Salamo 119:1-176
-
Talisapaia le afioga tautele a le Atua
-
‘E faapefea i talavou ona faamamā pea o latou ala?’ (9)
-
“Ou te fiafia i au faamanatuga” (24)
-
“Maʻeu lava loʻu matuā naunau i lau tulafono!” (97)
-
“Sili atu le tofā mamao ua iā te aʻu nai lo o oʻu faiaʻoga uma” (99)
-
“O lau afioga o le sulu lea i oʻu vae” (105)
-
“E moni lava lau afioga atoa” (160)
-
E filemu ē e matuā naunau i le tulafono a le Atua (165)
-
א [Alefa]
119 E fiafia o ē e lē ponā* o latou ala,O ē e savavali i le tulafono a Ieova.+
2 E fiafia i latou o ē e tausi i ana faamanatuga,+O ē e saʻili atu iā te ia ma o latou lotoatoa.+
3 Ua lē faia e i latou se mea e lē tonu;Ua latou savavali i ona ala.+
4 Na e poloaʻi mai iā i matouIna ia tausia lelei au faatonuga.+
5 Maʻimau pe ana mafai ona ou tūmausalī*+Ina ia ou tausia ai au tulafono!
6 Ona ou lē māsiasi ai lea+Pe a ou manatunatu i au poloaʻiga uma.
7 Ou te vivii atu iā te oe ma loʻu lotosaʻoPe a ou iloa au faamasinogatonu.
8 Ou te tausia au tulafono.
Tau ina ia aua ne‘i e matuā tuulafoaʻia aʻu.
ב [Peta]
9 E faapefea i se tauleʻaleʻa ona faamamā pea lona ala?
E ala i le leoleoina pea o ia e tusa ai ma lau afioga.+
10 Ua ou saʻili iā te oe ma loʻu lotoatoa.
Aua neʻi e faatagaina aʻu e sē ese mai i au poloaʻiga.+
11 Ua ou teu i loʻu loto lau afioga,+Ina neʻi oʻu agasala iā te oe.+
12 Ieova e, ia viia oe;Ia e aʻoaʻo mai iā te aʻu au tulafono.
13 Ua taʻutaʻu atu e oʻu laugutuFaamasinoga uma ua e fetalai ai.
14 Ua ou olioli i au faamanatuga+E sili atu i isi mea tāua uma.+
15 Ou te manatunatu* i au faatonuga+Ma ou te uaʻi atu foʻi i ou ala.+
16 Ou te fiafia lava i au tulafono.
E lē galo foʻi iā te aʻu lau afioga.+
ג [Gimela]
17 Ia e agalelei i lau auauna,Ina ia ou ola ai ma tausi i lau afioga.+
18 Ia e faapupulaina oʻu mata ina ia ou iloa lelei aiMea ofoofogia o lau tulafono.
19 O aʻu o le tagata ese i le laueleele.+
Aua e te natia mai iā te aʻu au poloaʻiga.
20 Ua ou matuā naunauE fia iloa au faamasinoga i taimi uma.
21 Ua e aʻoaʻia o ē e faamaualuluga,O ē ua faamalaiaina ua see ese mai i au poloaʻiga.+
22 Ia e aveese mai iā te aʻu tauemuga ma le inosia,Auā ua ou tausia au faamanatuga.
23 E ui ina nonofo faatasi perenise ma tautatala faasaga iā te aʻu,E manatunatu* lau auauna i au tulafono.
24 Ou te fiafia i au faamanatuga;+E pei o tagata e faufautua mai iā te aʻu.+
ד [Taleta]
25 Ua ou faō i le efuefu.+
Ia e faaolaina aʻu e tusa ma lau afioga.+
26 Na ou faailoa atu iā te oe oʻu ala, ma na e tali mai iā te aʻu;Ia aʻoaʻo mai iā te aʻu au tulafono.+
27 Ia e faamalamalama mai iā te aʻu le uiga* o au faatonuga,Ina ia ou manatunatu* ai i au galuega ofoofogia.+
28 Ua ou lē moe i loʻu faanoanoa.
Ia e faamalosiau iā te aʻu e tusa ma lau afioga.
29 Ia e aveesea mai iā te aʻu le ala taufaasesē,+Ma ia alofa mai iā te aʻu i lau tulafono.
30 Ua ou filifilia le ala o le faamaoni.+
Ua ou manatu foʻi e tonu au faamasinoga.
31 Ua ou pipii atu i au faamanatuga.+
Ieova e, aua e te faatagaina a‘u ina ia ou faanoanoa.*+
32 Ou te naunau e tuliloa* le ala o au poloaʻiga,Auā ua e foaʻi mai iā te aʻu se lotomatala.*
ה [He]
33 Ieova e, ia e a‘oa‘o mai iā te aʻu+ le ala o au tulafono,Ma ou te tausia e oo lava i le iʻuga.+
34 Ia e foa‘i mai iā te aʻu le malamalama,Ina ia ou tausi ai i lau tulafonoMa ia ou tausia ai ma loʻu lotoatoa.
35 Ia e taʻitaʻia aʻu i le ala o au poloaʻiga,+Auā ua ou fiafia i ai.
36 Ia e faauaʻi atu loʻu loto i au faamanatuga,Ae e lē o le matape‘ape‘a.*+
37 Ia e liliuese oʻu mata mai i le vaai atu i mea e lē aogā;+Ia e faaolaina aʻu i lou ala.
38 Ia e faataunuu lau folafolaga* i lau auauna,Ina ia matata‘u ai tagata iā te oe.*
39 Ia e aveesea le faalumaina lea ou te fefe i ai,Auā e lelei au faamasinoga.+
40 Silasila mai i lo‘u naunau i au faatonuga.
Ia e faaolaina aʻu i lau amiotonu.
ו [Vau]
41 Ieova e, tau ina ia ou tofo i lou alofa faamaoni,+O lau faaolataga e tusa ai ma lau folafolaga;*+
42 Ona ou tali atu ai lea i lē o loo taufaifai mai,Auā ua ou faatuatua i lau afioga.
43 Aua lava e te matuā aveesea le upu moni mai i loʻu gutu,Auā ua ou faamoemoe* i lau faamasinoga.
44 Ou te tausia e lē aunoa lau tulafono,E faavavau, faavavau lava.+
45 Ona ou fesavaliaʻi ai lea i se mea saogalemu,*+Auā ou te saʻili i au faatonuga.
46 Ou te tautala i au faamanatuga i luma o tupu,Ma ou te lē mā lava.+
47 Ou te fiafia lava i au poloaʻiga,Ioe, ou te matuā naunau i ai.+
48 E sisii aʻe oʻu lima i au poloa‘iga ia ou te matuā naunau i ai,+Ou te manatunatu* foʻi i au tulafono.+
ז [Saina]
49 Ia e manatua lau afioga* i lau auauna,Lea ua e faatupuina ai lo‘u faamoemoe.*
50 Ua avea ma faamāfanafanaga i loʻu tigā,+Auā o lau afioga ua faaolaina ai aʻu.
51 Ua matuā tauemu mai tagata faamaualuluga iā te aʻu,Ae ou te lē liliuese mai i lau tulafono.+
52 Ieova e, ua ou manatua au faamasinoga talu mai anamua,+Ma ua faamāfanafanaina ai aʻu.+
53 Ua ou matuā ita lava ona o ē e amioleaga,O ē ua tuulafoa‘ia lau tulafono.+
54 Ua avea au tulafono ma aʻu peseI so o se mea ou te nofo ai.*
55 Ieova e, ua ou manatua lou suafa i le pō,+Ina ia ou tausia ai lau tulafono.
56 Ua fai ma a‘u masani lenei mea,Auā ua ou tausia au faatonuga.
ח [Heta]
57 O Ieova o loʻu tofi lea;+Ua ou folafola atu ou te tausi i au afioga.+
58 Ua ou ‘ai‘oi atu iā te oe* ma loʻu lotoatoa;+Ia e alofa mai iā te aʻu+ e tusa ma lau folafolaga.*
59 Ua ou iloiloina oʻu ala,Ina ia toe liliu atu oʻu vae i au faamanatuga.+
60 Ua ou faavave, ma ou te lē faatuaiE tausi i au poloaʻiga.+
61 Ua siʻomia aʻu e maea a ē e amioleaga,Ae ou te lē faagaloina lau tulafono.+
62 Ou te ala i le vaeluapō e faafetai atu iā te oe+Ona o au faamasinogatonu.
63 Ua fai aʻu ma uō a i latou uma e matataʻu iā te oe,Ma i latou e tausi i au faatonuga.+
64 Ieova e, ua tumu le lalolagi i lou alofa faamaoni;+Ia e aʻoaʻo mai iā te aʻu au tulafono.
ט [Teta]
65 Ua e agalelei i lau auauna,Ieova e, e tusa ma lau afioga.
66 Ia e aʻoaʻo mai iā te aʻu le mafaufau lelei ma le poto,+Auā ua ou faatuatua i au poloaʻiga.
67 A o leʻi oo mai tigā iā te aʻu, sa masani ona ou liliuese,*A o lenei ua ou tausia lau afioga.+
68 O oe e lelei+ ma o loo e faia mea lelei.
Ia e aʻoaʻo mai iā te aʻu au tulafono.+
69 Ua tuua‘ia pepelo a‘u e ē faamaualuluga,Ae ou te tausia au faatonuga ma loʻu lotoatoa.
70 Ua lē toe lagona e o latou loto se mea,*+Ae ou te fiafia i lau tulafono.+
71 E lelei ua ou mafatia,+Ina ia ou aʻoaʻoina ai au tulafono.
72 E lelei mo aʻu le tulafono na e faailoa mai,+E sili atu nai lo o le afe o fasi auro ma siliva.+
י [Iota]
73 Na faia aʻu ma saunia aʻu e ou aao.
Ia e foa‘i mai iā te a‘u le malamalama,Ina ia ou aʻoaʻoina ai au poloaʻiga.+
74 E iloa mai a‘u e ē matataʻu iā te oe ma olioli ai,Auā o lau afioga o lo‘u faamoemoega lea.*+
75 Ieova e, ua ou iloa e tonu lava au faamasinoga+Ma ua e faapuapuagatia aʻu i lou faamaoni.+
76 Faamolemole, tau ina ia faamāfanafanaina aʻu e lou alofa faamaoni,+E tusa ma lau folafolaga* i lau auauna.
77 Ia e alofa mutimutivale mai iā te a‘u, ina ia ou ola ai pea,+Auā ua ou fiafia i lau tulafono.+
78 Tau ina ia faamāina o ē e faamaualuluga,Auā ua latou agaleaga mai fua iā te aʻu.*
Ae ou te manatunatu* i au faatonuga.+
79 Ia toe foʻi mai iā te aʻu o ē e matataʻu iā te oe,O i latou ia e iloa au faamanatuga.
80 Tau ina ia lē ponā loʻu loto e tausi i au tulafono,+Ina ia ou lē mā ai.+
כ [Kafa]
81 Ua ou naunau i lau faaolataga;+Auā o lau afioga o lo‘u faamoemoega lea.*
82 Ua naunau oʻu mata i lau afioga+A o oʻu faapea atu: “O afea e te faamāfanafanaina ai aʻu?”+
83 Auā ua pei aʻu o se fagupaʻu* ua mago i le asu,Ae e lē galo iā te aʻu au tulafono.+
84 E fia ea aso e faatalitali ai lau auauna?
O afea e te faaoo mai ai lau faamasinoga i ē e faasauā mai iā te aʻu?+
85 Ua eli e ē faamaualuluga lua mo aʻu,O i latou ia e tetee i lau tulafono.
86 E maufaatuatuaina au poloaʻiga uma.
Ua sauāina aʻu e tagata e aunoa ma se māfuaaga; ia e fesoasoani mai iā te aʻu!+
87 Na toetoe ina latou faaumatia aʻu i le lalolagi,Ae ou te leʻi tuulafoaʻia au faatonuga.
88 Ia e faaola mai iā te aʻu ona o lou alofa faamaoni,Ina ia ou tausia faamanatuga na e fetalai mai ai.
ל [Lameta]
89 Ieova e, e tumau e faavavauLau afioga i le lagi.+
90 O lou faamaoni e mai i lea tupulaga i lea tupulaga.+
Ua e matuā faatumauina foʻi le lalolagi, ina ia tumau ai pea.+
91 E tusa ai ma au faamasinoga, ua tumau nei mea* e oo mai i le aso nei,Auā o au auauna i latou uma.
92 Pe ana ou lē fiafia i lau tulafono,Semanū ua ou fano i oʻu tigā.+
93 E lē galo lava iā te aʻu au faatonuga,Auā o mea na ua e faaolaina ai aʻu.+
94 O oe e ona aʻu; ia e faaolaina aʻu,+Auā ua ou saʻili atu i au faatonuga.+
95 Ua faatalitali o lē e amioleaga ina ia faaumatia aʻu,Ae ua ou uaʻi totoʻa atu i au faamanatuga.
96 Ua ou vaaia le tele o mea e lelei atoatoa,Ae e sili atu ai ona lelei au poloaʻiga.
מ [Mema]
97 Maʻeu lava loʻu matuā naunau i lau tulafono!+
Ou te manatunatu* i ai i le aso atoa.+
98 Ua sili atu loʻu atamai i oʻu fili ona o au poloaʻiga,+Auā ua ou tausia pea i aso uma.
99 Ua sili atu le tofā mamao ua iā te aʻu nai lo o oʻu faiaʻoga uma,+Auā ou te manatunatu* i au faamanatuga.
100 Ua sili atu loʻu malamalama nai lo o toeaina,Auā ua ou tausia au faatonuga.
101 Ua ou musu e savali i ala leaga uma,+Ina ia ou tausia ai lau afioga.
102 Ou te lē ʻaloese mai i au faamasinoga,Auā na e aʻoaʻo mai iā te aʻu.
103 Maʻeu lava le suamalie o au afioga i loʻu gutu,E sili atu nai lo o le meli!+
104 Ona o au faatonuga, ua ou malamalama ai.+
O le mea lea ua ou ʻinoʻino ai i ala sesē uma.+
נ [Nuna]
105 O lau afioga o le sulu lea i oʻu vae,Ma le malamalama i loʻu ala.+
106 Na ou tautō ma ou te faia lava,Ina ia ou tausia au faamasinogatonu.
107 Ua ou matuā puapuagatia lava.+
Ieova e, ia e faaola mai iā te aʻu e tusa ma lau afioga.+
108 Faamolemole Ieova e, ia e fiafia mai i aʻu taulaga tauofo o viiga,*+Ma aʻoaʻo mai aʻu i au faamasinoga.+
109 Ua lamatia pea loʻu ola,*Ae e lē galo iā te aʻu lau tulafono.+
110 Ua faataatia e lē e amioleaga se mailei mo aʻu,Ae ou te leʻi see ese lava mai i au faatonuga.+
111 Ua fai ma oʻu tofi tumau* au faamanatuga,Auā o mea ia e fiafia i ai loʻu loto.+
112 Ua ou filifili* e usitaʻia au tulafonoI taimi uma lava, e oo i le iʻuga.
ס [Sameka]
113 Ua ou ʻinoʻino i tagata faalotolotolua,+Ae ua ou matuā naunau i lau tulafono.+
114 O oe o loʻu lafitaga ma loʻu talita,+Auā o lau afioga o lo‘u faamoemoega lea.*+
115 Ia faamamao ese mai iā te aʻu outou o ē e faia mea leaga,+Ina ia ou tausia ai poloaʻiga a loʻu Atua.
116 Ia e lagolago mai iā te aʻu e tusa ma lau folafolaga,*+Ina ia ou ola ai pea;Aua neʻi e liua loʻu faamoemoe i le faanoanoa.*+
117 Ia e lagolago mai iā te aʻu ina ia faaolaina ai aʻu;+Ona ou uaʻi atu ai pea lea i au tulafono.+
118 Ua e teena i latou uma ua see ese mai i au tulafono,+Auā e pepelo ma faaʻoleʻole i latou.
119 Ua e lafoaʻia tagata amioleaga uma o le lalolagi e pei o ni otaota lē aogā.+
O le mea lea ou te matuā naunau ai i au faamanatuga.
120 Ua gatete loʻu tino ona o loʻu mataʻu iā te oe;Ua ou fefe ona o au faamasinoga.
ע [Oina]
121 Ua ou faia le mea e tonu ma amiotonu.
Aua e te lafoaʻia aʻu i ē e sauāina aʻu!
122 Ia e faamautinoa le saogalemu o lau auauna;Tau ina ia aua neʻi sauāina aʻu e ē faamaualuluga.
123 Ua vaivai oʻu mata i le faatalitali atu i lau faaolataga+Ma lau folafolaga* amiotonu.+
124 Ia e alofa faamaoni i lau auauna,+Ma aʻoaʻo mai iā te aʻu au tulafono.+
125 O aʻu o lau auauna; ia e foaʻi mai iā te aʻu le malamalama,+Ina ia ou iloa ai au faamanatuga.
126 Ua oo mai le taimi e gaoioi ai Ieova,+Auā ua latou solia lau tulafono.
127 O le mea lea ou te matuā naunau ai i au poloaʻigaE sili atu nai lo o le auro, e oo lava i le auro lelei.*+
128 O le mea lea ua ou manatu ai e saʻo faatonuga uma mai iā te oe;+Ua ou ʻinoʻino i ala sesē uma.+
פ [Pe]
129 E ofoofogia au faamanatuga.
O le mea lea ua ou tausia ai.
130 O le faailoa mai o au afioga ua faamalamalamaina ai,+Ua faamalamalamaina ai o ē e leai se poto masani.+
131 Ua faamaga loʻu gutu ma mapuea,*Auā ua ou naunau i au poloaʻiga.+
132 Ia e liuliualo mai iā te aʻu ma ia e alofa mai,+E pei ona e poloa‘ia mo i latou e matuā naunau* i lou suafa.+
133 Ia e taʻitaʻiina ma le saogalemu oʻu laasaga* e ala i lau afioga;Tau ina ia aua neʻi iai se mea leaga e pule mai iā te aʻu.+
134 Ia e laveaʻia* aʻu mai i tagata faasauā,Ona ou tausia lea o au faatonuga.
135 Ia faamalamalama mai ou fofoga i lau auauna,+Ma ia aʻoaʻo mai iā te aʻu au tulafono.
136 Ua tafe ifo loimata mai i oʻu mataOna ua lē tausia e tagata lau tulafono.+
צ [Sati]
137 E amiotonu oe Ieova e,+E tonu foʻi au faamasinoga.+
138 E amiotonu au faamanatugaMa e matuā maufaatuatuaina.
139 Ua lofitūina aʻu i loʻu maelega,+Ona ua faagaloina e oʻu fili au afioga.
140 O lau afioga ua matuā faamamāina lava,+Ma e matuā naunau i ai lau auauna.+
141 E faatauvaa lava aʻu ma inosia;+Peitaʻi, e leʻi galo iā te aʻu au faatonuga.
142 O lau amiotonu, o le amiotonu lea e faavavau,+E moni foʻi lau tulafono.+
143 E ui ua maua aʻu i puapuaga ma faigatā,Ae ou te fiafia pea i au poloaʻiga.
144 O au faamanatuga e tonu ia e faavavau.
Ia e foaʻi mai iā te aʻu le malamalama,+ ina ia ou ola ai pea.
ק [Kofa]
145 Ua ou valaau atu ma loʻu lotoatoa. Ieova e, ia e tali mai iā te aʻu.
Ou te tausia lava au tulafono.
146 Ou te valaau atu iā te oe; ia e faaola mai iā te aʻu!
Ou te tausia au faamanatuga.
147 Ua ou vave ala a o leʻi tafa mai ata o le taeao, ina ia alaga atu mo se fesoasoani,+Auā o au afioga o lo‘u faamoemoega lea.*
148 Ua ala oʻu mata a o leʻi oo i leoleoga o le pō,Ina ia ou manatunatu* ai i lau afioga.+
149 Ia e faafofoga mai i loʻu leo ona o lou alofa faamaoni.+
Ieova e, ia e faaola mai iā te aʻu e tusa ma lau faamasinogatonu.
150 Ua faalatalata mai i latou o loo faia amioga matagā;Ua mamao ese i latou mai i lau tulafono.
151 Ieova e, ua e latalata mai,+Ma e moni au poloaʻiga uma lava.+
152 Ua leva ona ou a‘oa‘oina au faamanatuga,Ia na e faavaeina ina ia tumau e faavavau.+
ר [Resa]
153 Ia e silasila mai i oʻu tigā ma ia e laveaʻi iā te aʻu,+Auā e leʻi galo iā te aʻu lau tulafono.
154 Ia e puipuia a‘u* ma laveaʻi iā te aʻu;+Ia e faaola mai aʻu e tusa ma lau folafolaga.*
155 Ua mamao lava le faaolataga mai i tagata amioleaga,Auā ua latou lē saʻili atu i au tulafono.+
156 Ieova e, ua tele lava lou alofa mutimutivale.+
Ia e faaola mai aʻu e tusa ma lau faamasinogatonu.
157 E toʻatele oʻu fili ma ē e faasauā mai iā te aʻu;+Ae ou te leʻi liliuese mai i au faamanatuga.
158 Ua ou vaai atu ma le ʻinoʻino i ē e faia faiga faaʻoleʻole,Auā e latou te lē o tausia lau afioga.+
159 Silasila mai i loʻu matuā naunau i au faatonuga!
Ieova e, ia e faaola mai iā te aʻu ona o lou alofa faamaoni.+
160 E moni lava lau afioga atoa,+Ma e tumau e faavavau au faamasinogatonu uma.
ש [Sina] po o [Sini]
161 Ua faasauā fua mai perenise iā te aʻu,+Ae ua mataʻu loʻu loto i au afioga.+
162 Ua ou fiafia ona o lau afioga+E pei ona fiafia o se tasi e na te maua le tele o ‘oa.
163 Ou te ʻinoʻino i le pepelo, ou te matuā ʻinoʻino i ai,+Ua ou matuā naunau i lau tulafono.+
164 E faafitu ona ou vivii atu iā te oe i le asoOna o au faamasinogatonu.
165 E tele le filemu o i latou e matuā naunau i lau tulafono;+E leai se mea e tautevateva ai i latou.
166 Ieova e, ua ou faamoemoe i lau faaolataga,Ma ua ou tausia au poloaʻiga.
167 Ua ou tausia au faamanatuga,Ma ua ou matuā naunau lava i ai.+
168 Ua ou tausia au faatonuga ma au faamanatuga,Auā ua e silafia mea uma ou te faia.+
ת [Tau]
169 Ieova e, tau ina ia oo atu iā te oe laʻu alaga mo se fesoasoani.+
Ia e faamalamalama mai foʻi iā te aʻu e tusa ma lau afioga.+
170 Tau ina ia oo atu i ou luma laʻu talosaga mo lou finagalo malie.
Ia e laveaʻi mai foʻi iā te aʻu e tusa ma lau folafolaga.*
171 Tau ina ia taʻutaʻu atu pea e oʻu laugutu ou viiga,+Auā ua e aʻoaʻo mai iā te aʻu au tulafono.
172 Tau ina ia pese atu loʻu laulaufaiva i lau afioga,+Auā e tonu au poloaʻiga uma.
173 Tau ina ia nofosauni lou aao e fesoasoani mai iā te aʻu,+Auā ua ou filifili e usita‘i i au faatonuga.+
174 Ieova e, ua ou naunau i lau faaolataga,Ua ou fiafia foʻi i lau tulafono.+
175 Tau ina ia ou ola pea ina ia ou vivii atu iā te oe;+Tau ina ia avea au faamasinogatonu ma fesoasoani iā te aʻu.
176 Ua ou sē e pei o se mamoe ua leiloa.+ Ia e saʻili mai mo lau auauna,Auā e leʻi galo iā te aʻu au poloaʻiga.+
Faamatalaga Pito i Lalo
^ Po o “ē e faamaoni pea.”
^ Epe., “Maʻimau e, pe ana mausalī oʻu ala.”
^ Po o le “suʻesuʻe.”
^ Po o le “suʻesuʻe.”
^ Epe., “ala.”
^ Po o le “suʻesuʻe.”
^ Po o le “māsiasi.”
^ Epe., “tamoʻe lava i.”
^ Pe atonu “ua e foaʻi mai le mautinoa i loʻu loto.”
^ Po o “tupe faasili.”
^ Po o le “afioga.”
^ Pe atonu “Lea na faia i ē e matataʻu iā te oe.”
^ Po o le “afioga.”
^ Po o le “faatalitali.”
^ Po o “se mea lautele.”
^ Po o le “suʻesuʻe.”
^ Po o le “folafolaga.”
^ Po o le “Lea na e fetalai mai ou te faatalitali i ai.”
^ Po o “I le fale ua ou aumau ai o se tagata ese.”
^ Po o le “Ua ou sa‘ili atu mo lou finagalo malie.”
^ Po o le “afioga.”
^ Po o le “sa ou agasala ma le lē iloa.”
^ Po o le “Ua mafiafia o latou loto e pei o le gaʻo.”
^ Po o le “Auā ua ou faatalitali atu i lau afioga.”
^ Po o le “afioga.”
^ Pe atonu “agaleaga mai iā te aʻu i tala pepelo.”
^ Po o le “suʻesuʻe.”
^ Po o le “Auā ua ou faatalitali atu i lau afioga.”
^ O lenei fagupaʻu na fai mai i paʻu o manu.
^ E faasino atu i ana galuega uma o le foafoaga.
^ Po o le “suʻesuʻe.”
^ Po o le “suʻesuʻe.”
^ Epe., “i taulaga tauofo a loʻu gutu.”
^ Po o le “Ua i loʻu lima loʻu nei ola e lē aunoa.”
^ Po o le “tofi e faavavau.”
^ Epe., “Ua uaʻi atu loʻu loto.”
^ Po o le “ua ou faatalitali atu i lau afioga.”
^ Po o le “e tusa ma lau afioga.”
^ Po o le “Aua neʻi oʻu mā i loʻu faamoemoe.”
^ Po o le “afioga.”
^ Po o le “ua faamamāina.”
^ Epe., “mānavanava.”
^ Epe., “alolofa.”
^ Po o le “Ia e faatumauina oʻu laasaga.”
^ Epe., “faaolaina.”
^ Po o le “Auā ua ou faatalitali atu i au afioga.”
^ Po o le “suʻesuʻe.”
^ Po o le “Ia e faia loʻu faamasinoga.”
^ Po o le “afioga.”
^ Po o le “afioga.”
