Sefanaia 3:1-20
3 Oi talofa i le aai fouvale ma ua faaleagaina, o le aai sauā!+
2 E leʻi faalogo o ia i se leo;+ e leʻi talia foʻi e ia se aʻoaʻiga.+
E leʻi faatuatua o ia iā Ieova;+ e leʻi faalatalata atu i lona Atua.+
3 Ua avea ona perenise ua iā te ia, o ni leona tagi leotetele.+
Ua avea ona faamasino ma luko i le pō;E latou te lē tuu fo‘i se ponaivi e gali i le taeao.
4 Ua fiasili ona perofeta, o ni tagata faa‘ole‘ole.+
Ua faaleaga foʻi e ona ositaulaga le mea paia;+Ua latou soli le tulafono.+
5 E amiotonu Ieova i totonu o le aai;+ e lē faia e ia se mea sesē.
I lea taeao ma lea taeao, e na te faailoa mai ai ana faamasinoga,+E lē aunoa lava e pei o le oso a‘e o le lā.
Ae e lē iloa e lē e amiolētonu mā.+
6 “Ua ou faaumatia nuu; ua faatafunaina o latou ʻolo i tulimanu o le pā.
Ua ou faagaogaoina o latou auala, ua leai se isi e ui ane ai.
Ua faatafunaina o latou aai, ua leai se tagata, ua leai foʻi sē e nofo ai.+
7 Sa ou faapea atu, ‘E mautinoa lava e te mataʻu iā te aʻu ma talia le aʻoaʻiga,’*+
Ina ia lē faaumatia ai le mea e nofo ai o ia,+Ou te taui atu* iā te ia e tusa ma nei mea uma.
Ae ua atili ai ona latou naunau e faia gaoioiga faapi‘opi‘o.+
8 ‘O lenei, ia outou faatalitali pea* iā te aʻu,’+ ua fetalai mai ai Ieova,‘Seʻia oo i le aso ou te tulaʻi atu ai e osofaʻi ma faoa mea,*Auā o le iʻuga o laʻu faamasinoga o le aoaoina lea o atunuu, ia ou faapotopoto malo,Ina ia sasaa atu ai i luga o i latou loʻu to‘asā, o loʻu ita tele uma;+Auā o le a faatama‘ia le lalolagi atoa i le afi o loʻu maelega.+
9 I lea taimi, ou te suia le gagana a nuu i se gagana mamā,Ina ia latou valaau uma lava i le suafa o Ieova,Ma latou auauna soosootauʻau ai* iā te ia.’+
10 E mai i le vaipanoa o vaitafe o Aitiope,O le a aumai ai se meaalofa iā te aʻu e i latou o loo talosaga mai iā te aʻu, o le afafine lea o loʻu nuu ua faataapeapeina.+
11 O lea aso, e te lē mā aiOna o au gaoioiga uma na e fouvale mai ai iā te aʻu,+Auā ou te aveesea mai iā te oe o ē e mimita faamaualuluga;Ma e te lē toe faamaualuga ai i loʻu mauga paia.+
12 Ou te faatotoe iā te oe o tagata e lotomaulalo ma faamaulalo,+E latou te sulufaʻi atu foʻi i le suafa o Ieova.
13 O ē o loo totoe o Isaraelu,+ e latou te lē faia le amiolētonu;+E latou te lē tala pepelo, e lē iloa foʻi i o latou gutu le laulaufaiva taufaaʻoleʻole;E latou te aai ma taooto, ma e leai se isi e faamataʻu iā i latou.”+
14 Le tama fafine a Siona e, ia alaga atu ma le fiafia!
Isaraelu e, ia alaga atu i le manumalo!+
Le tama fafine a Ierusalema e, ia e olioli ma fiafia ma lou lotoatoa!+
15 Ua aveesea e Ieova faasalaga mai iā te oe.+
Ua ia liliuese lou fili.+
Ua faatasi ma oe le Tupu o Isaraelu, o Ieova.+
E te lē toe fefe i se malaia.+
16 O lea aso, e faapea atu ai iā Ierusalema:
“Siona e, aua e te fefe.+
Aua neʻi paʻuʻū i lalo ou lima.
17 Ua faatasi Ieova lou Atua ma oe.+
E faaolaina e ia auā o ia o Lē e malosi.
O le a fiafia o ia ma matuā olioli iā te oe.+
O lona alofa iā te oe e toʻafilemu ai o ia.*
O le a olioli o ia iā te oe ma le alaga fiafia.
18 Ou te faapotopotoina i latou ua faanoanoa i le lē auai i au tausamiga;+E le‘i iai i latou iā te oe ina ua ave faapagota ma na tauemu tagata iā i latou.+
19 Faauta! O lea taimi ou te gaoioi ai faasaga i ē uma e faasauā iā te oe;+Ma ou te faaola i lē e setusetu,+Ma ou aoaoina o ē ua faataapeapeina.+
Ou te faia i latou ma mea e viiviia ma ta‘uta‘ua*I atunuu uma sa faamāina ai i latou.
20 O lea taimi ou te aumaia ai outou,O lea taimi ou te faapotopotoina faatasi ai outou.
Auā ou te faia outou ma mea e ta‘uta‘ua* ma viiviia+ i nuu uma lava o le lalolagi,Pe a ou toe aumaia o outou tagata na ave faapagota a o outou vāai i ai,” ua fetalai mai ai Ieova.+
Faamatalaga Pito i Lalo
^ Po o le “faasala.”
^ Po o le “faasaʻoga.”
^ Po o le “faatalitali ma le onosaʻi.”
^ Pe atonu “tulaʻi atu ai o se molimau.”
^ Po o le “tapuaʻi ai ma le autasi.”
^ Epe., “O lona alofa e lē fetalai ai o ia.”
^ Epe., “se igoa.”
^ Po o le “ou te faia mo outou se igoa.”
