Mataupu 21

O le Faamasino ma Mulimuli Ane Ai

1. O le ā le talitonuga taatele e tusa ai ma le Aso Faamasino?

O LE Ā LE ATA o le Aso Faamasino i lou mafaufau? O isi ua faapea o se nofoalii sili, ma o loo i luma se solo tele o tagata ua faatutuina mai le oti. A o faagasolo tagata taitoatasi i le nofoalii, ua faamasinoina o ia e tusa ma ana amio ua mavae, ua tusitusia i le tusi a le faamasino. A lē o le alu i le lagi, o le a lafo i se afi i seoli, e faalagolago i mea na ia faia.

2. (a) O ai ua na fuafuaina le Aso Faamasino? (e) O ai ua na tofia e avea ma faamasino?

² E ui i lea, ua aumaia e le Tusi Paia se ata e ese o le Aso Faamasino. Ua le o se aso e gatete pe matau ai. Matau le faamatalaga a le Tusi Paia e uiga i le Atua: “Ua faatuina e ia le aso e faamasinoina ai le lalolagi ma le tonu, e le tagata ua tofia e ia.” (Galuega 17:31) O lenei faamasino ua tofia e le Atua, o le mea moni, o Iesu Keriso.

3. (a) Ai se ā tatou te mautinoa ai o le a fai mea tonu Keriso i lana faamasinoga? (e) O le ā le faavae o le a faasinoina ai tagata?

³ Tatou te mautinoa e amiotonu le faamasino a Keriso. Ua faamautinoa lenei mea e se valoaga o i le Isaia 11:3, 4 e faatatau i a te ia. E ese mai i manatu taatele, o le a ia le faamasinoina tagata e faalagolago i a latou amio ua mavae, o ia amioga atonu na latou faia ona o le lē iloa. Ua fai mai le Tusi Paia, i le oti ua tuusaoloto se tagata mai i soo se agasala ua na faia. Ua faapea mai: “Auā o le ua oti ua tuusaunoa ia nai le agasala.” (Roma 6:7) O lona uiga, a toe faatuina se tagata, e faavae ai le faamasinoina o ia i mea na te faia i le taimi o le Aso Faamasino, a e le o i mea na ia faia a o lei oti.

4. (a) O le ā le umi o le Aso Faamasino? (e) O ai o le a fai ma faamasino ma Keriso?

⁴ O lea, o le Aso Faamasino e le o se aso moni e 24 itula. Ua faamanino e le Tusi Paia lenei mea ina ua tautala i a i latou o le a  faatasi ma Keriso Iesu i le faia o le faamasinoga. (1 Korinito 6:1-3) “Na aʻu iloa foi nofoālii,” o le faamatalaga lea a le Tusi Paia, “ma ua latou tietie ai, ua tuuina atu foi le faamasinoga ia te i latou.” O nei faamasino o soo faamaoni faauuina o Keriso, o e ua taʻua e le Tusi Paia, “latou te fai ma tupu foi faatasi ma ia i tausaga e afe.” O lea o le Aso Faamasino e afe tausaga le umi. Ua tutusa ma le 1,000 tausaga o le a pule ai Keriso ma lana 144,000 o soo faamaoni faauuina o se “lagi fou” i luga o le “lalolagi fou.”—Faaaliga 20:4, 6; 2 Peteru 3:13.

5, 6. (a) Sa faapefea e se fai salamo o le Tusi Paia ona faamatalaina le Aso Faamasino? (e) O le a faapefea le olaga i luga o le lalolagi i le vaitaimi o le Aso Faamasino?

⁵ Sei tagai i nei itulau. Ua aumaia ai se manatu  i le ofoofogia o le Aso Faamasino mo le fanau a tagata. Sa tusi mai le fai salamo o le Tusi Paia i lea taimi ofoofogia: “Ia fiafia lava le laueleele ma mea uma o i ai; ona alalaga fiafia ai lea o laau uma o i le vao matua, i luma o Ieova; auā o loo afio mai e faamasino le lalolagi; na te faamasinoina le atu laulau i le amiotonu, atoa ma nuu i lona faamaoni.”—Salamo 96:12, 13.

⁶ I le Aso Faamasino o ē faasaoina mai i a Amaketo o le a galulue i le faia o le lalolagi o se parataiso. O le a toe faafeiloaia ai i lea ē ua maliliu. (Luka 23:43) Maeu se fiafiaga o le a i ai pe a toe faatasia aiga ua leva ona māvae i le oti! Ioe, maeu se mea matagofie o le ola i le filemu, i le olioli i le soifua maloloina lelei ma le maua o faatonuga e tusa i le fuafuaga a le Atua! Ua fai mai le Tusi Paia: “Auā e aʻoaʻoina [le amiotonu]e o nonofo i le atu laulau, pe a faia au faamasinoga i le lalolagi.” (Isaia 26:9) I le Aso Faamasino, o le a aʻoaʻoina tagata uma e  uiga i a Ieova, ma o le a avatu i ai avanoa uma e usiusitai ai ma auauna mo ia.

7. I le vaitaimi o le Aso Faamasino, o le ā o le a tupu i a i latou o ē filifili e auauna i le Atua mai latou o ē e lē mananao e faia faapea?

⁷ I lalo o tulaga parataiso faapea o le a faamasino ai e Iesu Keriso ma lana 144,000 o tupu lagolago le fanau a tagata. O ē filifili e auauna i a Ieova o le a maua le ola e faavavau. A e ui lava i nei tulaga silisili ona lelei, o isi o le a lē fia auauna i le Atua. E pei ona fai mai le Tusi Paia: “E alofagia le ua amio leaga, a e le aʻoaʻo lava o ia i le amiotonu; o le nuu o i ai le amiotonu e agafaapiopio ai o ia.” (Isaia 26:10) A mavae le tuuina atu o se avanoa atoatoa ina ia suia ia o latou ala ma aʻoaʻo i le amiotonu, ona faaumatia lea o ia tagata amio leaga. O nisi o le a fasiotia a o lei iu le Aso Faamasino. (Isaia 65:20) O le a lē faataga pea i latou e tumau e faaleagaina le lalolagi parataiso.

8. O le ā le tulaga tau amio sa i ai tamaloloa o Sotoma?

⁸ O le a matuā avea lava o se faaeaga sili le toe faatuina mai i le lalolagi i le Aso Faamasino sili o Ieova. Peitai, ua faaalia e olioli ai tagata uma. Mo se faaaʻoaʻoga, ia manatunatu i tagata o Sotoma anamua. Ua faapea mai le Tusi Paia, sa saili tamaloloa o Sotoma ina ia faia feusuaiga faaleituaiga ma ‘tamaloloa’ o ē na asiasi atu  ia Lota. Sa matuiā nauā a latou amioga lē mamā e oo lava ina ua taia faavavega i latou ma faatauasoina ai, ae sa ‘lailoa i latou lava i le taumafai e saili le faitotoa’ o le fale ina ia sao ai i totonu e faia feusuaiga ma malo a Lota.—Kenese 9:4-11.

9, 10. O le ā ua faaalia e le Tusi Paia e uiga i le faamoemoe o le toetu mo tagata amioleaga o Sotoma?

⁹ Pe o le a toe faatutuina mai na tagata amioleaga mataʻutia i le Aso Faamasino? Ua faaalia mai e le Tusi Paia faapea e manino o le a lē toe faatutuina i latou. Mo se faaaʻoaʻoga, na tusia muamua e se tasi o soʻo faagaeeina o Iesu, o Iuta, e uiga i agelu na tuua o latou nofoaga i le lagi ina ia faia ai feusuaiga ma afafine o tagata. Ona ia faaopoopo mai lea: “E pei o Sotoma ma Komoro, ma aai sa vagavagaia ai, ua faitaaga pei o i latou, ma mulimuli atu i nisi tino, o lea ua tuua mai ai i latou e fai ma faailoga, ua faasalaina i latou i le afi e faavavau.” (Iuta 6, 7; Kenese 6:1, 2) Ioe, ona o le faateteleina o a latou amioga lē mamā na mafatia tagata o Sotoma ma aai sa siomia ai i se faaumatiaga, lea o le a manino e lē taitai ona toe faatutuina mai ai i latou.—2 Peteru 2:4-6, 9, 10a.

¹⁰ Sa faaalia foi e Iesu faapea atonu o le a lē toe faatutuina mai tagata Sotoma. Ina ua ia fetalai e uiga ia Kapanaumi, o se tasi o aai na fai ai ana vavega, na ia faapea mai: “Ana faia i Sotoma o vavega na faia ia te oe [Kapanaumi], po ua tumau ia ua oo i nei ona po. O lea foi ou te fai atu ai ia te outou, E feoloolo le nuu o Sotoma i le aso faamasino ia te oe.” (Mataio 11:22-24) Sa faamamafa ai e Iesu i inei le aʻoaʻia o tagata o Kapanaumi i le fetalai o ē i mafaufau o lana au faalogologo Isaraelu, ua matuā lē tatau i ai se toetu i le Aso Faamasino.

11. Ai se ā o le a faigofie ai le Aso Faamasino mo ē “amiotonu,” na i lo so o se tasi e “amioletonu”?

¹¹ Ma le mautinoa la, e ao ona tatou faia mea uma lava e mafai ona tatou faia ina ia ola ai o tatou olaga mo le mauaina o se toetu. Ae atonu o le a fesiligia pea: Pe o le a sili atu ea ona faigata mo nisi e toe faatutuina mai ona aʻoaʻoina ma faatinoina le amiotonu na i lo le mea o le a i ai mo isi? Ia tau ina manatunatu: A o leʻi maliliu na tagata “amiotonu” e pei o Aperaamo,  Isaako, Iopu, Tepora, Ruta ma Tanielu, sa latou tulimataia uma lava le oo mai o le Mesia. Maeu so latou olioli i le Aso Faamasino e aʻoaʻoina e uiga ia te ia, ma o loo pule o ia i le lagi! O le a sili ai la ona faigofie mo nei tagata “amiotonu” ona faia le amiotonu i lena taimi na i lo le faia faapea e so o se tasi e “amiotonu” e toe faatuina mai.—Galuega 24:15.

TOE TUTU I LE “OLA” MA I LE “FAASALA”

12. E tusa ai ma le Ioane 5:28, 30, o ai o le a maua le “toe tutū i le ola,” ma o ai o le a maua le “toe tutū i le faasala”?

¹² Sa fetalai Iesu e uiga i le Aso Faamasino: “E faalogo ai i lona leo o i latou uma ua i tuugamau, ma latou o mai ai; o e na amio lelei, e toe tutū i le ola; a o e na amio leaga, e toe tutū i le faasala . . . e faatatau laʻu faamasinoga i loʻu faalogo; ua tonu lava laʻu faamasinoga, auā ou te le usiusitai i loʻu lava loto, ao le finagalo o le Tamā, o le na auina mai aʻu.” (Ioane 5:28-30) O le ā le “toe tutū i le ola,” ma o le ā le “toe tutū i le faasala”? Ma o ai o le a toe tutū ai?

13. O le ā le uiga o le mauaina e se tagata o le “toe tutū i le ola”?

¹³ Ua tatou iloa manino i le toe o mai o e ua feoti nai tuugamau, o le a lē faamasinoina i latou i a latou amioga ua mavae. Na i lo lena, o le a faamasinoina i latou i mea latou te faia i le taimi o le Aso Faamasino. Ina ua taʻua e Iesu “o e na amio lelei” ma “e na amio leaga,” sa ia faasino i mea lelei po o mea leaga o le a latou faia i le Aso Faamasino. Ona o mea lelei o le a latou faia, o le toatele e toe faatutuina mai o le a agai i le lelei atoatoa faaletagata i le iuga o le 1,000 tausaga o le Aso Faamasino. O lo latou toe tutū o le a faamaonia o se “toe tutū i le ola,” auā o le a latou oo atu i le le ola lelei atoatoa e aunoa ma le agasala.

14. O le ā le uiga o le mauaina e se tagata o le “toe tutū i le faasala”?

¹⁴ I le isi itu, e faapefea i ‘ē fai mea leaga’ i le taimi o le Aso Faamasino? O lo latou toe o mai nai le oti o le a faamaonia o se “toe tutū i le faasala.” O le ā le uiga o lenei mea? O le faasalaga po o le taʻusalaina i le oti. O nei tagata o le a faaumatia, a lē o le vaitaimi o le Aso Faamasino, o lona faaiuga. Ona ua fai e i latou mea leaga; latou e faaulumalo ma mumusu e aʻoaʻo ma fai le amiotonu.

 PE A AMATA LE ASO FAAMASINO

15. O le ā e tupu a o toe itiiti lava amata le Aso Faamasino?

¹⁵ Sa vaaia e le aposetolo o Ioane se ata o mea e tutupu, ona sosoo lea ma le Aso Faamasino. Sa ia tusi: “Na aʻu iloa foi le nofoālii tele e sinasina, ma le o tietie ai, ua sosola ese le lalolagi ma le lagi i ona luma, . . . Na aʻu iloa foi o e na oti, o tagatānuu atoa ma alii, o tutū i luma o le Atua, . . . ona faamasinoina ai lea o e na oti.” (Faaaliga 20:11, 12) A o lei amata le Aso Faamasino, o lenei faiga o mea e faia aʻe i le “lalolagi ma le lagi,” o le a mavae. Ua na o ē e auauna i le Atua e faasao, a o ē amio leaga e faaumatia i a Amaketo.—1 Ioane 2:17.

16. (a) O ai, e ese mai i ē ua oti, o lea faamasinoina i le vaitaimi o le Aso Faamasino? (e) Mai i le ā o le a faamasinoina ai i latou?

¹⁶ O lea, e lē na o ē “oti” ua toe faatutū o le a faamasinoina i le Aso Faamasino. O ē “ola” ua sao mai i a Amaketo, ma so o se tasi o a latou fanau o le a faamasinoina foi. (2 Timoteo 4:1) I lana faaaliga sa vaaia ai e Ioane pe faapefea ona faamasinoina i latou. Sa ia tusi: “Ona fofola lea o tusi, . . . ona faamasinoina ai lea o e na oti i mea ua tusia i tusi, e tusa ma a latou amio. Ua avae foi e le sami e na oti sa i ai, ua avae foi e le oti ma seoli e na oti sa i ai; e taitasi foi o i latou ma faamasinoina e tusa ma a latou amio.”—Faaaliga 20:12, 13.

17. O ā “tusi” o le a faamasinoina ai ē “ola” ma ē na “oti”?

¹⁷ O ā “tusi” o le a tatala o loo faamasinoina ai “e na oti” faapena foi ma e “ola”? Atonu, e foliga mai o nei mea e faaopoopo atu i la tatou Tusi Paia o i ai nei. O ni tusi faagaeeina o loo i ai faatonuga ma tulafono a Ieova. O le a mafai ona iloa e tagata uma o le lalolagi le finagalo o le Atua e ala i le faitauina o na tusi. Ona faamasinoina ai lea o tagata uma taitoatasi o i le lalolagi e faavae aʻe i tulafono ma faatonuga o loo i nei “tusi.” O i latou e usiusitai i mea o tusia ai o le a maua aoga o le taulaga togiola a Keriso, ma o le a mulimuli ane ai oo atu i latou i le lelei atoatoa faaletagata.

18. (a) O lā le tulaga o le a iai i le iuga o le Aso Faamasino? (e) O le ā le auala e oo atu ai e “oti” i le ola i le iuga o le 1,000 tausaga?

¹⁸ I le iuga o le 1,000 tausaga o le Aso Faamasino, o le a leai se tagata i le lalolagi e oo atu ina oti ona o le agasala a Atamu. I sona uiga moni atoatoa, o le a oo ina ola tagata uma. Ua faapea  mai le Tusi Paia: “A o e totoe o e ua “oti” e lē faatatau i le toe faatutuina ma o isi pea uma le 1,000 tausaga o le Aso Faamasino. Peitai, o le uiga o le toe ola o tagata uma, o le oo atu lea o i latou mulimuli ane ai lava i le lelei atoatoa faaletagata. O le a i ai i latou i le tulaga lelei atoatoa e pei lava ona sa i ai Atamu ma Eva i le faatoaga i Etena. O le ā o le a tupu mulimuli ane ai?

PE A MAVAE LE ASO FAAMASINO

19. O le ā e faia e Keriso i le iuga o le Aso Faamasino?

¹⁹ Ina ua maea ona faia mea uma na tuuina e le Atua i a te ia, ona toe tuu lea e Iesu Keriso “le malo o le Atua, o le Tamā lea.” E faia lenei mea i le iuga o le 1,000 tausaga o le Aso Faamasino. I lea taimi ua aveesea ai fili uma. O le toe fili lava o le oti na tuufaasolo mai i a Atamu. O le a faaumatia! Ona avea lea o le Malo ma mea totino a Ieova le Atua. E pule tuusaʻo mai o ia o le Tupu.—1 Korinito 15:24-28.

20. (a) O le ā o le a faia e Ieova ina ia fuaina ia po o igoa o ia e tatau ona tusia i le “tusi o le ola”? (e) Ai se ā ua fetaui ai ona i ai se tofotofoga mulimuli o le fanau a tagata?

²⁰ E faapefea e Ieova ona fuafua po o ai igoa e tusia i le “tusi o le ola”? (Faaaliga 20:12, 15) E ala i se tofotofoga i le fanau a tagata. Manatua pe na faapefea ona pauʻu Atamu ma Eva i sea tofotofoga, ma pe na faapefea ona faamaoni pea Iopu ina ua tofotofoina. Ae, o le toatele o ē ola seia oo i le iuga o le 1,000 tausaga e lei tofotofoina lava lo latou faatuatua. A o lei faatutuina mai se faatalale i latou i fuafuaga a Ieova. Sa avea ma vaega o le faiga amio leaga a Satani; na “amioletonu” i latou. A o toe faatutuina, e faigofie ona latou auauna i a Ieova ona o loo ola i Parataiso e aunoa ma teteega mai le Tiapolo. Pe o lenei faitau piliona o tagata ua lelei atoatoa, o le a auauna pea i a Ieova pe afai o le a tuu i a Satani le avanoa e taofia ai i latou? Pe e mafai e Satani ona faia i a i latou e pei ona sa ia faia i a Atamu ma Eva lelei atoatoa?

21. (a) O le a faapefea ona tofotofoina e Ie lava le fanau a tagata? (e) Pe a maea le tofotofoga, o le ā o le a tupu i a i latou uma o aafia ai?

 ²¹ Ina ia tali ai ia fesili, o le a toe tatala e Ieova Satani ma ana temoni mai i le to e le gata na i ai mo le 1,000 o tausaga. O le ā le iuga? Ua faaalia e le Tusi Paia e manuia faiga a Satani i le toe faaliliuina o isi tagata mai le auauna atu i a Ieova. O le a pei i latou “o le oneone o le sami,’ e le mafaitaulia lo numera. A mavae lenei tofotofoga, ona lafo lea o Satani ma ana temoni, ma ē e lē sao mai i lea tofotofoga, ona lafo lea o Satani ma ana temoni, ma temoni, ma ē e lē sao i lea tofotofoga i le “lepa” faafaatusa, o lona uiga o le oti i le “tusi o le mavae lenei tofotofoga, ona lafo lea o Satani ma ana temoni, ma uiga o le oti (e faavavau) faalua. (Faaaliga 20:7-10, 15) A o e ua tusia igoa i le “tusi o le ola” o le a tumau i le lalolagi parataiso mamalu. O le tusia o o latou igoa i le “tusi o le ola” o lona uiga ua faamasinoina i latou e Ieova e amiotonu lelei atoatoa i le loto, mafaufau ma le tino ma agavaa mo le ola e faavavau i parataiso i le lalolagi.

O LE ASO FAAMASINO NEI

22. Ina ia ola e vaai i le Aso Faamasino ma le tofotofoga mulimuli o le fanau a tagata, o le ā e tatau nei ona tatou sao mai ai?

²² Ua aumaia e le Tusi Paia tala i mea e tutupu e sili atu i le 1,000 tausaga i le lumanai. Ma ua leai se pogai e matatau ai i mea o faatali mai i le lumanai. Ae o le fesili: Pe o le a e i ai i ina e olioli i mea lelei ua teuina e Ieova le Atua? E faalagolago lea i le pe o lea e sao mai i se uluai aso faamasino “le aso [nei] e faamasino ai ma fano ai tagata faalematau.”—2 Peteru 3:7.

23. (a) I ā vaega e lua o loo vaevaeina nei i ai tagata? (e) O le ā o le a tupu i ia vaega taitasi, ma ai se ā?

²³ Ioe, talu le toe afio mai o Keriso ma nofo i lona nofoalii faalelagi, ua i lalo se faamasinoga le fanau a tagata. O le “aso [nei] e faamasino ai,” e muamua a o lei amata le Aso Faamasino e 1,000 tausaga. I aso nei e faamasino ai, ua tuueseese tagata o ni “oti” i le itu tauagavale o Keriso po o ni “mamoe” i lona itu taumatau. O “ʻoti” o le a faaumatia ona ua lē fesoasoani i “uso” faauuina o Keriso i la latou auauna i le Atua. I se vaitaimi, ua faaalia e nei “ʻoti” i latou o ni tagata agasala e lē salamo, amio leaga, ua faamaaa i faiga amioletonu. I le isi itu o “mamoe,” o le a faamanuia i le ola i lalo o le pule a le Malo ona sa lagolago “uso” o Keriso i soo se auala.—Mataio 25:31-46.

[Fesili mo le Suʻesuʻega]

[Ata i le itulau 178]

Ai se ā sa fetalai mai ai faapea Iesu o le a feoloolo le tulaga o tagata Sotoma i le Aso Faamasino?