Salamo 110:1-7
O le pese a Tavita.
110 Ua fetalai mai Ieova i loʻu Alii:
“Ia e nofo i loʻu itu taumatau+Seʻia ou faia ou fili ma mea e tū ai ou vae.”+
2 E faalautele atu e Ieova le tootoo o lou malosi mai i Siona. E fetalai mai o ia iā te oe:
“Inā alu ia ma pule i totonu o ou fili.”+
3 E ofo atu ma le lotomalie e ou tagata i latou lava i le aso o le malosi o lau vaegaʻau.*
Ua pei ou tane talavou o sau e to‘ulu ifo i le tafa o ata,E paia ma matagofie i latou.
4 Ua faia e Ieova se tautoga ma e lē suia lona finagalo:*
“O oe o le ositaulaga e faavavau+E uiga faatasi ma Mekisateko!”+
5 E tū Ieova i lou itu taumatau;+E tuʻimomomoina e ia o tupu i le aso o lona toʻasā.+
6 E na te faasalaina nuu;+E faatumuina foʻi e ia le laueleele i tino oti.+
E na te tuʻimomomoina le taʻitaʻi* o le nuu e matuā telē.*
7 E inu o ia* mai i le ālia i le ala.
O le mea lea e ea ai i luga lona ao.
Faamatalaga Pito i Lalo
^ Po o “i le aso e faapotopoto ai lau vaegaʻau.”
^ Po o le “ma e lē faanoanoa ai o ia.”
^ Epe., “ulu.”
^ Po o “le lalolagi atoa.”
^ E faasino atu i “loʻu Alii” i le fuai. 1.
