Sapakuka 2:1-20
2 Ou te tū pea i le mea ou te leoleo ai,+Ma ou te tū foʻi i le pā puipui.
Ou te vaavaai pea ina ia iloa ai po o le ā lana fetalaiga e ala mai iā te aʻu,Ma po o le ā foʻi saʻu tali atu pe a aʻoaʻia aʻu.
2 Ona fetalai mai lea o Ieova iā te aʻu:
“Ia tusi i lalo le faaaliga, ia tusi manino i luga o papamaa,+Ina ia faigofie* ai le faitau a lē ua faitauina leotele.+
3 Auā ua tuu le faaaliga mo ona aso atofaina,Ma o loo faanatinati atu pea seʻia oo i lona iʻuga,* ma e lē tala pepelo lava.
E tusa pe e tuai mai,* ae ia faatalitali pea i ai!*+
Auā e oo mai lava.
E lē faatuai mai!
4 Ia vaai i le tagata faamaualuga;*E amiolētonu o ia i lona loto.
A o lē e amiotonu, e ola o ia i lona faatuatua.*+
5 O le mea moni, ona o le faaʻoleʻole o le uaina,Ua lē ausia ai e le tagata faasausili lona sini.
E na te faateleina lona manaʻo e pei o le Tuugamau;*E pei o ia o le oti ma e lē mafai ona faamalieina.
Ua ia faapotopoto mai pea atunuu uma,Ma aofaʻiina mai nuu uma iā te ia.+
6 Pe e lē tautatala faatauemu ea i latou uma nei iā te ia i se faataoto, se faaupuga uigalua, ma ni tupua?+
E latou te faapea ane:
‘O le ā le umi e na te faateleina ai pea mea e lē o ni ana mea?Oi talofa iā te ia auā ua na ona ia faateleina ai o lana aitalafu!
7 Pe e lē tulaʻi faafuaseʻi mai ea i latou na e aitalafu ai?
E feala mai i latou ma matuā lūlūina oe,Ma e latou te faoa au mea.+
8 Talu ai na e faoa atunuu e tele,O le a faoa ai oe e i latou uma ua totoe o nuu,+Ona o lou sasaaina o le toto o tagataMa lou sauā i le lalolagi,I aai ma i latou o loo nonofo ai.+
9 Oi talofa i lē e na te maua mea i se auala lē tonu mo lona aiga,*Ina ia tuu lona faamoega i le mea maualuga,Ina ia sola ese mai i le lima o le malaia!
10 Ua e taupulepule i se mea e faamā ai lou aiga.
O lou faaumatia o nuu e tele ua e agasala ai iā te oe lava.+
11 Auā e alaga mai le maa mai i le pā puipui,Ae e tali atu i ai le laau faalava o le taualuga.
12 Oi talofa i lē e na te fausia se aai i le faamasaatoto,Ma faatumauina se aai i le amiolētonu!
13 Faauta! Pe e lē o Ieova o ʻau ea ua māfua ai ona galulue mamafa tagata mo le afi,Ma lē lavavā ai nuu i mea e lē aogā?+
14 Auā o le a tumu le lalolagi i le iloaina o le mamalu o IeovaE pei ona ufitia o le ilititai i le suāsami.+
15 Oi talofa i lē e na te avatu i ana uō se mea e feinu ai,Ua avatu faatasi ma le lilivau ma le ita, e faaonanā ai i latou,Ina ia iloa atu ai lo latou lē lavalavā!
16 O le a tumu oe i le māsiasi ae e lē o le mamalu.
O oe foʻi, ia e inu ma ia aliali mai ai lou lē peritomeina.*
O le a oo mai iā te oe le ipu o le aao taumatau o Ieova,+Ma o le a faalumaina ai lou mamalu;
17 Auā e ufitia oe i le sauā na faia i Lepanona,Ma e oo fo‘i iā te oe le faatamaʻiaga lea na matuā fefefe ai manu,Ona o lou sasaaina o le toto o tagataMa lou sauā i le lalolagi,I aai ma i latou o loo nonofo ai.+
18 O le ā le aogā o se tupua ua tāIna ua tāina e lē na faia?
O le ā le aogā o se tupua uʻamea ma le aʻoaʻo i mea pepelo,E ui ua faatuatua i ai lē na faia,Ma ua ia faia atua lē aogā e lē tautatala?+
19 Oi talofa i lē ua faapea atu i le fasilaau, “Inā ala mai ia!”
Pe fai atu i se maa e lē tautala, “Ala ia i luga! Ia aʻoaʻo i matou!”
Faauta! Ua ufitia i le auro ma le siliva,+Ma ua leai lava se mānava iā te ia.+
20 A o Ieova o loo i lona malumalu paia.+
Ia fifilemu le lalolagi uma i ona luma!’”+
Faamatalaga Pito i Lalo
^ Po o le “sologa lelei.”
^ Po o le “faataunuuga.”
^ Po o le “E tusa pe e foliga e tuai mai.”
^ Po o le “faatalitali ma le naunau i ai!”
^ Po o le “Faauta! O le tagata ua faafefeteina.”
^ Pe atonu “faamaoni; talitonuga.”
^ Po o “Seoli.” Tagaʻi i le Uiga o Upu.
^ Po o le “nuu.”
^ Pe atonu “ma tautevateva.”
