Le Lalolagi Parataiso
O le a toe faaleleia atoatoa e Ieova mea leaga uma ua faia e Satani. Ua faia e Ieova Iesu ma Tupu i le lalolagi atoa. I lalo o lana pulega, o le a faia ai le lalolagi o se parataiso.—Tanielu 7:13, 14; Luka 23:43.
Ua folafola mai e Ieova mea nei:
-
LE ANOANOAI O MEA TAUMAFA: “Ua fua mai e le laueleele ona lava fua; o le Atua, o lo matou Atua lava na te faamanuia mai i matou.” “E taumafa o saito i le nuu i tumutumu lava o mauga.”—Salamo 67:6; 72:16.
-
E LĒ TOE IAI NI TAUA: “Ina o mai ia, ina vaavaai i galuega a Ieova, o le ua faia faatafunaga i le lalolagi. Ua faaiua e ia o taua e oo lava i tuluʻiga o le lalolagi.”—Salamo 46:8, 9.
-
E LĒ TOE IAI NI TAGATA LEAGA: “Auā e faaumatia o e fai amio leaga; . . . E toe itiiti, ona leai lea o le tagata amio leaga; e te mafaufau foi i le mea sa i ai o ia, a e leai lava.”—Salamo 37:9, 10.
-
“E ia te i latou le Atua lava, o lo latou Atua ia. E sōloiesea foi e le Atua loimata uma i o latou mata; e leai foi se toe oti, po o se faanoanoa, po o se aue, e leai foi se toe puapuaga; auā ua mavae atu mea muamua.”—Faaaliga 21:3, 4.
E lē pei o Satani ma ana temoni, o Ieova e lē mafai lava ona tala pepelo. O mea ua ia folafolaina mai e ao ona taunuu moni. (Luka 1:36, 37) E alofa Ieova ia te oe ma e finagalo o Ia ina ia e ola i le Parataiso o le a na faia. O lea, ia faafesootai atu Molimau a Ieova ina ia e aʻoaʻoina atili nisi mea e faatatau i upu moni ofoofogia o i le Afioga a le Atua. Afai e te faatatauina le upu moni i lou olaga, o le a tuu faasaoloto ai oe mai saisaitiaga i faiga faataulaitu, le pepelo, ma le valea. O le a iu foi ina faasaolotoina oe mai le faapologaina i le agasala ma le oti. E pei lava ona fetalai i ai Iesu: “E iloa foi e outou le mea moni, e tuu saʻoloto foi outou e le upu moni.”—Ioane 8:32.