Salamo 40:1-17
I le faatonu o le ʻaufaimusika. O le pese a Tavita.
40 Ou te matuā faamoemoe atu* iā Ieova,Ona liliu mai lea o ona fofoga* iā te aʻu, ma faafofoga mai i laʻu alaga atu mo se fesoasoani.+
2 Ua ia ave aʻe aʻu mai i le gogolo o le lua,Ma le mea e matuā palapalā.
Ua ia faatūina fo‘i aʻu i luga o le papa;Ua faatumauina e ia oʻu laasaga.
3 Ona ia tuu lea o se pese fou i loʻu gutu,+E viivii atu ai i lo tatou Atua.
E vāai i ai le toʻatele ma maofa ai,Ma latou faatuatua ai iā Ieova.
4 E fiafia le tagata e faatuatua iā IeovaMa e lē vaai atu i tagata fouvale, po o ē ua liliu atu i ala pepelo.*
5 Ma‘eu le tele o mea ua e faia,Ieova e, loʻu Atua!O au galuega ofoofogia ma ou manatunatuga iā i matou.+
E leai se isi e faatusaina iā te oe;+Pe ana ou taumafai e taʻu atu ma tautala i ai,E matuā tele lava, e lē mafaitaulia.+
6 O taulaga ma mea e ofoina atu ua e lē naunau* i ai,+Ae ua e tatala oʻu taliga ina ia faalogo ai.+
E te leʻi talosaga mai i ni taulaga mū ma ni taulaga o agasala.+
7 Ona ou faapea atu lea: “Faauta, ua ou sau.
Ua tusia e uiga iā te aʻu i le tusi tāʻai.*+
8 Loʻu Atua e, ou te fiafia* e fai lou finagalo,+Ma ua i totonu lava iā te aʻu lau tulafono.+
9 Ua ou folafola atu le tala lelei o le amiotonu i totonu o le faapotopotoga tele.+
Faauta! Ua ou lē taofia foʻi oʻu laugutu,+Ieova e, ua e silafia lelei lava.
10 Ou te lē natia i loʻu loto lau amiotonu.
Ou te faalauiloa atu lou faamaoni ma lau faaolataga.
Ou te lē natia lou alofa faamaoni ma lau upu moni i totonu o le faapotopotoga tele.”+
11 Ieova e, aua e te taofia lou alofa mutimutivale mai iā te aʻu.
Tau ina ia leoleoina pea aʻu e lou alofa faamaoni ma lau upu moni.+
12 Ua siʻosiʻomia aʻu e puapuaga, ua lē mafai ona faitaulia.+
Ua lofitūina aʻu i le tele o aʻu mea sesē ua lē mafai ai ona ou vaai;+Ua sili atu le tele nai lo o oʻu lauulu,Ma ua ou lotovaivai ai.
13 Ieova e, faamolemole ia e finagalo malie e laveaʻi mai iā te aʻu.+
Ieova e, ia vave ona e fesoasoani mai iā te aʻu.+
14 Tau ina ia māsiasi ma faamāinaI latou uma o loo saʻili ina ia fasiotia aʻu.
Tau ina ia toe foʻi ma le faalumainaO ē o loo fiafia i loʻu malaia.
15 O ē ua faapea mai iā te aʻu: “Uē! Uē!”
Tau ina ia faate‘ia i latou ona o lo latou lava māsiasi.
16 Ae ia fiafia ma olioli iā te oe+O ē uma o loo saʻili iā te oe.+
Tau ina ia faapea ane e lē aunoa o ē e naunau i lau faaolataga:
“Tau ina ia faasilisilia Ieova.”+
17 Ae ua leai so‘u fesoasoani ma ua ou mativa;Tau ina ia ua‘i mai Ieova iā te aʻu.
O oe o loʻu fesoasoani ma lo‘u lavea‘i;+Loʻu Atua e, aua lava e te faatuai mai.+
Faamatalaga Pito i Lalo
^ Po o le “faatalitali ma le onosaʻi.”
^ Po o le “Ona ia punou ifo lea ma faafofoga mai.”
^ Po o le “liliu atu i tagata pepelo.”
^ Po o le “fiafia.”
^ Epe., “le tusi tāʻai o le tusi.”
^ Po o le “naunau.”
