Salamo 104:1-35
104 Ia ou vivii atu iā Ieova.+
Ieova e, loʻu Atua, e matuā silisili lava oe.+
Ua e ofu i le mamalu ma le matagofie.+
2 Ua e pulupulu foʻi i le malamalama+ e pei o se ofu;Ua e fofola atu le lagi e pei o le ʻie o se faleʻie.+
3 Ua ia faataatitia laau faalava o ona potu pito i luga i vai i le lagi,*+Ua faia ao ma ona kariota,+Ua feafioaʻi foʻi i apaʻau o le matagi.+
4 Ua ia faia ana agelu o agaga,Ma ana auauna o se afi e faaumatia ai.+
5 Ua ia faavaeina le lalolagi i luga o ona faavae;+E lē maluelue mai i lona tulaga e faavavau, faavavau lava.+
6 Ua e ufitia ia i le vai loloto e pei o se ofu.+
Ua ufitia foʻi mauga i vai.
7 O lau aʻoaʻiga ua sosola ai i latou;+O le leo foʻi o lou faititili ua taufetuli ai i latou i le fefefe,
8 Ua manu aʻe mauga,+ ua ō ifo fo‘i vanuI le mea ua e saunia mo i latou.
9 Ua e faataatia le tuaoi ina ia latou lē sopoʻia,+Ina ia latou lē toe lofia lava le laueleele.
10 Ua ia aauina atu vaipuna i vanu;*Ua tatafe ai i vā o mauga.
11 Ua feinu ai manufeʻai uma o le vao;Ua faamalie ai le fia feinu o asini o le vao.
12 O luga aʻe o vai e nonofo ai manufelelei o le lagi;E latou te pepese mai i lālā o laau lauolaola.
13 E faasūsū e ia mauga mai i ona potu pito i luga.+
O fua foʻi o au galuega ua faamalieina ai le laueleele.+
14 Ua faatutupu e ia le mutia mo lafumanu,Ma laau ʻaina e faaaogā e tagata,+Ina ia faatupu aʻe meaʻai mai i le laueleele,
15 Ma le uaina e faafiafia ai le loto o le tagata,+O le suāuu e faamomosi ai foliga,Ma le meaʻai e malosi ai le tagata.+
16 Ua malilie i vai laau a Ieova,O arasi o Lepanona na ia totōina,
17 E fai ai e manulele o latou faamoega.
Ua fai foʻi laau o perosi+ ma fale o le kasita.
18 O mauga maualuluga e mo ʻoti o le vao;+O papa foʻi o le mea lea e sulufaʻi i ai sefanai.+
19 Ua faia e ia le masina e faailoga ai taimi atofaina;Ua iloa lelei e le lā le taimi e goto ai.+
20 Ua e aumaia le pōuliuli ina ia avea ma pō,+E feoaʻi ai manu tataa uma o le vaomatua.
21 E fetagisi tamaʻi leona* mo ni meaʻai+Ma saʻilia a latou meaʻai mai i le Atua.+
22 Pe a oso a‘e le lā,Ona latou ō ese lea ma taooto i mea e nonofo ai.
23 E alu atu le tagata i lana galuegaMa galue ai seʻia oo i le afiafipō.
24 Ieova e, ua matuā tele lava au galuega!+
Ua e faia ia mea uma i le atamai.+
Ua tumu le lalolagi i mea na e faia.
25 O le sami e matuā telē ma lautele,Ua tumu i le lē mafaitaulia o meaola, o meaola lāiti atoa ma meaola lapopoʻa.+
26 O i inā e feoaʻi ai vaa;Na e faia foʻi le Leviatana*+ e taalo ai i inā.
27 O loo faatalitali atu ia mea uma iā te oeE avatu a latou meaʻai i ona taimi e tatau ai.+
28 E latou te aoaoina mea e te avatu iā i latou.+
Pe a faamafola lou aao, e faamalieina i latou i mea lelei.+
29 Afai e natia ou fofoga, ona atuatuvale ai lea o i latou.
Afai e te aveesea lo latou agaga,* ona mamate ai lea ma toe foʻi atu i le efuefu.+
30 Afai e te auina atu lou agaga, ona faia ai lea o i latou,+Ma ua e faafouina ai le laueleele.
31 E tumau e faavavau le mamalu o Ieova.
E olioli Ieova i ana galuega.+
32 Ua ia silasila mai i le lalolagi, ona gatete lea;Ua ia papaʻi mai foʻi i mauga, ma ua asu ai.+
33 Ou te pese iā Ieova+ i loʻu olaga atoa;Ou te usuina viiga* i loʻu Atua a o o‘u ola pea.+
34 Ia mālie iā te ia oʻu mafaufauga.*
Ou te fiafia iā Ieova.
35 E tafiesea o ē e agasala mai i le lalolagi,Ma e lē toe iai o ē e amioleaga.+
Ia ou vivii atu iā Ieova. Ia vivii atu iā Ioa!*
Faamatalaga Pito i Lalo
^ Epe., “i totonu o vai.”
^ Po o “ālia.”
^ Po o “tamaʻi leona taanoa.”
^ Tagaʻi i le Uiga o Upu.
^ Po o le “malosi o le ola.”
^ Po o le “tā ma usuina pese.”
^ Pe atonu “Ia mālie oʻu manatunatuga loloto e faatatau iā te ia.”
^ Po o le “Aleluia!” O “Ioa” o le faapuupuuga o le suafa o Ieova.
