O le ā se meaalofa tāua e mafai ona e avatu i lau fanau? E tele mea e latou te manaʻomia, e pei o lou alofa, taʻitaʻiga, ma lau puipuiga. Peitaʻi, o le meaalofa e sili ona tāua e te avatu iā i latou, o le poto e uiga iā Ieova ma upu moni o loo i lana Afioga, le Tusi Paia. (Ioane 17:3) O le a fesoasoani lenā poto i lau fanau ina ia alolofa ma auauna iā Ieova ma o latou lotoatoa, mai lava a o lāiti.—Mataio 21:16.

Ua iloa e le toʻatele o mātua e sili ona uaʻi mai a latou fanau iti pe a faapuupuu a latou lesona po o mea e fai. O lea ua matou fiafia ai e saunia lenei lomiga, O Aʻu Lesona o le Tusi Paia. O lesona taʻitasi ua saunia ina ia aʻoaʻoina ma talanoaina i se auala faigofie. O ata ma faamatalaga ua fuafuaina faapitoa mo tamaiti taʻitolu tausaga ma lalo ifo. O loo iai foʻi ma galuega faatino e fai. O lenei lomiga e lē o se meataalo mo fanau, ae ua saunia ina ia e faitau atu i lau fanau ma faaleleia ai fesootaʻiga.

E matou te mautinoa o le a matuā fesoasoani lenei lomiga i le aʻoaʻoina o lau fanau i upu moni o le Tusi Paia, mai lava a o lāiti i latou.—2 Timoteo 3:14, 15.

O o outou uso,

Vaega Pule a Molimau a Ieova