Nuu o le Tusi Paia

INA ua lata i le taimi e ulu atu ai Isaraelu i le Nuu Folafolaina, na faailoa atu ai e Mose i le Atua lona faanaunauga loloto sa iai: “Seʻi ou alu atu ou te matamata ai i le nuu lelei o i tala atu o Ioritana, o lenā mauga lelei.”—Te 3:25.

E leʻi faatagaina Mose e faia faapea, ae na ia aʻea se mauga e faasaga i Ieriko ma matamata i le nuu, ‘o Kiliata e oo lava i Tanu atoa ai ma le nuu o Iuta i le sami tupito ma le itu i toga ma le vanu o Ioritana.’ (Te 3:27; 34:1-4) Pe na e faalogo muamua i na nofoaga? E te iloa o fea e iai?

E toʻaitiiti tagata o Ieova i le taimi nei e mafai ona asiasi atu i le tele o nofoaga latou te faitau i ai i le Tusi Paia. E lē o mafai ona latou faia le tulaga na fetalai atu le Atua iā Aperaamo e fai, o le femalagaaʻi solo lea i le Nuu Folafolaina. (Ke 13:14-17) Ae ui lava i lea, e naunau Kerisiano latou te fia iloa nofoaga o le Tusi Paia, ma le auala latou te faafesootaʻia ai nei nofoaga eseese.

E mafai ona fesoasoani lenei tusi ‘Matamata i le Nuu Lelei’ e faalautele ai lou iloa i le Tusi Paia. Ua iai ata o nofoaga moni e pei o Kiliata o loo faaalia mai i le faavaa. E sili atu foʻi ona manino faafanua, e mafai ona faateleina ai lou malamalama i nofoaga o le Tusi Paia.

O le faafanua i le itulau e 2 ma le 3, ua taulaʻi atu lea i nuu tetele. O se faataʻitaʻiga, pe a e iloa le nofoaga e iai Asuria ma Aikupito mai le mea e iai le Nuu Folafolaina, o le a mafai ona e malamalama lelei ai i valoaga o loo taʻua ai na nuu. (Isa 7:18; 27:13; Ho 11:11; Mi 7:12) O le laufanua itiiti lea ua taʻua o le Nuu Folafolaina, sa avea ma fetaulaigāala, ma na taumafai nisi atunuu e pulea lona laufanua lauolaola, o tovine, ma togāolive.—Te 8:8; Faama 15:5.

E iai taimi e te manaʻo ai e faatusatusa faafanua. O se faaaʻoaʻoga, na tofia Iona e alu i le laumua o Asuria, ae na sola atu i le vaa i Tasesa. (Iona 1:1-3) Po o e maua nofoaga na i le faafanua muamua? Peitaʻi, aua le feaveaʻia Turo ma Uro le nuu o Aperaamo. O le a e maua Uro ma isi aai iloga i le faafanua lea.

Ia mafaufau i le umi o le malaga ma le auala na uia e Aperaamo pe a e maua Uro, Karana, ma Ierusalema. Ina ua valaauina e Ieova o ia mai Uro, ona nofo lea i Karana ma agaʻi atu i le Nuu Folafolaina. (Ke 11:28–12:1; Ga 7:2-5) O le a manino lelei foʻi i le malaga a Aperaamo, a o e iloiloina “Le Faasologa Mai o Augātamā,” o loo i itulau 6-7.

O le faafanua muamua ma le faafanua lea, e lē o fesootaʻi atu i se vaitaimi patino. A o isi faafanua e sosoo ai, o loo faasolo saʻo mai mea na tutupu i le talafaasolopito. O aai po o faamatalaga o i le faafanua, e fesootaʻi atu i mea na tutupu i se vaitaimi patino. E ui e lē o aofia i le Faasinoga o Faafanua (itulau 34-35) igoa o nofoaga uma o i le faafanua, ae e mafai ona fesoasoani iā te oe, e suʻe po o lē fea faafanua e fesootaʻi atu i le manatu o loo e tilofaʻia.

O loo maua i le faafanua ogatotonu (itulau 18-19) le tele o taulaga ma aai eseese i le Nuu Folafolaina. O le a fesoasoani iā te oe Faailoga i le Faafanua e suʻe ai aai o le ʻau sa Levī ma aai o  sulufaʻiga e ono, ma iloa ai po o le fea o Tusitusiga Paia Eleni ma le Eperu o taʻua ai sea nofoaga, pe maua foʻi i tusi uma ia.

Ona e lē o mailoa i le taimi nei tulaga o nisi nofoaga o le Tusi Paia, o le tele lava la o na igoa, e lē o maua i le faafanua ogatotonu. E lē mafai foʻi ona ofi ai aai ma taulaga uma, e pei o taulaga ia e i le lisi o tuaoi o ituaiga eseese. (Iosua mataupu 15-19) Peitaʻi, o loo aofia i le faafanua lenā ia aai lata ane, e fesoasoani iā te oe e tau fuafua ai le tulaga o se nofoaga. O nisi o vaaiga (mauga, vaitafe, ma vanu) o loo faailogaina, a o aʻega ma ala fepiʻopiʻoaʻi o loo faailoa mai e lanu eseese. O faamatalaga faapena ua fesoasoani iā te oe e manatunatu ai i vala o mea na tutupu i le Tusi Paia.

Ua maua nisi faamatalaga e faatatau i nofoaga o le Tusi Paia i le tusi Insight on the Scriptures lea ua maua i isi foʻi gagana. * A o e faaaogāina le tusi lenā ma isi tusi faale-Tusi Paia, faalatalata ane ma lau tusi, ‘Matamata i le Nuu Lelei.’ Fai ma autilo i ai a o e suʻeina mau uma ia e aogā tele i lou olaga.—2Ti 3:16, 17.

[Faaopoopoga i lalo]

[Pusa i le itulau 5]

SA TUSIA TUSI O LE TUSI PAIA I

Aikupito

Efeso

Ierusalema

Maketonia

Moapi

Nuu Folafolaina

Papelonia

Patamo

Susana

Kaisareia

Korinito

Roma

[Faafanua i le itulau 4, 5]

(Tagaʻi i le lomiga mo le ata atoa)

Nuu o le Tusi Paia ma Aaai Autū

A1 ITALIA

A2 ROMA

A3 SISILI

A3 MELITA

I2 MAKETONIA

I2 Filipi

I2 ELENI

I3 ATENAI

I3 Korinito

I3 KERETA

I4 LIPUA

O3 Anetioka (i Pisitia)

O3 Efeso

O3 PATAMO

O3 ROTO

O4 MAFI

O4 AIKUPITO

U2 ASIA ITIITI

U3 Taso

U3 Anetioka (i Suria)

U3 KUPERU

U4 Saitonu

U4 Tamaseko

U4 Turo

U4 Kaisareia

U4 NUU FOLAFOLAINA

U4 IERUSALEMA

U4 MOAPI

U4 Katesa

U4 ETOMA

F3 Faatoʻaga o Etena?

F3 ASURIA

F3 Karana

F3 SURIA

F5 ARAPI

G3 NINEVA

G4 PAPELONIA

G4 KALETAIA

G4 Susana

G4 Uro

L3 METAI

[Mauga]

U5 Mauga o Sinai

G2 MAUGA O ARARATA

[Vai]

I3 Sami Metitirani (Sami Tele)

U1 Sami Uliuli

U5 Sami Ulaula

L2 Sami Kasipiane

L5 Fagaloa o Peresia

[Vaitafe]

O5 Vaitafe o le Naila

F3 Vaitafe o le Eufirate

G3 Vaitafe o le Tikarise