Salamo 34:1-22
O le salamo a Tavita ina ua faatagā valea+ i luma o Apimeleka, o lē na tuliesea o ia, ma ia alu ese ai.
א [Alefa]
34 Ou te vivii atu iā Ieova i taimi uma;E lē aunoa foʻi ona viiga i oʻu laugutu.
ב [Peta]
2 Ou te mitamita e faatatau iā Ieova;+E faalogo ai o ē e agamalu ma olioli ai i latou.
ג [Gimela]
3 Ia outou faasilisilia Ieova faatasi ma aʻu;+Seʻi o tatou faaeaina faatasi lona suafa.
ד [Taleta]
4 Na ou fesili atu iā Ieova, ona tali mai lea o ia iā te aʻu.+
Na ia laveaʻiina foʻi aʻu mai i mea uma na ou fefe ai.+
ה [He]
5 O ē na vāai atu iā te ia, na fiafia i latou;E lē mafai foʻi ona māsiasi o latou mata.
ז [Saina]
6 Na valaau atu lenei tagata faatauvaa, ona faafofoga mai ai lea o Ieova.
Na Ia faaolaina o ia mai i ona mafatiaga uma.+
ח [Heta]
7 E tolauapi le agelu a Ieova e siʻosiʻomia ai i latou e matataʻu iā te Ia,+Ma e na te laveaʻiina i latou.+
ט [Teta]
8 Inā outou tofotofo ia ma iloa ai e lelei Ieova;+E fiafia foʻi le tagata e sulufaʻi atu iā te ia.
י [Iota]
9 Ia matataʻu iā Ieova, o outou uma o ona tagata paia,Auā e leai se mea e matitiva ai i latou e matataʻu iā te ia.+
כ [Kafa]
10 E oo lava i tamaʻi leona malolosi* e fia aai i latou,A o i latou e saʻili iā Ieova, e leai se mea lelei e matitiva ai i latou.+
ל [Lameta]
11 Oʻu atalii e, inā ō mai ia ma faalogo mai iā te aʻu;Ou te aʻoaʻo atu iā te outou ina ia matataʻu iā Ieova.+
מ [Mema]
12 O ai se tasi o outou e fiafia i le olaMa e naunau e vaai i le tele o aso lelei?+
נ [Nuna]
13 Ia leoleo lou laulaufaiva mai i mea leaga,+Ma ou laugutu mai i le tautala i mea taufaasesē.+
ס [Sameka]
14 Ia liliuese mai i mea leaga ma fai mea lelei;+Ia saʻili le filemu ma tausisi i ai.+
ע [Oina]
15 O loo silasila mai fofoga o Ieova i ē e amiotonu,+Ma e faafofoga mai foʻi ona taliga i la latou alaga mo se fesoasoani.+
פ [Pe]
16 Ae e faasagatau atu fofoga o Ieova i ē o faia mea leaga,Ina ia lē toe manatua i latou i le lalolagi.+
צ [Sati]
17 Ua alalaga atu ē e amiotonu ma ua faafofogaina e Ieova;+Ua ia laveaʻiina foʻi i latou mai i o latou mafatiaga uma.+
ק [Kofa]
18 E latalata mai Ieova i ē e lotomomomo;+E faaola e ia o ē ua lotonutimomoia.+
ר [Resa]
19 E tele puapuaga o le tagata amiotonu,+Ae e laveaʻiina e Ieova o ia mai i na mea uma.+
ש [Sini]
20 E leoleo e Ia o ona ivi uma;E leai lava se ivi e tasi ua gau.+
ת [Tau]
21 E fasiotia i le mala lē ua amioleaga;E taʻusalaina foʻi o ē ua ʻinoʻino i lē e amiotonu.
22 E laveaʻiina e Ieova ola o ana auauna;E lē taʻusalaina foʻi i latou uma e sulufaʻi atu iā te ia.+
Faamatalaga Pito i Lalo
^ Po o “tamaʻi leona taanoa.”
