O le ā e Tatau ona E Faia?

50 Pe e te manao ea e ola e faavavau i totonu o lena parataiso matagofie?

Ia aʻoaʻo atili la i mea o tulei i ai le Atua. Taumafai e aʻoaʻo ia iloa e faitau le Tusi Paia.—Ioane 17:3; Faaaliga 1:3

51 Aʻoaʻo atili e uiga i a Iesu.—Teuteronome 18:18, 19; Ioane 3:16; Galuega 3:19-23

52 Ia taumafai e fai na o mea lelei ma usiusitai i a Ieova.—Roma 6:17, 18, 22

 53 Manatua, ua tulei mai Ieova e lē tatau ona tatou fasiotia tagata.—Esoto 20:13; 1 Ioane 3:11, 12

54 E lē tatau ona tatou avea ni mea a isi tagata.—Esoto 20:15; Efeso 4:28

55 E lē tatau ona nonofo ma momoe se tamaloa ma se fafine sei vagana ai ua avea o ia ma ana avā.—Esoto 20:14, 17; 1 Tesalonia 4:3

56 Pe e te manatua e fia avā ua faatagaina e le Atua le tamaloa e fai? O le ā le umi e nonofo ai le tane ma lana avā?—Kenese 2:22, 24; Mataio 19:5, 6; 1 Korinito 7:2, 10, 11

 57 Ia manatua foi, e na o Ieova lava e tatau ona tatou tapuai i ai.—Mataio 4:10; 1 Korinito 8:6

58 O tupua ma faatusa e lē mafai ona fesoasoani i a i tatou. Ai se ā?—1 Korinito 8:4

Pe e lelei ea le i ai o se tupua?—Teuteronome 27:15; 1 Ioane 5:21

59 Ai se ā e leaga ai le faaaogaina o soo se faiga faataulāitu?—Teuteronome 18:10-13; Faaaliga 21:8

60 O agelu leaga po o temoni sa fouvale i le Atua. Ua latou faaaogaina ē ua i ai aitu vavalo e taʻitaʻiseseina tagata.—Galuega 16:16

 61 E tatau ona tatou tatalo atu i le Atua. O le tatalo o lona uiga o le tautala atu i le Atua, o le taʻu atu lea i a te ia tatou te fia auauna atu i a te ia ma talosaga atu mo lana fesoasoani.—Filipi 4:6, 7

62 E tatau ona tatou usiusitai atu i a Iesu ma tuu atu le faatuatua i a te ia.—Eperu 5:9; Ioane 3:16

63 Manatua sa maliu o ia ina ia faasaoina i tatou.—Roma 5:8

 64 Ia manatua o Iesu o lo tatou tupu lē vaaia. E tatau ona tatou usiusitai i a te ia.—Filipi 2:9-11; Faaaliga 19:16

 65 Sa fetalai mai Iesu e tatau ona e taʻuina atu i isi mea lelei ua e aʻoaʻoina ma o i latou o e e mananao e auauna i le Atua e ao ona papatisoina.—Mataio 28:19, 20; Ioane 4:7-15

66 O lea la e mafai ona e talanoa atu i au uo e tusa ai ma nei mea lelei.—Mataio 10:32

67 Afai e te aʻoaʻo ia iloa lelei le faitau, o le a mafai ai la ona e aʻoaʻoina ni mea se tele ma o le a mafai ona sili ona lelei lou fesoasoani atu i isi.—2 Timoteo 2:15

 68 Sa aʻoaʻoina foi e Iesu tamaiti laiti ia usiusitai i le Atua. Sa lē pisi tele o ia ua lē mafai ai ona talanoa atu i a i latou.—Mataio 19:13-15

69 E tatau i matua ona aʻoaʻo pea a latou fanau ia usiusitai i le Atua ma alolofa atu i a te ia.—Teuteronome 6:6, 7; Faataoto 6:20-22; Efeso 6:4

70 E tele lotu eseese. O le tele o a latou aʻoaʻoga e lē mai le Tusi Paia. Ua tulei mai Ieova i a i tatou ina ia lafoai lotu e lē o aʻoaʻoina le upu moni.—Faaaliga 18:4; Ioane 4:23, 24

 71 Ua i ai ni tagata o Ieova i luga o le lalolagi o ē e mafai ona aʻoaʻo atili oe e uiga i a te ia. Pe e te iloa ea o ai i latou?—Galuega 15:14; Roma 10:14, 15

72 O i latou o Molimau a Ieova. E maua le filemu i totonu i a i latou. Pe e te iloa ai se ā? Talu ai latou te alolofa atu le tasi i le tasi.—Isaia 43:10-12; Ioane 13:34, 35

73 Talu ai latou te alolofa foi i a Ieova, ua papatisoina i latou. O le auala lea latou te faaalia ai i le lautele ua latou tuua o latou ala leaga o le olaga ma mananao e faaaluina o latou ola e auauna ai i le Atua.—Galuega 2:41

 74 Ua faamoemoe Molimau a Ieova e feola i totonu o le parataiso fou matagofie.—Salamo 37:9-11, 29

O le ā se mea e mafai ona e faia ina ia ola ai i ina ma i latou?—Iakopo 1:22, 25; 2:20-26

75 Ia aufaatasi ma i latou i le aʻoaʻoina ia auauna atu i a Ieova. Latou te alolofa ma usiusitai atu i a Ieova ma Iesu Keriso. Pe e te alofa atu i a i laua? Pe e te manao e fesoasoani i isi ina ia iloa le Atua?—Ioane 6:45-47

 76 E alolofa Ieova ma Iesu Keriso i a te oe ma e finagalo foi i laua mo oe e ola e faavavau i totonu o le parataiso.—Ioane 3:16

O mea ua e aʻoaʻoina mai i le manatunatu i ata ma faamatalaga o i totonu o lenei mekesini faapitoa ma le mautinoa lava ua avatua i a te oe se faanaunauga e olioli i le ola i luga o le lalolagi e faavavau. Afai e te manao e aʻoaʻo atili e uiga i lenei mea, matou te fautuaina ina ia e talanoa atu i se tasi o Molimau a Ieova i lo lava vaipanoa. Po o, ia e tusi atu, pe tuu atu i se tasi e tusi atu mo oe, i le ofisa e pito lata ane i a te oe i le mea o e nofo ai, e pei ona faaalia i le faasologa o tuatusi i le itulau e lua o lenei mekesini faapitoa.