Salamo 25:1-22
O le salamo a Tavita.
א [Alefa]
25 Ieova e, ou te liliu atu* iā te oe.
ב [Peta]
2 Loʻu Atua e, ou te faatuatua atu iā te oe;+Aua neʻi faamāina a‘u.+
Aua neʻi fiafia oʻu fili ona o aʻu.+
ג [Gimela]
3 E lē faamāina lava i latou uma e faamoemoe iā te oe,+Ae e faamāina i latou e faaʻoleʻole fua i isi.+
ד [Taleta]
4 Ieova e, ia e faailoa mai iā te aʻu ou ala;+Ia e aʻoaʻo mai aʻu i ou ala.+
ה [He]
5 Ia uuna‘ia aʻu ina ia ou savali i lau upu moni ma aʻoaʻo mai iā te aʻu,+Auā o oe o le Atua o loʻu faaolataga.
ו [Vau]
Ou te faamoemoe atu iā te oe i le aso atoa.
ז [Saina]
6 Ieova e, ia e manatua lou alofa mutimutivale ma lou alofa faamaoni,+Lea na e faaalia talu mai le vavau.+
ח [Heta]
7 Ieova e, aua e te manatua aʻu agasala a o o‘u talavou ma aʻu solitulafono.
Ia e manatua mai aʻu e tusa ma lou alofa faamaoni,+Ona o lou agalelei.+
ט [Teta]
8 E lelei ma amio saʻo Ieova.+
O le mea lea ua ia faatonuina ai o ē e agasala i le ala e ola ai.+
י [Iota]
9 E taʻitaʻi e ia o ē e agamalu i le mea sa‘o,*+E aʻoaʻo foʻi e ia o ē e agamalu i lona ala.+
כ [Kafa]
10 E alofa faamaoni ma moni ala uma o IeovaIā i latou o ē e tausi i lana feagaiga+ ma ana faamanatuga.+
ל [Lameta]
11 Ieova e, ona o lou suafa,+Ia e faamagalo mai loʻu sesē e ui ina matuiā.
מ [Mema]
12 O ai ea le tagata e mataʻu iā Ieova?+
E na te faatonuina o ia i le ala e na te filifilia.+
נ [Nuna]
13 E tofo o ia i mea lelei,+E fai foʻi le lalolagi ma tofi o ē e tupuga mai iā te ia.+
ס [Sameka]
14 E vavalalata iā Ieova i latou e matataʻu iā te ia,+E na te faailoa atu foʻi lana feagaiga iā i latou.+
ע [Oina]
15 E faasaga aʻe pea oʻu mata iā Ieova,+Auā e na te tatalaina oʻu vae mai i le upega.+
פ [Pe]
16 Ia liliu mai ou fofoga iā te aʻu ma ia e finagalo malie mai,Auā ua na o aʻu lava ma ua leai so‘u fesoasoani.
צ [Sati]
17 Ua faateleina mafatiaga o loʻu loto;+Ia e aveeseina aʻu mai i mea ou te tigā ai.
ר [Resa]
18 Ia e silasila mai i loʻu tigā ma loʻu faafitauli,+Ma ia e faamagalo mai i aʻu agasala uma.+
19 Tagaʻi foʻi i le toʻatele o oʻu fili,O lo latou ‘ino‘ino iā te a‘u, ua manana‘o ai e faasauā iā te a‘u.
ש [Sini]
20 Ia e leoleo i lo‘u ola ma laveaʻi iā te aʻu.+
Aua neʻi faamāina aʻu, auā ua ou sulufaʻi atu iā te oe.
ת [Tau]
21 Ia leoleo aʻu e le faamaoni ma le amio saʻo,+Auā ua ou faamoemoe atu iā te oe.+
22 Le Atua e, ia e laveaʻi iā* Isaraelu mai i ona mafatiaga uma.
Faamatalaga Pito i Lalo
^ Po o le “ou te tuuina atu loʻu ola.”
^ Epe., “i le faamasinoga.”
^ Epe., “faaolaina.”
