Salamo 2:1-12
2 Aiseā ua vevesi ai atunuuMa magamagagū* ai nuu i mea e lē aogā?+
2 Ua tutū faatasi tupu o le lalolagiMa ua faapotopoto* faatasi alii sili,+E faasagatau iā Ieova ma lē na ia faauuina.*+
3 Ua latou faapea ane: “Seʻi o tatou motusi ese ia a laʻua noatagaMa lafoaʻi ese a laʻua maea!”
4 E soisoi Lē o loo afio i le lagi;E tauemu foʻi Ieova iā i latou.
5 I lenā taimi, e fetalai atu o ia iā i latou i lona toʻasā,E na te faaatuatuvaleina foʻi i latou i lona toʻatamaʻi tele,
6 I le fetalai ane: “O aʻu lava ua ou tofia laʻu tupu+I luga o Siona+ loʻu mauga paia.”
7 Seʻi oʻu taʻuina atu le poloaʻiga a Ieova;Ua ia fetalai mai iā te aʻu: “O oe o loʻu atalii;+O le aso nei ua avea ai aʻu ma ou tamā.+
8 Ia e fai mai iā te aʻu, ona ou avatu lea o nuu ese e fai ma ou tofi,Ma tuluʻiga o le lalolagi e fai mo oe.+
9 E te taia i latou i le tootoo uʻamea,+E te nutililiia foʻi i latou e pei o le ipu a le fai ipu omea.”+
10 O lenei, outou tupu e, ia faaalia le tofā mamao;O outou faamasino o le lalolagi, ia talia aʻoaʻiga.*
11 Ia auauna iā Ieova ma le mataʻu,Ma ia olioli ma le gatete.
12 Ia āva* i le atalii,+ ina neʻi toʻasā mai le Atua*Ma faaumatia outou i le ala,+Auā e faafuaseʻi ona sasao aʻe Lona toʻasā.
E fiafia foʻi i latou uma o ē e sulufaʻi atu iā te Ia.
Faamatalaga Pito i Lalo
^ Po o le “mafaufau.”
^ Po o le “taupulepule.”
^ Po o “ma lana Keriso.”
^ Po o le “ia faalogo i le lapataʻiga.”
^ Epe., “sogi.”
^ Epe., “o ia.”
