Salamo 146:1-10
146 Ia vivii atu iā Ioa!*+
Ia ou vivii atu iā Ieova ma lo‘u lotoatoa.+
2 Ou te vivii atu iā Ieova i loʻu olaga atoa.
Ou te usuina viiga* i loʻu Atua po o le ā lava le umi ou te ola ai.
3 Aua tou te faatuatua atu i perenise,*Po o le fanau a tagata e lē o iai se faaolataga.+
4 E alu ese lana mānava, e toe foʻi atu o ia i le eleele;+E faaumatia i lea lava aso ona manatunatuga.+
5 E fiafia le tagata e fai le Atua o Iakopo ma ona fesoasoani,+O lē e faamoemoe iā Ieova lona Atua,+
6 O Lē na faia le lagi ma le lalolagi,O le sami ma mea uma o loo iai,+O Lē e tumau ona faamaoni i taimi uma,+
7 O Lē na te faia le faamasinogatonu mo tagata ua ave faagaoi a latou mea,O Lē foʻi na te avatu meaʻai i ē ua matelāina.+
Ua tatalaina e Ieova i latou ua noanoatia.+
8 Ua faapupula e Ieova mata o ē e tauaso;+Ua faatulaʻi foʻi e Ieova i latou ua faanoʻunoʻu;+E alofa Ieova i ē e amiotonu.
9 E puipuia e Ieova tagata ese;E na te tausia le tama ua leai se tamā ma le fafine ua oti lana tane,+Ae e na te faalēaogāina fuafuaga a lē e amioleaga.*+
10 E fai Ieova ma Tupu e faavavau,+Siona e, e fai lou Atua ma tupu i lea tupulaga ma lea tupulaga.
Ia vivii atu iā Ioa!*
Faamatalaga Pito i Lalo
^ Po o le “Aleluia!” O “Ioa” o le faapuupuuga o le suafa o Ieova.
^ Po o le “tā ma usuina pese.”
^ Po o “tamālii.”
^ Po o le “faapiʻoina le ala o ē e amioleaga.”
^ Po o le “Aleluia!” O “Ioa” o le faapuupuuga o le suafa o Ieova.
