Sefanaia 1:1-18
1 O le afioga a Ieova na oo mai iā Sefanaia* le atalii o Kusi, o le atalii o Ketalia, o le atalii o Amaria, o le atalii o Esekia, i aso o Iosia+ le atalii o Amone+ le tupu o Iuta:
2 “Ou te matuā tafiesea mea uma i luga o le fogāeleele,” ua fetalai mai ai Ieova.+
3 “Ou te tafiesea tagata ma manu.
Ou te tafiesea manufelelei o le lagi ma iʻa o le sami,+Ma mea e tautevateva ai*+ faatasi ma ē e amioleaga;Ou te faaumatia foʻi tagata mai i luga o le fogāeleele,” ua fetalai mai ai Ieova.
4 “Ou te faaloaloa atu loʻu lima e faasagatau iā IutaMa tagata uma o loo nonofo i Ierusalema,Ou te faaumatia mai i lenei nofoaga o ē uma o totoe o Paala,*+O igoa foʻi o ositaulaga o atua ese, faatasi ma isi ositaulaga,+
5 Ma i latou o ē e ifo i ʻau o le lagi i luga o taualuga o fale,+Ma ē e ifo ma tautō ina ia faamaoni iā Ieova+Ae ua tautō fo‘i ina ia faamaoni iā Malekama;+
6 Ma i latou o ē ua lē toe mulimuli iā Ieova,+Ma ē e lē o saʻili iā Ieova pe fesili atu foʻi iā te ia.”+
7 Inā fifilemu ia i luma o le Alii Pule Silisili Ese o Ieova, auā ua latalata mai le aso o Ieova.+
Ua saunia e Ieova se taulaga; ua ia faapaiaina o ē ua ia valaaulia.
8 “O le aso o le taulaga a Ieova o le a ou taui atu ai i perenise,O alo o le tupu,+ ma i latou uma o ē e oofu i ofu o isi atunuu.
9 Ou te taui atu foʻi i tagata uma o ē e feʻaʻei i le pulelaa* i lenā aso,O ē ua faatumuina fale o o latou matai i le sauā ma le taufaasesē.
10 O lea aso foʻi,” ua fetalai mai ai Ieova,“O le a iai le leo o le alaga mai i le Faitotoʻa o Iʻa,+Ma le uiō mai i le itumalo lona lua o le aai,+Ma le taalili tele mai i mauga.
11 Ia uiō outou o ē o loo nonofo i Metesa,*Auā ua faaumatia* tagata uma o ē e fai fefaatauaʻiga;*Ma ua faaumatia foʻi i latou uma o loo fuaina le siliva.
12 O lea taimi, o le a ou matuā saʻiliʻili ai i Ierusalema i molī,Ma ou taui atu i ē ua faifailemū,* o ē ua faapea ane i o latou loto,‘O le a lē faia e Ieova se mea lelei, e na te lē faia foʻi se mea leaga.’+
13 E faoa a latou oloa ma e faatafunaina foʻi o latou fale.+
E latou te fausia fale, ae e latou te lē nonofo ai;E latou te totō fo‘i togāvine, ae e latou te lē feinu ai i le uaina.+
14 O loo latalata mai le aso tele o Ieova!+
O loo lata mai lava, e matuā televave mai lava!+
E oona le leo o le aso o Ieova.+
E tagiauē ai le toa.+
15 O lea aso, o le aso o le toʻasā,+O le aso o le puapuaga ma le tigā,+O le aso o le afā ma le faatafunaina,O le aso o le pōuliuli ma le pogisa,+O le aso o ao ma le pogisa tele,+
16 O le aso o le pū ma le alaga o le taua,+E faasagatau i aai malupuipuia ma e faasagatau foʻi i ʻolo maualuluga i tulimanu o le pā.+
17 Ou te faaoo le puapuaga i tagata,Ona latou savavali ai lea e pei o tagata tauaso,+Auā ua latou agasala atu iā Ieova.+
O le a sasaa o latou toto e pei o le efuefu,Ma o latou gaʻau* e pei o otaotavale.+
18 E lē mafai ona laveaʻiina i latou e a latou siliva po o a latou auro i le aso o le toʻasā o Ieova;+Auā o le a faatamaʻia le lalolagi atoa i le afi o lona maelega,+Auā o le a ia faaoo mai le faaumatiaga, o se mea e mataʻutia tele, i ē uma lava o loo nonofo i le lalolagi.”+
Faamatalaga Pito i Lalo
^ Lona uiga “Ua Natia (Teuina) e Ieova.”
^ E foliga mai o mea po o gaoioiga e fesootaʻi atu i le ifo i tupua.
^ Po o “so o se mea o totoe a Paala.”
^ Atonu o le pulelaa o le nofoālii o le tupu.
^ Po o “o ē e faatauʻoa.”
^ Epe., “lē tautatala.”
^ E foliga mai o se vaega o Ierusalema e lata i le Faitotoʻa o Iʻa.
^ Epe., “i ē ua toʻa i luga o ʻalu o a latou uaina.”
^ Po o “tino.”
