Mataupu 1

O Le Puna Mamana o Le Agaga Paia

1. Ai se ā sa gaoioi ai le agaga paia i le Faatoaga o Etena i le uluai feiloaiga a le tane ma le fafine?

I LE uluai feiloaiga a le tane ma le fafine, na faalogoina e i laua se malosi—le malosi e tosina ai. Ua maua ai i laua i lea lava taimi i le alofa o le tasi i le tasi. E ui lava ina telenonoa, le lavalavā, lenei uluai tane ma le uluai fafine ae na paia i laua. O le uiga o lena faaupuga, sa maʻemaʻema, mamā, le pona, atoatoa ona lelei i laua i le tino, le mafaufau, ma le fatu. Ona o lea, e lei faalogoina e i laua le tulaga mā ae ua mafai ona faatino se faiā le punitia ma Le na Foafoaina i laua, lo la Atua. Sa olioli i laua faapei ni tamaiti i se faiā ma Ia i se nofoaga paia ma le mamā. O lea nofoaga o le fiafia e le filogia, ua saʻo ona taʻua o le Faatoaga o Etena po o le Parataiso o le Fiafia. Ma o mea uma na siomia ai i laua e afaina ai lo la lelei ma le soifua maloloina. Ua atoatoa ona gaoioi le mana galue paia o le Atua i ina, o lona agaga paia.

2. Ai se ā na faamaonia ai o le Puna o le agaga paia e mamana (e sili atu ona malosi i le tagata)?

² O le tane ma le fafine, o tatou uluai matua faaleeleele, o ni tagata, o le uiga o lena faaupuga, na faia i laua mai le eleele i mea e maua i le eleele. Peitai e faapefea Le tau atua na Foafoaina i laua? O Ia lenei e tatau ona o sē e  mamana. Ua silisili atu le maualuga o Ia na i lo le tagata i le tuufaafeagai o Lona afioaga i le lagi. Sa maualuga foi o Ia i le ituaiga o atamai o lona Peresona. I se faaupuga faigofie, o Ia o le atoaga o le matagofie na i lo le tagata. Ona o lea le pogai, sa lei vaaia o Ia e le tagata e gata le malosi o lana vaai. O le mea moni, e lei vaaia lava e le uluai tane ma le fafine Le na Foafoaina i laua lo la Tamā faalelagi, le Foai-Ola. Talu ai ona o lona afioaga lē vaaia, faalelagi, mamana, ua taʻua o ia faaonapo nei o le “agaga.” Ona o ia o se Peresona patino, pei lava o le mea fai ola tagata ona patino, e mafai ona taʻua Le ua Foafoaina mea uma “o se Agaga.” I le tulaga aupito silisili o ia O Le Agaga. O Ia lava le Puna le vaaia o le agaga paia, auā e paia lava Ia.

3. O ai e ona le galuega ua faasino i ai i le Kenese 1:1?

³ A o lei i ai la tatou lalolagi ma lagi ua siomiaina, ua loa ona soifua ma gaoioi lenei Peresona agaga. O upu maoti nei ua tatala ai le tala faasolopito a le Tusi Paia e aofia ai ma tua atu o le amataga o le tagata: “Na faia e le Atua le lagi ma le lalolagi i le amataga.”—Kenese, mataupu 1, fuaiupu 1.

4, 5. Ai se ā e le tapuai ai i le Atua i ni fale e faia e tagata i soo se vaipanoa faapitoa o le laueleele?

⁴ O sea Atua foafoa mea e maualuga atu i le lagi na ia faia, ua faapea ona sili lona maualuga i le tagata faalelalolagi. O Ia o se agaga i le taʻu po o lona natura. Sa taʻua lenei mea moni e le na Faavaeina le Faa-Kerisiano ina ua mavae ni afe o tausaga talu ona faia le tagata. O tafatafa lava o se vaieli i lalo o le Mauga o Keresema i Samaria anamua na ia fetalai atu ai i se fafine Samaria: “O le Atua o le agaga lava ia; o e tapuai ia te ia, e  tatau ona tapuai atu i le agaga ma le faamaoni.” (Evagelia a Ioane, mataupu e 4, fuaiupu e 24)) Ua le manaomia la e le Atua moni ona tapuai atu i a te ia i ni falesa na faia e tagata i se vaipanoa faapitoa o le lalolagi, e aofia ai ma Ierusalema i Sasae Tutotonu. Ina ua mavae tausaga e itiiti ifo i le luasefulu talu ona faia na upu ua mavae atu, ona tu lea o se aposetolo o le Faa-Kerisiano i luma o le Faamasinoga Sili i le aai o Atenai, ua faatumulia i malumalu i atua ma atua tamaitai o a latou lotu. Na ia faapea atu:

⁵ “O le Atua na faia le lalolagi ma mea uma lava o i ai, ona o le Alii o ia o le lagi ma le lalolagi, e le afio o ia i malumalu e faia e lima; e le o lima o tagata e auauna ai ia te ia, peiseai ua mativa o ia i se mea e tasi; o loo foai mai e ia le ola, ma le manava, ma mea uma lava i le vao mea atoa; ua faia foi e ia nuu uma o tagata i le toto e tasi, ia nonofo i le fogaeleele uma lava.”—Galuega 17:24-27.

6. Sa faapefea ona faailoa e le na fausia le uluai malumalu i Ierusalema, na iloa e ia lea mea moni e faatatau i le tapuaiga a le Atua?

⁶ E sili atu i le afe tausaga a o lumanai lea taimi, sa iloa e le na fausia le malumalu muamua i Sasae Tutotonu i Ierusalema, lena lava mea moni e uiga i le Atua moni, o lē mamana, Agaga e lē faalelalolagi. Ina ua umusa le malumalu na ia faia mo le suafa o le Atua, ona fai atu lea o le tupu sa i Ierusalema i lena vaitaimi i a te Ia i le tatalo e faapenei: “Pe moni ea, e afio le Atua i le lalolagi? Faauta, o le lagi ma le lagi o lagi, e le ofi ai oe, e le atili ai ea ona ē le ofi i lenei fale ua ou faia?”—1 Tupu 8:27.

 O LE ATUA LE PUNA O MALOSI UMA

7. I le ā le auala e le mafai e “le lagi o lagi” ona faaofi ai le Atua?

⁷ O le failauga o upu na e i luga, o Solomona le atalii o le Tupu o Tavita, na avea ma saienitisi aupito atamai a o lei aulia o tatou Aso Taatele. I lona faapea mai ua le gafatia e lagi o lagi ona faaofi ai le Atua o lē na ia fausia i ai se malumalu, sa tautala o ia i se mea moni faasaienitisi. O la tatou laueleele ua na o sina mea itiiti o le vateatea lea o ona faatausiusiuga ua le mafai ona ausia e faaata vaai mamao aupito malolosi a saienitisi o onapo nei. Peitai, o lenei vateatea e lei fuatia ua le lava e gafatia le Atua moni. E le mafai ona faatapulaaina pe taofia ia. Po o le ā lava ua i ai nei o le vateatea, vaaia pe le vaaia, e mafai ona sopoia e le Atua moni. Na te mafaia ona oo atu i tua o le vateatea ua i ai nei ma faia ni isi o mea e faaopoopo i ai ina ia faalauteleina, po o a lava tuaoi ua i ai, ma faapea ona sosopo atu i le gaogao o le vateatea e le gata. Po o le ā le uiga o lenei mea?

8. O le ā le tele o le tumau pea o le tulaga tau Atua o Le na Foafoaina mea, ma ai se ā e leai ai se mea e le mafaia e Ia?

⁸ O lona uiga ua le saisaitia le Atua e le taimi po o le gaogao o le vateatea. O lona soifuaga i taimi ua mavae e le faatuaoia. O lona soifua pea i le lumanai o le a le faatuaoia foi. E faatatau i a te ia lenei, e lē faatapulaaina, fai mai le fai tulafono aupito iloga a o lei oo i le taimi o Kerisiano, o Mose e faapea: “O le Atua oe mai le vavau e oo i le faavavau.” (Salamo 90:2) O lenei Atua soifua pea e le muta lona taimi, ina ia faaauau ai le faia o mea i le vateatea ua i ai nei, e faalauteleina ai. O se faamaufaailoga lenei  o ia o se faupuega e le gata o malosi uma. O mea uma lava o le vateatea ua o ni fusi ninii o le malosi mai i a te ia. Ua tuufaatasia nei mea i ni faatasiga lapopoa ma laiti foi. Na galueaiina e le saienitisi o lona luasefulu senituri o Albert Einstein lenei faatatau (formula): O le malosi e tusa lea ma se tino se mea faatele i le taimi o le saosaoa o le malamalama faafa (po o le E=mc² ). E le o se mea la, e ofo ai, ona e leai se mea e le mafaia e lenei Puna o malosi uma.

9, 10. E faapefea ona aumaia e le Atua le autau o fetu “ua faitauina” ma e leai so latou e “le iloa”?

⁹ Mo se faataʻitaʻiga, matau mai Lana lava ia tautinoga toetoe lava a tatou le talitonu i ai, a o ia fetalai mai e tepa aʻe o tatou mata i le lagi i le po ma maofa i fetu. Ua Ia faapea mai: “Seʻi tetepa ae i luga, ma outou vaai, po o ai ea ua na faia nei mea? Na te taʻitaʻiina mai a latou ʻau ua faitauina; na te valaau ia te i latou uma i o latou igoa; ona o le tele o lona malosi ma lona mana tele; e leai so latou e le iloa.”—Isaia 40:26.

¹⁰ O tagata vaai fetu o aso nei, ma a latou faaata vaai mamao, e na ona latou taumateina le faitau aofai o fetu e mafai ona iloa atu. A e le faapea la Le na Foafoaina le lagi ma le laueleele. “O loo faitaulia e ia le aofai o fetu; ua faaigoaina e ia o latou igoa uma lava.” (Salamo 147:4) Ua faatusaina e Ia fetu o le lagi i se autau tele. Ua silafia e Ia le aofai o lana autau. Na te iloa foi lana autau taitoatasi i o latou igoa. Na te taulotoina ma valaau le faasologa o i latou. Pe a valaauina lana faasologa, e leai se tasi o lana autau o fetu e le tali mai. E taitasi ma tali mai lona lava igoa ma faamafola ana gaoioiga. E maua foi e Ia i latou taitasi o faatino lana  fuafuaga na Ia foafoaina ai i latou. E leai lava se tasi ua le iloa.

11. Ai se ā e le vaivai ai Le na Foafoaina mea ma e le faataga ai foi le vateatea ia malepe pe tu foi e le toe alu?

¹¹ O le tele o “le malosi” ua i le Atua e le ma fuatia. E le uma foi. Pe a tatou mafaufau i le malosi ua saisaitia i le lā o la tatou nei faiga o mea o paneta, ua o se ogaumu o mea papa niukelea e pei o le papa o pomu haiterosene, tatou te ofo ai. Ma afai la tatou te mafaufau i le piliona ma piliona o fetu e le ma faitaulia o le tele o i latou e lapopoa atu i la tatou la, ona tatou tau iloa lea o le malosi tele o loo tafe mai le Atua ua faaata mai e fetu o le lagi. Ae peitai e le muta, pe vaivai ai le Atua. Ona o lea, ma o gatasi ai ma mea moni o loo faapea: “Na te avatua le malosi i e ua vaivai; a o e ua leai se malosi, na te faatuputele i ai le malosi.” (Isaia 40:29) Na te le faatagaina la tatou vateatea tuputupu pea ia leaga ma malepe. O le a tumau pea e faaauau lana fuafuaga na faia ai. I ni upu faatauloto na faapea ane ai se mataʻi fetu anamua. “Ua tala mai e le lagi le mamalu o le Atua; ua faaalia foi e le vanimonimo le galuega a ona aao. O loo taʻu atu le upu e le tasi aso i le tasi aso, o loo faaalia foi le poto e le tasi po i le tasi po.”—Salamo 19:1, 2.

12. Ai se ā e le mautali ai tagata i lo latou le amanaia o le Atua ma lo latou tiute i a te ia?

¹² O se manuia mo i tatou, le lē vaaia o le Atua e le fanau a tagata. Peitai, e ui i lenei, ua ia tuu mai ni faamaoniga se tele o lona i ai ua aunoa le lalolagi o le fanau a tagata ma se faamolemolega e faafitia ai po o le lē amanaia o lona i ai ma lo latou tiute i a te ia. “Auā,” e  pei ona tusia e se tusitala o le Tusi Paia, “o ana mea e le vaaia talu ona faia o le lalolagi, e vaaia lava ia i le mafaufau i mea na faia, o lona mana lava lea e faavavau ma lona Atua; o lea foi ua le mautali ai i latou. Auā foi na iloa e i latou le Atua, a ua le vivii ma faafetai atu ia te ia, ia tusa i le Atua.” (Roma 1:20, 21) I luma la o nei faamaoniga uma, e le mafai ona latou finau ma le manumalo faapea e leai se Atua e pei foi ona le finauaia faapea ua “oti le Atua.” O loo soifua pea o ia ua i a te ia foi le malosi ma le manatua atoatoa ona lelei e faatino ai pea lona finagalo ua uma ona fofogaina, ma faasalalauina mo le ono afe tausaga. O se mea lenei tatou te fiafia ai!

13. O le ā foi le isi mea ua avea ai le Atua ma Puna, e ese ai mai le malosi tele, ma ai se ā?

¹³ Tatou te le aufaatasi ma saienitisi o onapo nei i lo latou teena o le Atua o le Puna o malosi uma o loo gaoioi nei. Tatou te iloa foi o ia o le Puna o se tasi mea e teena foi e saienitisi, ona latou te le iloaina se mea e faatatau i ai. Po o le ā lea? O le “agaga.” Ma ai se ā e le faapea ai o ia o le Puna o le agaga? Sa faasino mai e Iesu Keriso ua sefuluiva senituri talu ai, “O le Atua o le agaga,” po o “O le Atua o se agaga.”—Ioane 4:24, ma le faamatalaga faaopoopo, NW.

14. O le ā le “agaga paia,” ma o ai foi na te aumaiaina?

¹⁴ E mai le Atua lava e mapuna mai ai le malosi galue lē vaaia e mafai ai e ia ona faatino lona finagalo. Ua le na o se uiga e pei o se tagata e mafai ona faaaoga le malosi o lona peresona e ufitia ai isi tagata. Ae o se malosi galue e alualu, ma e mai le Atua e paia, i sona faaupuga, e matua mamā ma tonu. Na te auina atu e faataunuu mea paia. O lea ua saʻo ai ona taʻua o le “agaga  paia.” Ua faapea ona tautalagia ai i le Afioga tusia a le Atua. Na talia foi e Iesu Keriso o le Atua le Puna o le agaga paia. I le faamaoniga o lenei, sa ia fetalai atu i tamā faaletagata o ona aso: “Afai ua iloa e outou ona avatu o mea lelei mā a outou fanau; e le sili ea ona foaiina mai e lo outou Tamā o i le lagi le Agaga Paia i e ole atu ai ia te ia?”—Luke 11:13.

15. E pei o le Tupu o Tavita, o le a le agaga tatou te mananao e galue mai i a i tatou?

¹⁵ Sa talia foi e se tuaā o Keriso o le Atua le Puna o le agaga paia. Na ia faaalia lona taliaina a o faatoese ma aioi i luma o le Atua mo lona sese ia faamagalo i lona faapea atu: “Aua e te lafoaiina aʻu i ou luma; aua foi e le aveeseina lou Agaga Paia ia te au.” (Salamo 51:11) Mo le Tupu o Tavita afai na te le maua le agaga paia o lona uiga ua motusia o ia mai lona Puna. O le iʻuga e sili ona faigata, o le malaia. Afai o tatou i aso nei e talitonu e soifua le Atua ma o ia o le Puna o le agaga paia, afai tatou te ole atu i ai, ona ia faia lea ia maua e i tatou. Tatou te mananao ia gaoioi mai lena malosi i a i tatou, a ea? Afai o lea lo tatou manaoga, o le a faatinoina e le Atua lelei e tele e auala i a i tatou ma puipuia i tatou ia paia i se lalolagi ua lē paia.

O SE MALOSI, E LE O SE PERESONA

16. E faapefea ona faaalia o le upu Eperu mo le “agaga” e matuā ono faamatalaina?

¹⁶ I le Afioga tusia a le Atua, le Tusi Paia, o le upu ua filifilia e faaigoa ai lenei malosi galue le vaaia mai le Atua ua fetaui, auā o se upu e mafai ona faamatalaina. I le tusi ua amata ai le Tusi Paia ua taʻua ai o le ru’ahh. O uluai faaliliuga Eleni o le tusi muamua o le Tusi Paia ua taʻua  ai o le pneu’ma. Ona o le upu Eperu ru’ahh ua aofia ai le manatu e galue ma gaoioi, ua faapea ona faaliliuina ai e tagata faaliliu Faa-Peretania o le “gapā, manava, savili, afā, matagi, malosi galue,” e faapena foi o se “agaga.” Ona o lea, e fesoasoani le faatulagana ua faaaoga ai le upu Eperu e filifili pe faaliliu le upu i le upu “agaga” po o se isi upu.

17. O le ā ua fai mai ai le An American Translation na i lo le faaaogaina o le “Agaga o le Atua” i le Kenese 1:2, ma i lea, ua faaalia ai le ā e uiga i le ru’ahh?

¹⁷ Mo se faataʻitaʻiga, i le Ge 1:2fuaiupu e lua o le Tusi Paia o loo uluai taʻua ai le upu ru’ahh. E faapefea la ona faaupuina i se isi gagana? I le faaliliuga ua talia e le toatele i le Faa-Peretania o le Tusi Paia, o le King James Authorized Version ua faapea ona faaupuina le Kenese 1:1, 2: “Na faia e le Atua le lagi ma le lalolagi i le amataga. Sa soona nunumi le lalolagi ma ua gaogao, sa ufitia foi le moana i le pouliuli; na fegaoioiai foi le Agaga o le Atua i le fogatai.” Peitai, ua faapea ona faitauina i le, An American Translation, faasalalauina ai e le Iunivesete o Chicago i le 1939: “Ina ua amata ona faia e le Atua le lagi ma le lalolagi, o le lalolagi ua o se mea tuufua le aoga, sa ufitia e le pogisa le to ma ua feagiai se matagi tele i uga o le fogatai.” I inei, ua le faaaogaina le upu “Agaga,” a o le upu “matagi,” ma o le faaupuga o “le Agaga o le Atua” ua faaupu o “se matagi tele.” O lea la ua faasino mai e le An American Translation o le upu ru’ahh o sona uiga o se mea le vaaia ma e gaoioi pe galue.

18. O le a fa a le New World Translation of the Holy Scriptures i lona faailoa mai e leai se peresona e taʻua o “le Agaga” na fegaoioiai i luga o le fogatai?

 ¹⁸ A o taofia lenei uiga o ru’ahh o se malosi galue e le vaaia, o le faaupuga lenei i le Faa-Peretania ua tuu i ai e le New World Translation of the Holy Scriptures le Kenese 1:1, 2 e faapea: “Na faia e le Atua le lagi ma le lalolagi i le amataga. O le lalolagi ua aliali mai e le ono faaaogaina e gaogao foi ma sa ufitia e le pogisa le fogatai loloto; ma o le malosi galue o le Atua sa fegaoioiai i luga o le fogatai.” O lea faaliliuga atoa foi ma le An American Translation ua faailoa mai e leai se peresona ua taʻua o “le Agaga” sa fegaoioiai le vaaia i luga o le fogatai sa ufitia ai le kelope atoa. Peitai, o le malosi galue o le Atua e leai sona peresona sa fegaoioiai i luga o le fogatai e lei faasusuluina atu i ai le malamalama.

19. Se a fa a i tatou pe sa fegaoioiai le agaga o le Atua po o lona malosi galue i luga o le fogatai e aunoa ma se mafuaaga?

¹⁹ Pe na faapefea ona faailoa e le malosi galue o le Atua ia lava, tatou te le iloa; ua le faamatalaina atoa mai i le uluai faamaumauga. Ae, e matua mautinoa lava, e lei fegaoioiai le malosi galue o le Atua e faia fua, e aunoa ma se taunuuga maoti. Atonu sa faaaoga e tafi esea ao o mea ninii faakosimita na aafia ai le lalolagi ma punitia le malamalama mai lo tatou la i lona susulu mai i luga o le fogatai loloto sa siomia ai le lalolagi kelope. *

20. Sa faapefea ona agaʻi i luma le Atua ma lana fuafuaga mo o tatou matua faalelalolagi ia vaai e ala i le malamalama o le Aso?

²⁰ A e ui i lea, ina ua mavae le fegaoioiai o le  malosi galue o le Atua i luga o le fogatai, mo se taimi umi e le ma iloa, ona sosoo lea ma le faatonuga tau atua: “Ua fetalai mai le Atua, Ia malamalama; ona malamalama ai lea. Ua silasila atu le Atua i le malamalama ua lelei; ona tuu eseese ai lea e le Atua o le malamalama ma le pouliuli. Ua faaigoa e le Atua le malamalama, O le ao; a ua faaigoa e ia le pouliuli, O le po. O le afiafi ma le taeao o le uluai aso lea.” (Kenese 1:3-5) O lea, e tusa ai ma le tulaga paia o le Atua, sa gaoioi lona malosi galue po o lona agaga i se auala lelei, mo se fuafuaga lelei. Sa faamaonia o se “agaga paia.” Sa faaaogaina e le Atua e auala mai ai le uunaia o lona finagalo mo o tatou uluai matua i le lalolagi e vaai i le malamalama o le Aso.

21. E tusa ai ma le faagaoioiina e le Atua o lona agaga paia, ai se ā ua uunaia ai i tatou ia lagona e pei o le tusitala o le Salamo 143:10?

²¹ I le uluai taʻua o le malosi galue o le Atua, sa ia faaaogaina mo le manuia o le tagata. I le talisapaia o lena mea moni ua tatou aapa atu ai i le Puna faalelagi o le agaga paia. O faamaumauga faale-Tusi Paia mo le tele o afe o tausaga ua faailoa mai ai e faafaigaluegaina lava e le Atua i se auala paia. Ua auauna mo le fuafuaga amiotonu a le Atua. Aua lava neʻi tatou mananao e faasagatau i lena malosi galue le vaaia o le Atua e ona le Malosi uma lava. A e tatau ona maua i tatou i le lagona o le tusitala o le Tusi Paia le na faapea atu i a te ia: “Ia e aʻoaʻo mai ia te au e fai lou finagalo; auā o oe lava loʻu Atua; ia taʻitaʻiina atu aʻu e lou Agaga lelei i le laueleele laulelei.”—Salamo 143:10.

[Faaopoopoga i lalo]

[Fesili mo le Suʻesuʻega]

 [Ata atoa i le itulau 4]