Salamo 4:1-8
I le faatonu o le ʻaufaimusika; ia faaaogā ma meafaifaaili e iai uaua. O le pese a Tavita.
4 Loʻu Atua amiotonu e,+ ia e tali mai iā te aʻu pe a ou valaau atu.
Ia e laveaʻi mai iā te aʻu* i oʻu puapuaga.
Ia e agalelei mai ma faafofoga i laʻu tatalo.
2 O outou le fanau a tagata, o le ā le umi e tou te faalumaina ai loʻu mamalu?
O le ā le umi e tou te fiafia ai i mea e lē aogā ma saʻili i mea pepelo? (Selā)
3 Ia outou iloa e feutagaʻi Ieova ma lē e faamaoni iā te ia i se auala faapitoa;*E faafofoga mai Ieova pe a ou valaau atu iā te ia.
4 Pe a outou atuatuvale, aua neʻi agasala ai.+
Ia outou manatunatu ifo i o outou loto i luga o o outou moega, ma ia fifilemu. (Selā)
5 Ia faia taulaga o le amiotonu,Ma ia outou faatuatua iā Ieova.+
6 E toʻatele ua faapea ane: “O ai e na te faailoa mai iā i matou se mea lelei?”
Ieova e, ia faasusulu mai iā i matou le malamalama o ou fofoga.+
7 Ua e faatumulia loʻu loto i le fiafia tele,E sili atu nai lo o ē e tele a latou saito ma uaina fou.
8 Ou te taoto ma ou moe ma le filemu,+Auā e na o oe Ieova e, ou te nofo ai ma le saogalemu.+
Faamatalaga Pito i Lalo
^ Epe., “Ia e faalautele se ala mo aʻu.”
^ Po o le “e faailogaina e Ieova o lē e faamaoni iā te ia; e tuuesea e Ieova mo ia o lē e faamaoni iā te ia.”
