Salamo 138:1-8
O le salamo a Tavita.
138 Ou te vivii atu iā te oe ma loʻu lotoatoa.+
Ou te usu viiga iā te oeI luma o isi atua.*
2 Ou te ifo atu i lou malumalu paia,+Ma ou vivii atu i lou suafa+Ona o lou alofa* ma lou faamaoni.
Auā ua e faasilisilia lau afioga ma lou suafa i lo o isi mea uma.*
3 Na e tali mai iā te aʻu i le aso na ou valaau atu ai;+Na e faalototele mai iā te aʻu ma foaʻi mai le malosi.+
4 Ieova e, e vivii atu iā te oe tupu uma o le lalolagi,+Auā ua latou faalogo i folafolaga ua e fetalai mai ai.
5 E latou te pepese e uiga i ala o Ieova,Auā e tele lava le mamalu o Ieova.+
6 E ui ina maualuga Ieova, ae ua silasila mai o ia i le tagata lotomaulalo,+Peitaʻi, e silafia mamao mai e ia o lē ua faamaualuga.+
7 E tusa po ou te savali i totonu o mea e lamatia ai, e te faaola lava iā te aʻu.+
E te faaaogā lou mana e tetee atu ai i o‘u fili e feita mai;E faaolaina aʻu i lou aao taumatau.
8 E faataunuu lava e Ieova mea uma ua ia finagalo i ai mo aʻu.
Ieova e, e tumau e faavavau lou alofa faamaoni;+Aua e te tuulafoaʻiina galuega a ou aao.+
Faamatalaga Pito i Lalo
^ Pe atonu “Ou te tā ma usuina pese iā te oe, e tetee ai i isi atua.”
^ Po o le “alofa faamaoni.”
^ Pe atonu “ua e faasilisilia lau afioga i lou lava suafa.”
