Mataupu 14

Faapefea Ona Iloaina le Tapuaiga Moni

1. Pe ai se a ua tonu lelei ai ma faale Tusi Paia ona tautala faapea ua na o le tasi pe lava le lotu moni?

O LE mea tonu ma le saʻo lelei lava e tatau ona tasi pe le tapuaiga moni. Ua tala feagai ai lenei ma le mea moni o le Atua moni o se Atua, “e le o le fenuminumiaʻi, a o le filemu.” (1 Korinito 14:33, NW) I le ma lea foi, na fetalai Iesu Keriso i a i latou o e o faia lea lotu ia tapuai i le Atua “i le agaga ma le upu moni,” ma ua le taitai lava ona fetoaʻi le upu moni i a te ia lava. (Ioane 4:23, 24, NW) Peitai po o ai ia tagata tapuai moni i aso nei? Pe mafai faapefea ona e iloaina i latou ma iloa le latou tapuaiga o lea lava le tapuaiga ua faamaonia ma talia e le Atua?

2. (a) Po o faia e tagata uma o e taofi o i latou o Kerisiano le lotu moni? (e) Po o le a le tulafono na tuu atu e Iesu e mafai ona tatou iloa lelei ai le va o auauna a le Atua ma auauna pepelo?

² Ua le na ona filifilia lenei mea i le faavae i mea ua manatu ai tagata ma faalapotopotoga ua taofi i ai. Na faasino atu e Iesu i lana Lauga i le Mauga, e toatele o le a valaau i a te ia, “Le Alii e, Le Alii e,” ma taofi ua latou faia mea lelei maoaʻe i lona suafa. Ae na ia fetalai atu i a te i latou: “Ou te le iloa lava outou! Ina o ese ia outou i a te aʻu, o outou o e fai amio leaga.” E le na o upu a o tino mai foi o mea e taufaaʻoleʻole. Na fetalai Iesu o le a o mai perofeta pepelo i paʻu tau fulufulua o mamoe, a o totonu e pei i latou o luko tau feai. Ui ia mea, ua ia tuu mai se tulafono e mafai ai ona tatou iloa eseesega iloga i le va o auauna moni a le Atua ma tagata pepelo, ua fetalai: “E iloa i latou i o latou fua.” Na ia faailoa mai foi le mea e iloiloina moni ai lava po o tatou ni tagata tapuai moni a le Atua, ua le na ona tatou taofi o a tatou galuega ua faamaloina mai i ai, peitai o lo tatou matua faia saʻo o le finagalo o le Tama faalelagi.—Mataio 7:15-23, NW.

3. Po o le a le lapataiga ua faatu mai e le aposetolo o Paulo e faaalia ai e manaʻomia ona utagia?

³ Na faaalia foi e se soo faamaoni o Iesu, o le aposetolo o Paulo, le manaomia mo le faaeteete. Na ia lapataʻi mai o le a o mai nisi e tino mai o ni auauna o le amiotonu a o Kerisiano pepelo latou. Pe e faaleleaga i le vaaiga atu i fafo. Peitai pe a fuaina i le malamalama o le Afioga a le Atua, le Tusi Paia, ona faaalia lea o i latou o auauna a le fili o le Atua, o Satani, aua o a latou galuega moni lava o le tetee faasagatau i le finagalo o le Atua. (2 Korinito 11:13-15) O lo tatou mulimuli atu la i le taitaiga a ia Kerisiano pepelo na ona mafai ona iʻu ai i le leiloa o le ola faavavau.

FAATATAUINA O LE TULAFONO

4. Po o le a le faailoga aupito maoaʻe o e tapuaʻi moni i le Atua?

⁴ Po o a, la, ni faailoga e iloa ai tagata tapuai moni a le Atua? Po o a fua lelei o le a latou fuaina mai? Ua taʻu mai i a i tatou e le Tusi Paia o le “Atua o le alofa lava ia.” Ina ia tala feagai lelei ma lenei mea na faaalia e Iesu le faailoga aupito maoaʻe o e mulimuli i lana faaaʻoaʻoga o le tapuaiga i le Atua faapea o le a i a i latou le alofa i totonu i a i latou lava. Na ia fetalai: “O le mea lea e iloa ai e tagata uma lava o oʻu soo outou, pe afai ua outou fealofani.” (1 Ioane 4:8; Ioane 13:35) Aua o lea alofa ina ia matua avea moni o se faailoga e faailoaina ai, e le mafai ona na o se mea e tau ina faafoliga mai ia lelei i le isi, a ea? E tatau ona o le alofa ua matua afaina loloto ai matata taitasi uma o le olaga o se tasi i aso uma. E ao ona pulea le tuu feagai ai ma isi tagata o le aiga o le tagata. E ao ona afaina ai uiga o le tagata agai i tagata o isi ituaiga ma atunuu. E faaalia e tagata tapuai moni o le Atua le alofa e le na o upu, ae atoa foi ma mea e fai. Latou te matua sailia moni mea sili ona lelei i isi.—1 Ioane 3:18.

5. Po o faapefea ona fua ae faalapotopotoga lotu ma o latou tagata faatatau i lenei faailoga o le lotu moni?

 ⁵ Po o i ai i faalapotopotoga lotu o outou masani ai lenei faailoga e iloa ai? Pe o latou tuutuuina atu i o latou tagata se alofa e faapea ona malosi e tumau ai e oo lava i aso faigata? Po o le a ua latou fai, pei o lenei, pe a oo ina faatetele feteenaʻiga i va o atunuu o le lalolagi ma taʻitaʻia ai i taua? Ua faaalia e mea moni i le tulaga ua oo i ai o le toatele o i latou ua loto malilie mo latou tagata ia o atu i tafā ma fasia o latou uso faatuatua o i le isi atunuu i faatonuga a tagata faalelalolagi. Pe te manatu e tusa ma le Afioga a le Atua sea auala ma atagia moni mai ai le agaga o le Atua?—1 Ioane 3:10-12; Mataio 5:44.

6. (a) Pe i ai ni tagata o e ua faaalia le alofa faa-Kerisiano moni e oo lava i taimi o taua faalelalolagi? (e) Pe faapefea ona sili lo latou alofa i lo na o le taofia mai i le faia o mea leaga i isi?

⁶ Ae, pei ona e iloa, e le o tagata uma e mulimuli atu i lenei auala. Ua mafai e nisi ona fai mai faatasi ma le aposetolo o Paulo: “Aua e ui lava ina matou savavali i le tino, matou te le tau faaletino; aua o auupega a lo matou nei taua e le faaletino ia.” (2 Korinito 10:3, 4) Ua latou le nofo sala i le ola i le pepelo i le faapea ane, “Ou te alofa i le Atua,” a o ita i isi o latou uso i le isi atunuu. (1 Ioane 4:20, 21) O i latou o e o faataʻitaʻi moni i a Iesu, e le na o le taofia mai le faia o mea leaga i isi, ae latou te faaalia foi le alofa i isi auala. Faapefea? I lo latou ʻau tasi ma uso Kerisiano i atu nuu uma, i le auala latou te feagai ai ma o latou tuaoi ma a latou taumafaiga alofa e fesoasoani ai i isi ia aʻoaʻoina e uiga i le Atua.—Kalatia 6:10.

7. Po o le a le vaaiga i le Tusi Paia ua faamalosia e le lotu moni, ma pe na faatuina mai faapefea e le Alo o le Atua le faiga o lenei mea?

⁷ O le isi faailoga o le lotu moni ma i latou o e faia, o le faaaloalo lea mo le Afioga a le Atua. A o i le lalolagi na tuu e le Alo o le Atua le fua i lenei mea i le faaalia o le faaaloalo aupito maualuga mo Tusi Paia faagaeeina. Sa ia siia mai i latou e fai ma pule atoa i mea. Sa ia faasinoina pea e faalogo i a te ia i le Afioga a le Atua, faamalosia ai i latou ia faitau ma faatatauina i ai. (Mataio 19:4-6; Luka 24:44, 45) Sa ia faaalia lona faaaloalo tele mo le Tusi  Paia i le soifua ai e tusa ma ana aʻoaʻoga i aso taitasi. Sa sili ona uigā faataunuuga o Afioga a le Atua i a te ia i lo lona lava ola. (Mataio 26:53-56) Sa le taitai lava ona ia tuu faamaulaloina le Tusi Paia; ae sa ia faamalaiaina i latou o e le aʻoaʻoina e tusa ma le Tusi Paia atoa foi ma e sa taumafai e faavaivaia lona malosi i a latou lava aʻoaʻoga.—Mareko 7:9-13.

8. Po o a ituaiga faamatalaga faalotu a Atunuu lotu Kerisiano ua faasinoina mai ai latou te le o mulimuli i le faaaʻoaʻoga a le Alo o le Atua ma ana aposetolo i lenei mea?

⁸ Po o le a tatou te mafai ona fai atu i lenei uiga faatatau i le tele o faalapotopotoga lotu o Atunuu-lotu-Kerisiano o aso nei? Pe a e faalogo pe faitau faamatalaga a failotu o e ua latou faasino ma taʻua vaega o le Tusi Paia o “fagogo,” po o e foi ua fiafia i mafaufauga o le evolusione faapea e sili aʻe i aʻoaʻoga a le Tusi Paia o le foafoaga, pe o le a e fai mai o loo latou faamalosia faaaloalo mo le Afioga a le Atua? Po o le a, pe a e faitau i faamatalaga o finau mai ai ia taʻitaʻi o lotu faapea o le feuiaʻi ma isi ese mai le ua e faaipoipo i ai ua lē tatau ona sese, po o lea e oo lava i tauatane ma tauafafine e mafai ona tusa ma tatau ai, pe te fai mai la, faapea o latou faamalosia tagata e faaaoga le Tusi Paia e fai mo latou taʻiala? Ua mautinoa lo latou lē mulimuli atu i le faaaʻoaʻoga a le Alo o le Atua ma ana aposetolo.—Mataio 15:18, 19; Kalatia 5:19-21; Roma 1:24-27.

9. Pe ai se a ua le fiafia ai Ieova i le tapuaʻiga a le toatele o e ua i ai le Tusi Paia?

⁹ Pe o i fua o olaga o tagata o nei lotu o latou faaalia faapea o latou faaaloalo moni i le Afioga a le Atua? Mai mea lava ua e oo oe i ai, pe te fai mai o le toatele o tagata o e o i se fale lotu i le Aso Sa o latou faatatau mataupu faale Tusi Paia i o latou olaga i aiga ma i o latou tuu feagai ai ma isi i le Aso Gafua atoa ma aso uma o le vaiaso? Ua faaalia e le Afioga a le Atua e i ai tagata o e po ua i ai le Tusi Paia ma ua oo lava ina suesue i ai peitai o a latou galuega ua faamaonia ai ua latou faafitia le Atua ua latou taofi ua latou iloa. (Tito 1:16; Ioane 5:39, 40) O le ituaiga tapuaiga ua latou fai ua le fiafia i ai le Atua, aua ua latou le faatagaina lana Afioga  e faaaogaina le mana mamā i o latou olaga.—2 Timoteo 3:5.

10. (a) Pe mafai faapefea ona tatou iloa fua leaga ua le na ona faailoaina ai tagata taitoatasi, a o le faalapotopotoga lava ia? (e) Po o le a le filifiliga mamafa e tatau ona fai e le tagata pe afai na te maua aʻoaʻoga a lana lotu e le laina e tasi uma ma le Tusi Paia?

¹⁰ Muamua, pe manatu se tasi faapea ua faigofie lava se auauna e tasi ona sese po o ni tagata lotu o e le faia mea saʻo. Peitai po o le a pe afai o le failotu ua na faaleagaina le Tusi Paia o faaauau pea ona taofia pea lona tulaga? Ma faapefea pe a lelei pea le tulaga o tagata lotu a o faia mea sese e i latou? Ona oo ai lea i le taimi e fesagai lelei ai ma le mea moni, ua faailogaina e fua leaga le faalapotopotoga lotu lava ia. Afai ua moni lea, o le a outou maua, e aunoa ma se faaletonu, o aʻoaʻoga a le faalapotopotoga e le tala feagai ma le Tusi Paia. Afai ua e faitauina mataupu muamua o lenei tusi ma mafaufauina mataupu o le Tusi Paia ua maua ai iina, pe te iloa ua moni lenei mea i le lotu ua e auaumea i ai. Afai ua faapea, ona i ai lea i a te oe faalavelave faigata. O le faalavelave o le faia o se filifiliga ia talia le faamaoni o le Tusi Paia pe ia teʻea ae fiafia i aʻoaʻoga e le lagolagoina e le Tusi Paia. (Galuega 17:11) Po o le a le mea e te fai, ua moni lava, e tatau ona o lau lava lea filifiliga. Ui ia mea, e ao ona ia e fuafuaina mea ma le faaeteete lava, talu ai ona o le iuga ua e fai o le a afaina ai lou tulaga ma le Atua atoa ma lau vaaiga o le ola faavavau i lana faiga fou.

11. (a) Po o tausia faapefea e le lotu moni le suafa o le Atua, pei ona faasinoina mai e Iesu Keriso? (e) O lea po o le a e tatau ona tatou fai pe afai ua tatou maua le olataga?

¹¹ O se tasi mea e manaomia atili a le lotu moni ua faapea e tatau ona faapaiaina le suafa o le Atua. Ai se a e faapea ai? Aua foi ina o aʻoaʻo e Iesu ona tagata i le tatalo, na ia faaali i a i latou e ao ona avea lava lenei ma mea ia latou mafaufauina muamua. “O lenei, ia faapea outou ona tatalo,” “Lo matou Tamā e, o i le lagi, ia paia lou suafa.” (Mataio 6:9) O le uiga o lenei mea, ia faasaina le suafa, ia tausia o se mea paia. Sa matua faia moni lava e Iesu lenei mea. Sa ia lei faaletaulauina ona faaaoga le suafa o lona Tama, pe sa ia tausia lea suafa pei e faaletāua.  Sa le i faapea, aua i lana tatalo i lona Tamā, na fetalai ai Iesu: “Ua ou faailoa atu foi lou suafa ia te i latou, ou te faailoa atu ai foi.” (Ioane 17:26) Na ia silafia o lea le fuafuaga a le Atua mo lona suafa ia faapaiaina i le lalolagi uma, ma ua ia tuu le faaaʻoaʻo i le faalauiloaina ma le faamamaluina o lea suafa. (Ioane 12:28; Isaia 12:4, 5) I le ma lea foi, ua faaalia e Tusi Paia o le fuafuaga sili mo le i ai o le faapotopotoga ua valaauina aʻe e le Atua mai le lalolagi ia fai ma “nuu mo lona suafa.” (Galuega 15:14) Afai e te fia maua le olataga, e tatau foi i a te oe, ona e iloa ma faamamaluina le suafa o le Atua.—Roma 10:13, 14.

12. (a) Po o tala feagai ai lotu i le lautele ma lenei mea e manaʻomia o le tapuaʻiga moni? (e) Po o i ai nisi o e o molimau i le suafa o le Atua?

¹² O lea, faatali, tu ma fesili ifo i a te oe lava: Po o ai le lotu ua aupito lauiloa ma le maoaʻe mo le faaalia le suafa o le Atua, pei ona sa faia e Iesu? Ua alo ese lotu a le lautele mai le faaaogaina o le suafa Ieova; ma, ui lea, ua fai mai nisi o i latou faapea latou te lagolagoina le upu “Yahweh,” (Iāuē) ua seasea foi latou faaaoga lea igoa. O nisi ua latou oo tele atu lava i le aveesea o le suafa o le Atua mai a latou tusiga o le Tusi Paia. O le faaaʻoaʻoga, o le Tusi Paia, o le Revised Standard Version, o le mea ua tau fai faasalalauina faatasi ma le lagolagoina e Porotesano ma Katoliko, ua latou tuuesea atoatoa lava le suafa Ieova, ui lava ina i ai i le uluai tusi Eperu toeitiiti atoa le faafitu afe. Po o tala feagai aʻe ea ia faalapotopotoga i lenei mea e manaomia a le lotu moni? Ma le moni lava, po o ai le vaega o molimau i le suafa o le Atua, pei ona sa faia e Iesu? (Faaaliga 1:5; Isaia 43:10-12) Afai e te tautala i ou tuaoi ma faasino soo pea i a Ieova, i le faaaogaina o lona suafa paia, po o le a le faalapotopotoga latou te manatu e te ʻau ʻau atu i ai? E lē faigata ona tali lea fesili. Ua na o le tasi pe lava tagata o latou mulimuli ma le maoaʻe i le faaaʻoaʻoga a Iesu i lenei uiga.

13. (a) Po o le a e tatau i tagata tapuaʻi moni ona fautuaina na o lea le faamoemoe o le tagata? (e) Pe faapefea ona latou fai lenei mea?

¹³ Ua alagaina foi e tagata tapuai moni le malo o le  Atua le faamoemoe moni o tagata. Latou te le mafai ona faatalaese ai ma finagalo malie mai i ai Ieova le Atua, aua ua ia faamatalaina mai ma le manino le Malo o lana sauniuniga mo le pulea o le lalolagi. (Tanielu 2:44; 7:13, 14) Sa tuu e Iesu le faaaʻoaʻo i lona femaliuaʻi mai le tasi pitonuu e oo atu i le tasi pitonuu o le nuu “ua talaʻi ma folafola le tala lelei o le malo o le Atua.” (Luka 8:1) Sa faia e ia ma ana aposetolo lenei mea i le o atu i aai ma aai ma i “fale i fale.” (Galuega 20:20, NW) Na muai fetalai mai foi e Iesu faapea i nei “aso mulimuli” o le a talaiina ai foi i le lalolagi uma e fai ma molimau, “lenei tala lelei o le malo.”—Mataio 24:14.

14. (a) Ua le o le malo o le Atua, ae o le a, ua tatou faalogo soo i isi taʻitaʻi o lotu o tautala ma latou tatalo ai? (e) Po o ai tagata o o mai i lou fale o talaʻi mai le Malo le faamoemoe moni o le fanau a tagata?

¹⁴ Ua tatou faalogo soo o tautala taʻitaʻi o lotu i aso nei e fai ma sui o faalapotopotoga faafaigamalo pei o Malo Aufaatasi ma tatalo mo i latou. Peitai po o ai o faia le talaʻiga o le tala lelei e uiga i le malo o le Atua na muai fetalai i ai Iesu? Afai e sau se isi i lou faitotoʻa  po o le faitotoʻa o lou tuaoi ma e faalogo atu i a te ia o tautala e uiga i le malo o le Atua le faamoemoe moni o le fanau a tagata, po o le a le faalapotopotoga e sau ai lea tagata? O le galuega taua sili lea i a i latou o ē o latou faia ma le tonu le finagalo o le Tamā faalelagi o faaaʻoaʻo i lona Alo o Iesu.—1 Peteru 2:21.

15. Taʻu mai le isi mea taua manaʻomia a le lotu moni, pei ona faamatala mai i le Iakopo 1:27.

¹⁵ O le isi mea e manaomia e le lotu moni ia vavaeese mai le lalolagi ma ana mataupu fai. Ua faaalia e le Tusi Paia i le Iakopo 1:27, NW, faapea afai ia mamā ma lē pisia la tatou tapuaiga e tusa i le silafaga a le Atua, e tatau ona tatou tausia i tatou e i tatou lava “ia lē ponā mai le lalolagi.” O le mataupu taua lenei, aua, “o lenei, o sē fia ua ma le lalolagi, ua avea o ia ma ita i le Atua.” (Iakopo 4:4) E te mafai ona e iloa lelei le pogai ua mamafa ai lenei mea, pe a e manatua ua faasino mai e le Tusi Paia o le pule o le lalolagi o le fili sili o le Atua, o Satani le Tiapolo.—Ioane 12:31.

16. Mai le mea ua e maimoaina, pe lē “ō le lalolagi” moni ea lotu, ma a latou au lotu i le tou nuu?

¹⁶ Pe o faaalia e mea moni lotu i lou nuu o aveina lenei mea i loto? Po o failotu, atoa foi ma aulotu ua maua le “ni o le lalolagi” moni i latou, pei ona fetalai Iesu o le a faapea lava ona tagata moni?  (Ioane 15:19) Po o latou matua aafia aʻiaʻi i upu fai a le lalolagi, i ana faiga faaatunuu, ana faigamalo atoa ma ana tauiviga o faaituaiga? E te le tau manaomia nisi ese e tali maia ia fesili mo oe. Ua matua faalauaiteleina lava gaoioiga a lotu, ma ua e iloa le mea o fai ai i a i latou. Afai e i ai tagata i lou nuu, o e, ua taofia mai ia gaoioiga faapea, ona o a latou lotu, o le a lē taumate ona e iloa foi i latou.

17. (a) Ina ia fai ma lotu moni, pe fia ia mea e manaʻomia e se lotu e tatau ona tusa ai? (e) Pei ona faaalia i le Tusi Paia, pe fia lotu moni o i ai?

¹⁷ O lenei, pe a maea ona toe iloiloina ia faailoga e iloa ai le lotu moni na saunia mai e le Atua mo i tatou i lana Afioga, po o le a ua tatou iʻu i ai? O le fesili o finau ai e le o se ituaiga lotu ua aliali mai ua tala feagai ma se tasi po o le lua o ia mea e manaomia, po o nisi o ana aʻoaʻoga ua tusa pau ma le Tusi Paia. E sili mamao atu i lo lea, o le lotu moni e tatau ona ia fua aʻe i ona itu uma ma ana aʻoaʻoga e tatau ona ia matua tala feagai lelei atoatoa ma le Afioga a le Atua. Na o lenei lava le ala e mafai ai e sea lotu ona faafiafiaina moni Ieova le Atua. E le tele lotu o maua nei mea e manaomia. Ua faaalia e le Tusi Paia, e na o le “tasi le faatuatua.”—Efeso 4:5.

18. (a) I le malamalama o le faamaoniga, po o ai o faasinoa mai e lenei tusi o tagata tapuaʻi moni o aso nei? Po o lena ua e talitonu i ai? (e) Po o le a le ala aupito sili ona lelei e masani lelei ai ma molimau a Ieova?

¹⁸ Po o ai la, e ua fausia aʻe ai le tino o tagata tapuai moni aso nei? I le faavae o le mea moni, o le mea ua lauiloa po o ua auvaa atu i tagata o vaega uma o le lalolagi,  tatou te le faatautu ai i le fai atu o i latou ia o molimau Kerisiano a Ieova. Ina ia e au ai i lea taofi maumaututu e manaomia ona ia e masani lelei i ai i a i latou. O le auala sili ia ʻau ai i a latou sauniga i le Potu o le Malo o molimau a Ieova. E te mafai ai ona maimoaina e oe lava le galueaiina o le faalapotopotoga atoa ma le ala e faatatauina ai le Afioga a le Atua i a i latou ua ʻau ai i o latou lava olaga. Talu ai ona ua faamaonia mai i a i tatou e le Atua le faia o le lotu moni e aumai ai le loto malie nei ma tatala ai le ala mo le ola faavavau i lana faiga fou o mea, o le a matua mautinoa ona ono ma tatau ai lou faia o sea suesuega. (Teuteronome 30:19, 20) Ua valaauina atu ai oe ma le alofa ia faapea ona e fai. Ai se a e le suʻesuʻe ai nei?

[Fesili mo le Suʻesuʻega]