Salamo 102:1-28
O le tatalo a lē ua puapuagatia ina ua mafatia o ia,* ma ua ia sasaa atu ona popolega i luma o Ieova.+
102 Ieova e, ia e faafofoga mai i laʻu tatalo;+Ia oo atu iā te oe laʻu alaga mo se fesoasoani.+
2 Aua neʻi natia ou fofoga mai iā te aʻu i taimi o oʻu puapuaga.+
Ia liliu mai ou fofoga* iā te aʻu;Ia e vave tali mai pe a ou valaau atu.+
3 Auā ua mavae atu oʻu aso e pei o le asu,Ua mū foʻi oʻu ivi e pei o loo i se taʻinafi.+
4 Ua sasaina loʻu loto e pei o le vao ma ua magumagu,+Auā ua galo ona ʻai o laʻu meaʻai.
5 Ona o loʻu ōi leotele,+Ua pipii ai oʻu ivi i oʻu aano.+
6 Ua pei aʻu o le kati i le toafa;Ua pei aʻu o se tamaʻi lulu i mea ua faatafunaina.
7 Ua ou ala pea a o o‘u taoto;*Ua pei aʻu o se manulele ua nofo toʻatasi i le taualuga o le fale.+
8 Ua taufaifai mai iā te aʻu oʻu fili i le aso atoa.+
O ē e ula mai iā te aʻu, ua latou faaaogā loʻu igoa e fetuu ai.
9 Auā ua ou ʻaina le lefulefu e fai ma aʻu meaʻai,+O laʻu vaiinu foʻi ua fefiloi ma loimata,+
10 Ona o lou toʻasā ma lou toʻatamaʻi,Auā ua e sii aʻu i luga ina ia e lafotūina ai aʻu.
11 O oʻu aso ua pei o se ata lafoia ua mou atu,+Ma o aʻu foʻi ua mago e pei o le vao.+
12 A o oe Ieova e, e tumau oe e faavavau,+Ma e tumau ona ta‘uta‘ua oe* i augātupulaga uma.+
13 E te tulaʻi lava, ma e te alofa mutimutivale iā Siona,+Auā o le taimi lenei e te talileleia ai o ia;+Ua oo mai le taimi atofaina.+
14 Auā ua fiafia au auauna i ona maa,+Ma ua latou fiafia e oo lava i lona efuefu.+
15 E matataʻu atunuu i le suafa o Ieova,Ma tupu uma o le lalolagi i lou mamalu.+
16 Auā e toe fausia e Ieova o Siona;+E faaali mai foʻi o ia i lona mamalu.+
17 E ua‘i mai o ia i le tatalo a ē ua lē tagolima;+E lē inosia e ia la latou tatalo.+
18 Ua tusia lenei mea mo le tupulaga i le lumanaʻi,+Ina ia vivii iā Ioa se nuu e le‘i fanau mai.*
19 Auā ua silasila ifo o ia mai i lona afioaga paia maualuga,+Ua silasila ifo foʻi Ieova mai i le lagi i le lalolagi,
20 Ina ia faafofoga mai ai i le ōi a le pagota,+Ina ia faasa‘olotoina ē ua faasala i le oti,+
21 Ina ia faalauiloa atu ai le suafa o Ieova i Siona+Ma lona viiga i Ierusalema,
22 Pe a faapotopotoina faatasi nuu ma malo,Ina ia auauna atu iā Ieova.+
23 Ua ia faavaivaia loʻu malosi a o le‘i taitai lo‘u olaga;Ua ia faapuupuuina foʻi oʻu aso.
24 Na ou faapea atu: “Loʻu Atua e,Aua neʻi e aveeseina aʻu i le ʻafa o loʻu olaga,E faavavau lava ou tausaga.+
25 Na e faataatia le faavae o le lalolagi i aso anamua,Ma o le lagi o le galuega lea a ou aao.+
26 E fano ia mea, a o oe e te tumau pea;E pala ia mea uma e pei o se ofu.
E te suia na mea e pei o le ofu, ma e mou atu.
27 A o oe e te lē sui lava, e leai foʻi se iʻuga o ou tausaga.+
28 E nonofo ma le saogalemu fanau a au auauna,E matuā faatumauina foʻi a latou fanau i ou luma.”+
Faamatalaga Pito i Lalo
^ Po o le “vaivai o ia.”
^ Po o le “Ia punou ifo ma faafofoga mai.”
^ Pe atonu “Ua ou tino vale.”
^ Po o “lou suafa.” Epe., “lau faamanatuga.”
^ Epe., “e leʻi faia.”
