Le Auala e Faaaogā ai Lenei Polosiua

O lenei polosiua ua fuafuaina e faia ai se suesuega faale-Tusi Paia. E faapefea ona faaaogaina? Ua matou fautuaina atu le polokalame lenei: I le amataga o lesona taitasi, o loo iai ia fesili. O puipui o loo i faaiuga o fesili taitasi, o le a e mauaina ai numera o palakalafa o loo iai ia tali. Ia faitau muamua fesili. Mafaufau i fesili. Ona faatoʻā faitau ai lea o palakalafa taitasi, ma faaaogā lau Tusi Paia e suʻe ai mau. Pe a maeʻa sau lesona, toe foi i fesili ma taumafai e manatua tali faale-Tusi Paia o fesili taitasi. Pe a maeʻa le polosiua atoa ia te oe, ia toe foi i le amataga ma autalu ia fesili uma lava.