Salamo 145:1-21
O le pese o viiga a Tavita.
א [Alefa]
145 Loʻu Atua e, le Tupu,+ou te faaeaina lava oe, Ou te vivii atu i lou suafa e faavavau, faavavau lava.+
ב [Peta]
2 Ou te vivii atu iā te oe i le aso atoa,+Ou te vivii atu i lou suafa e faavavau, faavavau lava.+
ג [Gimela]
3 E silisili Ieova ma e tatau ona matuā viia o ia;+E lē masuʻesuʻeina foʻi lona silisili ese.+
ד [Taleta]
4 E viiviia e lea tupulaga ma lea tupulaga au galuega;E latou te taʻutaʻu atu au galuega mamana.+
ה [He]
5 E latou te tautatala atu i le matagofie o le viiga o lou mamalu+Ma ou te manatunatu loloto i au galuega ofoofogia.
ו [Vau]
6 E latou te talanoa e uiga i au galuega* mata‘utia;Ma ou te faalauiloa atu foʻi lou silisili ese.
ז [Saina]
7 E latou te taʻutaʻu atu le tele o lou agalelei,+Ma e latou te alalaga fiafia foʻi ona o lau amiotonu.+
ח [Heta]
8 E tigā alofa* Ieova ma alofa mutimutivale,+E telegese lona toʻasā ae e tele lona alofa faamaoni.+
ט [Teta]
9 E agalelei Ieova i meafaiola uma lava,+E faamaonia lona alofa mutimutivale i ana galuega uma.
י [Iota]
10 Ieova e, e faamamaluina oe e au galuega uma,+E vivii atu foʻi iā te oe ou tagata faamaoni.+
כ [Kafa]
11 E latou te faailoa atu le mamalu o lou malo+Ma taʻutaʻu atu e uiga i lou mana tele,+
ל [Lameta]
12 Ina ia faailoa atu i tagata au galuega mamana+Ma le matagofie o le mamalu o lou malo.+
מ [Mema]
13 O lou malo, o le malo e faavavau lea,O lau pule e tumau e oo atu i augātupulaga uma.+
ס [Sameka]
14 E lagolago e Ieova i latou uma ua paʻuʻū,+Ma faatulaʻi i latou uma ua faanoʻunoʻu.+
ע [Oina]
15 E faasaga atu iā te oe mata uma lava ma le faamoemoe;Ua e avatu iā i latou a latou meaʻai i le taimi e tatau ai.+
פ [Pe]
16 Ua e faamafola lou aaoMa faamalie le manaʻo o meafaiola uma lava.+
צ [Sati]
17 E amiotonu Ieova i ona ala uma+Ma e faamaoni i mea uma e na te faia.+
ק [Kofa]
18 E latalata Ieova iā i latou uma e valaau atu iā te ia,+O i latou uma e valaau atu iā te ia ma le faamaoni.+
ר [Resa]
19 E faamalieina e ia o mea e mananaʻo ai ē e matataʻu iā te ia;+E faafofoga foʻi o ia i a latou alaga mo se fesoasoani, ma ia lavea‘ia i latou.+
ש [Sini]
20 E leoleoina e Ieova i latou uma e alolofa iā te ia,+Ae e na te faaumatia i latou uma e amioleaga.+
ת [Tau]
21 E ta‘uta‘u atu e loʻu gutu viiga o Ieova;+Ia vivii atu tagata uma i lona suafa paia e faavavau, faavavau lava.+
