Sefanaia 2:1-15
2 Ia faapotopoto faatasi, ioe, inā faapotopoto ia outou,+Le nuu e, e lē mā.+
2 Manū e leʻi tutupu mai mea ua poloaʻiina,Manū e leʻi mavae atu le aso e pei o vao mamago,Manū e leʻi oo mai iā te outou le toʻasā tele o Ieova,+Manū e leʻi oo mai iā te outou le aso o le toʻasā o Ieova,
3 Ia saʻili iā Ieova+ o outou uma o ē ua agamalu* i le lalolagi,O ē ua tausia ana poloa‘iga amiotonu.*
Ia saʻili le amiotonu, ia saʻili le agamalu.*
Atonu e lilo ai outou i le aso o le toʻasā o Ieova.+
4 Auā o le a avea Kasa ma aai ua tuulafoaʻiina;Ma e faatafunaina foʻi Asekelona.+
E tuliesea Asetota i le ao teatea,*Ma e liaʻiina foʻi Ekerona.+
5 “Oi talofa iā i latou o ē e nonofo i le talafatai, le atunuu o tagata Kereti!+
O loo faasagatau le afioga a Ieova iā te outou.
Kanana e, le atunuu o tagata o Filisitia, o le a ou faaumatia oe,Ma o le a lē toe iai se tasi e nofo ai.
6 E fai foʻi le talafatai ma laufanua e aai ai lafumanu,E iai vaieli mo leoleo mamoe ma pā maa mo mamoe.
7 E avea lea mea ma vaipanoa mo ē o totoe o le aiga o Iuta;+E latou te aai ai i inā.
E latou te taooto i le afiafipō i fale o Asekelona.
Auā o le a liuliualo atu Ieova lo latou Atua iā i latou,*Ma toe faapotopoto mai o ē na ave faapagota.”+
8 “Ua ou faalogo i le faifai mai a Moapi+ ma upu faatigā a le fanauga a Amoni,+O ē na faalumaina loʻu nuu, ma tautatala faasausili faasaga i lo latou laueleele.+
9 O le mea lea, talu ai o loo ola aʻu,” ua fetalai mai ai Ieova o ʻau, le Atua o Isaraelu,“O le a avea Moapi e pei o Sotoma,+Ma le fanauga a Amoni e pei o Komoro,+O se nofoaga ua iai laau tuitui, o le lua o masima, ma o se mea e faatafunaina e faavavau.+
O le a faoa e oʻu tagata o loo totoe a latou mea,Ma e tutuliesea i latou e ē o totoe o loʻu nuu.
10 O le mea lenei e latou te maua ona o lo latou faamaualuluga,+Auā na latou faifai ma faasausili faasaga i le nuu o Ieova o ʻau.
11 O le a mataʻutia Ieova pe a ia faasagatau iā i latou;Auā o le a ia faaumatia* atua uma o le lalolagi,Ma o le a ifo* motu uma o atunuu iā te ia,+E taʻitasi mai i le mea e nofo ai.
12 O outou foʻi tagata Aitiope, e fasiotia outou i laʻu pelu.+
13 O le a ia faaloaloa atu lona lima i mātū ma faaumatia Asuria,O le a ia fai fo‘i Nineva ma mea e faatafunaina,+ e mātūtū e pei o le toafa.
14 E taooto ai lafu, o manu eseese uma o le vao.*
E momoe ai kati* ma kifota* i le vā o ona poutū ua paʻuʻū.
E tagi foʻi le leo o se manulele i le faamalama.*
O le a iai le faatafunaga i faitotoʻa o fale;Auā o le a ia faaalialia puipui ua fai i le arasi.
15 O le aai faamaualuga lenei na nofo ma le saogalemu,Lea na fai ifo i lona loto, ‘Ua na o aʻu, e leai se isi.’
Pagā le avea o ia ma mea e fefefe ai,O le mea e taooto ai manu o le vao!
E tuufaaili i ai tagata uma e ui ane ai ma faalālā atu i ai a latou moto.”+
Faamatalaga Pito i Lalo
^ Po o “ē ua lotomaulalo.”
^ Epe., “lana faamasinoga.”
^ Po o le “lotomaulalo.”
^ Po o le “aoauli.”
^ Po o le “Auā o le a tausia i latou e Ieova lo latou Atua.”
^ Po o le “faalēaogāina.”
^ Po o le “tapuaʻi.”
^ Epe., “o manu uma o le atunuu.”
^ Tagaʻi i le Uiga o Upu.
^ Tagaʻi i le Uiga o Upu.
^ Atonu foʻi o le leo o le matagi po o se manu o le vao.
