Salamo 28:1-9
-
Faafofogaina le tatalo a le faisalamo
-
“O Ieova o loʻu malosi ma loʻu talita” (7)
-
O le salamo a Tavita.
28 Ieova e, loʻu Papa, ou te valaau atu pea iā te oe;+Aua neʻi e lē faafofoga mai iā te aʻu.
Afai e te lē tali mai iā te aʻu,Ona pei lea o aʻu o i latou ua ō ifo i le lua.*+
2 Ia e faafofoga mai i aʻu ʻaiʻoiga pe a ou tagi atu mo se fesoasoani,Pe a sisii aʻe foʻi oʻu lima i le potu pito i totonu o lou fale‘ie paia.+
3 Aua neʻi e aveina aʻu faatasi ma tagata amioleaga, o ē e faia mea e tigā ai,+O i latou ia e tautatala i le filemu i a latou aumea, ae o loo leaga o latou loto.+
4 Ia e taui iā i latou i mea na latou faia,+E tusa foʻi ma a latou gaoioiga leaga.
Ia e toe taui iā i latou i galuega a o latou lima,E tusa ma mea na latou faia.+
5 Auā e latou te lē ua‘i i mea ua faia e Ieova,+Po o galuega foʻi a ona aao.+
E na te lepetia i latou ma e lē toe atiina aʻe.
6 Ia vivii atu iā Ieova,Auā ua ia faafofoga mai i aʻu ʻaiʻoiga mo se fesoasoani.
7 O Ieova o loʻu malosi+ ma loʻu talita;+Ua faatuatua loʻu loto iā te ia.+
Ua ou maua lana fesoasoani, ma ua olioli ai loʻu loto,O lea, ou te vivii atu ai iā te ia i laʻu pese.
8 O Ieova o le malosi ia o lona nuu;O ia o le ʻolo malosi e aumaia le faaolataga tele i lē ua ia faauuina.+
9 Ia e faaola i lou nuu, ma faamanuia i lou tofi.+
Ia e leoleo iā i latou ma tauave i latou i ou aao e oo i le faavavau.+
Faamatalaga Pito i Lalo
^ Po o le “tuugamau.”
