti, pe togafitia lē ua manu‘a,+ pe fafagaina mamoe ua tutū. Nai lo o lea, e na te ‘aina le aano o lē ua peti,+ ma seʻi ese atigivae o mamoe.+
17 Oi talofa i laʻu leoleo mamoe lē aogā,+ o lē ua tuulafoa‘ia le lafu!+
E taia e le pelu lona lima ma lona mata taumatau.
O le a matuā pē lona lima,Ma o le a matuā tauaso* lona mata taumatau.”
