Matou te Mananao ia Avea i Matou ma Fesoasoani

Ua saunia lenei polosiua ina ia faamasani atili ai oe i gaoioiga a Molimau a Ieova ma a latou fuafuaga, e fesoasoani ai ia te oe ia faateleina lou poto i le Tusi Paia. Atonu sa asiasi atu ni Molimau a Ieova ia te oe, pe atonu foi sa e talanoa ma i latou i le auala po o isi lava nofoaga. O se tasi foi o Molimau atonu po o lua suesue nei.

Pe ua e iloa o la latou feau e uiga i le Malo o le Atua ua folafolaina i le lalolagi aoao? Aiseā? Auā foi ua finagalo le Atua, o Lē na Foafoaina i tatou, ina ia autasi tagata mai atunuu uma i le tapuaiga ia te ia. Na ia valoia mo o tatou aso: “E o mai lava nuu e tele, ma latou faapea ane, O mai ia, tatou o ae ia i le mauga o Ieova, o le fale o le Atua o Iakopo; e aʻoaʻo mai foi o ia ia te i tatou ona ala, ona tatou savavali ai lea i ona ala.”​—Isaia 2:2, 3.

O le galuega a Molimau a Ieova i le taʻuina atu ia te oe e uiga i ala o le Atua, o se faataunuuga lena o lenei valoaga. O le a faaalia i itulau o loo mulimuli mai le pogai ua tāua ai i le taimi nei lenei galuega, ma pe faapefea foi ona e maua ai ni aogā.