Salamo 51:1-19
I le faatonu o le ʻaufaimusika. O le pese a Tavita ina ua sau le perofeta o Natano iā te ia, ina ua uma ona momoe Tavita ma Patesepa.+
51 Le Atua e, ia e manatu mai iā te aʻu e tusa ma lou alofa faamaoni.+
Ia e soloiesea aʻu solitulafono e tusa ma le tele o lou alofa mutimutivale.+
2 Ia e matuā faamamā iā te aʻu mai i laʻu mea sesē,+Ma faamamā iā te aʻu mai i laʻu agasala.+
3 Auā ua ou iloa lelei aʻu solitulafono,Ma ua iai pea i oʻu luma* laʻu agasala.+
4 O oe lava ua sili ona* ou agasala i ai;+Ua ou faia le mea leaga i lau silafaga.+
O lea, e amiotonu oe pe a e fetalai mai,E sa‘o foʻi au faamasinoga.+
5 Faauta! Na fanaua aʻu i le amioleaga ma le tigā,Na afuafua foʻi aʻu i le manava o loʻu tinā i le agasala.*+
6 Faauta! Ua e fiafia i le faamaoni o le loto;+Ia e a‘oa‘o loʻu tagata lilo i le atamai moni.
7 Ia e faamamā iā te aʻu i le isopo mai i laʻu agasala, ina ia ou mamā ai;+Ia e faamamā foʻi iā te aʻu, ina ia ou paʻepaʻe atu i lo o le kiona.+
8 Ia ou faalogo i le leo o le olioli ma le fiafia,Ina ia fiafia ai ivi na e nutililiia.+
9 Ia liliuese* ou fofoga mai i aʻu agasala,+Ma ia soloiesea* aʻu mea sesē uma.+
10 Le Atua e, ia e faia se lotomamā mo aʻu,+Ma ia e tuu foʻi i totonu iā te aʻu se agaga fou,+ o se agaga e tumau.
11 Aua e te lafoa‘iina ese aʻu mai i ou luma;Aua foʻi neʻi e aveesea lou agaga paia mai iā te aʻu.
12 Ia e toe faafoʻisia mai iā te aʻu le olioli o lau faaolataga;+Ia e faagaee iā te a‘u le lotomalie e usita‘i iā te oe.*
13 Ou te aʻoaʻo atu ou ala i tagata solitulafono,+Ina ia toe fo‘i atu iā te oe tagata agasala.
14 Le Atua e, o le Atua o loʻu faaolataga,+ ia e laveaʻi iā te aʻu mai i le nofosala i le toto,+Ina ia fiafia ai loʻu laulaufaiva e taʻutaʻu atu lou amiotonu.+
15 Ieova e, ia e faamātala oʻu laugutu,Ina ia taʻutaʻu atu e loʻu gutu lou viiga.+
16 Auā e te lē mana‘o i se taulaga, ana e mana‘o i ai semanū ou te ofoina atu;+E te lē fiafia foʻi i le taulaga mū.+
17 O le lotomomomo ua faia ai taulaga e fiafia ai le Atua;Le Atua e, e te lē teena* le loto e momomo ma nutimomoia.+
18 Ia e feutagaʻi lelei ma Siona i lou finagalo malie;Ia e atiina a‘e pā o Ierusalema.
19 Ona e fiafia ai lea i taulaga o le amiotonu,O taulaga mū ma taulaga atoa;Ona ofoina lea o povi poʻa i luga o lou fata faitaulaga.+
Faamatalaga Pito i Lalo
^ Po o le “i loʻu mafaufau.”
^ Epe., “Ua na o oe lava ua.”
^ Po o le “Ma agasala i le taimi na afuafua ai aʻu i le manava o loʻu tinā.”
^ Po o le “natia.”
^ Po o le “tafiesea.”
^ Epe., “Tau ina ia e lagolagoina a‘u i le agaga usiusita‘i.”
^ Po o le “inosia.”
