Sakaria 2:1-13
2 Ua ou tepa aʻe ma ou iloa ai se tamāloa ua i lona lima se fua e fua ai mea.+
2 Ona ou fesili atu lea: “O fea e te alu i ai?”
Ua ia tali mai: “Ou te alu e fua Ierusalema ina ia iloa ai pe e fia lona lautele ma lona umi.”+
3 Faauta! ua agaʻi atu le agelu o loo ma talanoa ma ua alu ane foʻi se isi agelu e faafetaui iā te ia.
4 Ona ia fai atu lea iā te ia: “Inā tamoʻe ia ma fai atu i le tauleʻaleʻa lale, ʻ“O le a ʻainā Ierusalema+ e pei o se aai e leai ni pā puipui, ona o le toʻatele o tagata ma le tele o lafumanu o loo iai.+
5 O le a avea aʻu,” ua fetalai mai ai Ieova, “ma pā afi e siʻo ai o ia,+ o le a fai foʻi aʻu ma mamalu i totonu iā te ia.”’”+
6 “Faavave! Faavave! Ia sosola ese mai i le laueleele o le itu i mātū,”+ ua fetalai mai ai Ieova.
“Auā na ou faataapeape outou i matagi e fā o le lagi,”+ ua fetalai mai ai Ieova.
7 “Siona e, faavave ia! Ia e sola ese, o oe o lē o loo nofo faatasi ma le tama fafine a Papelonia.+
8 Ina ua uma ona faamamaluina* o Ieova o ‘au, na ia auina atu a‘u i atunuu na faoa a outou mea,+ ma o lana fetalaiga lenei: ‘O lē e paʻi atu iā te outou, ua paʻi o ia i le ʻiʻoimata o loʻu mata.*+
9 O lenei, ou te sii aʻe loʻu lima faasaga iā i latou, e fai foʻi i latou ma mea e faoa a o latou pologa.’+ Ona outou iloa ai lea ua auina mai aʻu e Ieova o ʻau.
10 “Le tama fafine a Siona e, inā alaga ia ma le olioli,+ auā ou te alu atu+ ma ou nofo iā te oe,”+ ua fetalai mai ai Ieova.
11 “E aufaatasi mai foʻi atunuu e tele iā Ieova i lea aso,+ ona fai ai lea o i latou ma oʻu nuu; ma ou te nofo foʻi iā te oe.” Ona e iloa ai lea ua auina mai aʻu iā te oe e Ieova o ʻau.
12 E maua e Ieova o Iuta e fai ma ona tofi i le laueleele paia, ma e toe filifilia foʻi e ia o Ierusalema.+
13 Ia fifilemu tagata uma i luma o Ieova, auā e afio mai o ia mai i lona afioaga paia e fai lona finagalo.
