Salamo 36:1-12
I le faatonu o le ʻaufaimusika. O le salamo a Tavita, le auauna a Ieova.
36 E tautala atu le solitulafono i lē ua amioleaga i totonu o lona loto;Ua leai sona mataʻu i le Atua.+
2 Auā e na te matuā viiviia o ia lava i ona mafaufaugaIna ia iloa ma ʻinoʻino ai i lana mea sesē.+
3 O upu a lona gutu e tigā ma taufaasesē;Ua leai sona tofā mamao e faia ai le mea lelei.
4 Ua ia faufau mea e tigā ai e oo lava i luga o lona moega.
Ua tū o ia i se ala e lē lelei;Ua lē teena foʻi e ia le mea leaga.
5 Ieova e, ua oo i le lagi lou alofa faamaoni,+Ua oo i ao lou faamaoni.
6 O lau amiotonu ua pei o mauga maualuluga;*+O au faamasinoga ua pei o vai loloto ia.+
Ieova e, ua e faasaoina* tagata atoa ma manu.+
7 Le Atua e, maʻeu lava le tāua o lou alofa faamaoni!+
Ua sulufaʻi atu le fanau a tagata, i le paolo o ou apaʻau.+
8 Ua latou feinu ma malilie i mea e sili ona lelei* o loo i lou fale,+Ua e faainu foʻi i latou i vaitafe o au mea e faafiafia ai.+
9 O oe o le puna o le ola;+O lou malamalama ua matou iloa ai le malamalama.+
10 Ia e alofa faamaoni pea i ē o loo iloa oe,+Ma ia e amiotonu foʻi iā i latou e saʻo o latou loto.+
11 Aua neʻi solia aʻu e vae o lē e faasausiliPe tuliesea aʻu e lima o tagata amioleaga.
12 O i inā ua paʻuʻū ai o ē e faia mea sesē;Ua lafotūina i latou ma ua lē mafai ona toe tutū i luga.+
Faamatalaga Pito i Lalo
^ Epe., “pei o mauga o le Atua.”
^ Po o le “faaolaina.”
^ Epe., “i mea lololo.”
