Salamo 90:1-17
O le tatalo a Mose, le tagata o le Atua moni.+
90 Ieova e, ua fai oe ma mea e matou te nonofo ai*+ i augātupulaga uma.
2 A o leʻi fanaua mai mauga,A o e leʻi aumaia foʻi* le lalolagi ma le laueleele,+O oe lava o le Atua e mai i le vavau e oo i le faavavau.+
3 Ua e faia le tagata ina ia toe foʻi i le efuefu;Ua e fetalai mai: “O outou le fanau a tagata, inā toe foʻi atu ia i le efuefu.”+
4 Auā e tusa i lau silafaga o tausaga e afe ma le aso ananafi ina ua mavae atu,+E tusa fo‘i ma se leoleoga i le pō.
5 Ua e tafiesea i latou;+ ua mou atu i latou e pei o se miti;I le taeao e pei i latou o le mutia ua ola mai.+
6 I le taeao, e fuga mai ma lauolaola,Ae i le afiafi, e mamae ma magumagu.+
7 Auā ua faaumatia i matou ona o lou toʻasā,+Ma o lou toʻatamaʻi ua matou fefefe ai.
8 Ua e tuuina a matou mea sesē i ou luma;*+Ma faaalialia a matou mea na natia i le malamalama o ou fofoga.+
9 Auā ua mavae atu o matou aso* ona o lou maʻemaʻeā;Ua faaiʻuina foʻi o matou tausaga e pei o le mānava.
10 O le umi o o matou ola e 70 tausaga ia,Pe 80+ tausaga fo‘i pe afai e matuā malosi se tasi.*
Peitaʻi, ua tumu i faafitauli ma mea tigā;E vave mavae atu ma matou ō ese atu ai.+
11 O ai e na te iloa le malosi o lou toʻasā?
O le tele o lou to‘asā, o le tele fo‘i lenā o le mata‘u e ao ona faaalia iā te oe.+
12 Ia e a‘oa‘o i matou ia iloa ona faitau o matou aso+Ina ia o matou maua ai se loto e atamai.
13 Ieova e, ia e toe foʻi mai!+ O le ā ea le umi e te to‘asā ai?+
Ia e alofa mutimutivale i au auauna.+
14 Ia e faamalieina i matou i le taeao i lou alofa faamaoni,+Ina ia matou alalaga fiafia atu ai ma olioli+ i o matou aso uma.
15 Ia e faafiafia mai iā i matou e tusa ma aso na e faatigāina ai i matou,+Mo le tele o tausaga na matou tofo ai i puapuaga.+
16 Tau ina ia vāai au auauna i au galuega,Ma tau ina ia vāai a latou fanau i lou matagofie.+
17 Tau ina ia iai i o matou luga le finagalo malie o Ieova lo matou Atua;Tau ina ia e faamanuia* galuega a o matou lima.
Ioe, ia e faamanuia* galuega a o matou lima.+
Faamatalaga Pito i Lalo
^ Pe atonu “ma o matou sulufaʻiga.”
^ Po o le “aumaia foʻi ma le tigā.”
^ Po o le “Ua e silafia a matou mea sesē.”
^ Po o “matou ola.”
^ Po o “ona o se malosi uigaese.”
^ Po o le “matuā faatumauina.”
^ Po o le “matuā faatumauina.”
