Vaega 11

O loo saunia nei le faavae o le lalolagi fou

1, 2. I le faataunuuga o valoaga a le Tusi Paia, o le ā o loo tupu i luma o o tatou lava mata?

O LE isi foi mea ofoofogia, o le mea moni o loo saunia nei le faavae mo le lalolagi fou a le Atua, a o faasolo pea ina leaga tele le lalolagi tuai a Satani. Ua vaaia e o tatou lava mata, le aoaoina e le Atua o tagata mai atunuu uma ma saunia ai i latou e avea ma faavae o se sosaiete fou faalelalolagi, ua toeitiiti ona suia ai lea o le lalolagi fevaevaeai i aso nei. I le Tusi Paia, i le 2 Peteru 3:13, o loo taʻua ai lenei sosaiete fou o “le lalolagi fou.”

² Ua fai mai foi le valoaga a le Tusi Paia: “O aso e gata ai [le taimi lea ua tatou ola ai], . . . . E o mai lava nuu e tele, ma latou faapea ane, O mai ia, tatou o ae ia i le mauga o Ieova [lana tapuaiga moni], . . . e aʻoaʻo mai foi o ia ia te i tatou i ona ala, ona tatou savavali ai lea i ona ala.”​—Isaia 2:2-3.

3. (a) O ai ua faataunuuina ai le valoaga a Isaia? (e) Ua taʻua faapefea e le tusi mulimuli o le Tusi Paia lenei mea?

³ O loo faataunuuina nei lena valoaga ia i latou o ē ua gauai atu i ʻala o le Atua  ma savavali ai i ona ala.’ Ua taʻua e le tusi mulimuli o le Tusi Paia lenei sosaiete faavaomalo o tagata o ē naunau i le filemu, o se “motu o tagata e toatele mai atu nuu uma, ma aiga, ma nuu, ma gagana eseese,” o se auuso i le lalolagi atoa o loo auauna autasi i le Atua. Ua fai mai foi le Tusi Paia: “O i latou ia o e o mai nai le puapuaga tele.” O lona uiga, o le a faasaoina i latou i le iʻuga o lenei faiga amioleaga o mea.​—Faaaliga 7:9, 14; Mataio 24:3.

Se Auuso Moni Faavaomalo

4, 5. Aiseā ua mafai ai ona autasi le auuso faavaomalo a Molimau a Ieova?

⁴ E faitau miliona Molimau a Ieova o loo taumafai ma le faamaoni ina ia ola e ōgatasi ma poloaiga ma ala o le Atua. O loo taula lo latou faamoemoe o le ola e faavavau i le lalolagi fou a le Atua. Ona o le puleaina o o latou olaga i aso taitasi e ala i le usiusitai i tulafono a le Atua, ua latou faailoa atu ai ia te ia lo latou naunau e gauai atu i le auala o loo faia ai lana pulega i le taimi nei, ma i le lalolagi fou. I so o se mea, po o le ā lava lo latou atunuu po o le ituaiga, e tutusa pau lava tapulaa o loo latou usiusitai i ai​—o loo faataatia mai e le Atua i lana Afioga. O le pogai lena ua avea ai i latou o se auuso moni faavaomalo, o se sosaiete o le lalolagi fou ua faia e le Atua.​—Isaia 54:13; Mataio 22:37, 38; Ioane 15:9, 14.

⁵ E lē manatu Molimau a Ieova faapea ua mafua le tulagaese o lo latou auuso i le lalolagi atoa, ona o i latou. Ua latou iloa, e pogai mai lea i le agaga e sili ona malosi o le Atua o loo galue i tagata o ē gauai atu i ana tulafono. (Galuega 5:29, 32; Kalatia 5:22, 23) O le galuega lea a le Atua. E pei ona fetalai mai Iesu, “o mea e le mafaia e tagata e mafaia e le Atua.” (Luka 18:27) O lea, o le Atua o lē na ia faatumauina le vateatea aoao o ia foi lea na te faatumauina le sosaiete fou o le lalolagi.

6. Aiseā e mafai ai ona taʻua le auuso a Molimau a Ieova o se vavega faaonaponei?

⁶ O lea, e mafai ona muai vaaia le auala o le a pule ai Ieova i le lalolagi fou, i mea ua ia faia mo le faavae o le lalolagi fou o loo saunia nei. Ma o le uiga o le mea ua ia faia i ana Molimau, o se vavega faaonaponei. Aiseā? Auā ua ia atiina aʻe Molimau a Ieova e avea o se auuso moni i le lalolagi aoao, o se auuso e lē mafai ona talepeina i fevaevaeaiga a atunuu, ituaiga, po o mea faalelotu. E ui ina faitau miliona le aofaiga o Molimau, ma o loo nonofo i atunuu e sili atu ma le 200, ae o loo fusia faatasi i latou i le autasi i se fusi e lē motusia. O le tulagaese o lenei auuso i le lalolagi aoao, i talafaasolopito uma lava, o le mea moni o se vavega faaonaponei​—o le galuega a le Atua.​—Isaia 43:10, 11, 21; Galuega 10:34, 35; Kalatia 3:28.

Matauina o Tagata o le Atua

7. Sa fetalai faapefea Iesu i le auala e matauina ai ona soʻo moni?

⁷ E mafai faapefea ona iloaina atili po o ai tagata o loo faaaogāina e le Atua e avea ma faavae mo lana lalolagi fou? Ia, o ai o loo faataunuuina fetalaiga a Iesu i le Ioane 13:34, 35? Na ia fetalai mai: “O le poloaiga fou ou te tuu atu ai ia te outou, ia outou fealofani; faapei ona ou alofa atu ia te outou, ia fealofani foi outou. O le mea lea e iloa ai e tagata uma lava o oʻu soo outou, pe afai ua outou fealofani.” Ua talitonu Molimau a Ieova i na fetalaiga a Iesu ma o loo latou faia. E pei ona poloai mai le Afioga a le Atua, ua ia i latou le “alofa naunau o le tasi i le tasi.” (1 Peteru 4:8) Ua ʻfaaofuina i latou lava i le alofa, auā o le fusi lea e atoatoa ona lelei.’ (Kolose 3:14) O lea o le alofa faaleuso, o le “kelū” lena o loo aufaatasia ai i latou i le lalolagi aoao.

8. Ua faapefea i le 1 Ioane 3:10-12 ona iloaina atili ai tagata o le Atua?

⁸ Ua fai mai foi le 1 Ioane 3:10-12: “O le mea lea ua iloa ai le fanau a le Atua ma le fanau a le tiapolo. O i latou uma o e le fai le amiotonu, e le mai le Atua i latou, atoa ma ē le alolofa i o latou uso. Auā o le poloaiga lenei ua outou faalogologo i ai talu le amataga, ia tatou fealofani. E le pei o Kaino na i loo leaga, na fasioti foi i lona lava uso.” O lea, o tagata o le Atua o se auuso e lē sauā i le lalolagi atoa.

 Se Isi Vala e Matauina Ai

9, 10. (a) O le ā le galuega o le a matauina ai auauna a le Atua i aso e gata ai? (e) Ua faataunuuina faapefea e Molimau a Ieova le Mataio 24:14?

⁹ E iai foi se isi auala e matauina ai auauna a le Atua. I lana valoaga e uiga i le iʻuga o le lalolagi, na fetalai ai Iesu i le tele o mea o le a faailogaina ai lenei vaitaimi o aso e gata ai. (Tagai i le Vaega 9.) O se vala autū o lenei valoaga o loo taʻua i ana fetalaiga i le Mataio 24:14: “E talaʻiina atu foi lenei tala lelei o le malo i le atu laulau uma, e fai ma molimau i nuu uma; ona oo mai ai lea o le gataaga.”

¹⁰ Po ua tatou vaaia ea o faataunuuina lena valoaga? Ioe. Talu mai ona amataina aso e gata ai i le 1914, ua talaʻia ai e Molimau a Ieova le tala lelei o le Malo o le Atua i le lalolagi atoa i le auala na poloai mai ai Iesu, o lona uiga, i aiga o tagata. (Mataio 10:7, 12; Galuega 20:20) E faitau miliona Molimau ua asiasi atu i tagata o atunuu uma e talanoa ma i latou e uiga i le lalolagi fou. O le pogai lena o lou mauaina o lenei tusi, ona o le galuega a Molimau a Ieova, e aofia ai le lolomia ma le tufatufaina atu o le faitau piliona o lomiga eseese e uiga i le Malo o le Atua. O e silafia ea nisi o talaʻi atu e uiga i le Malo o le Atua i lea fale ma lea fale i le lalolagi atoa? Ma ua faaalia i le Mareko 13:10 faapea, o lenei galuega talaʻi ma le aʻoaʻo atu e tatau ona “muai” faia, a o leʻi oo mai le iʻuga.

Taliina o le Finauga Sili Lona Lua

11. O le ā le isi mea ua faataunuuina e Molimau a Ieova e ala i le gauai atu i le pulega a le Atua?

¹¹ E ala i le gauai atu i tulafono ma mataupu silisili a le Atua, ua faataunuuina ai foi e Molimau a Ieova se isi mea. Ua latou faaalia ai sa pepelo Satani i lona faapea mai e lē mafai e tagata ona faamaoni i le Atua pe a tofotofoina. O lea la ua taliina ai le finauga sili lona lua, lea o loo aafia ai le faamaoni o le tagata. (Iopu 2:1-5) I le avea ma sosaiete o le faitau miliona o tagata mai atunuu uma, ua faaalia ai e Molimau a Ieova, e pei o se vaega e tasi, le faamaoni i le pulega a le Atua. E ui ina o i latou o ni tagata lē lelei atoatoa, ae o loo latou faaeaina le itu a le Atua o le finauga e uiga i le pule silisiliese o le vateatea aoao, e ui i omiga mai ia Satani.

12. O ai o loo faataʻitaʻi i ai Molimau, i lo latou faamaoni?

¹² I aso nei, ua faaopoopo atu ai e lenei faitau miliona o Molimau a Ieova la latou faamaoniga i le lisi umi o isi molimau o ona po ua mavae o ē sa faaalia foi le faamaoni i le Atua. O nisi o i latou na o Apelu, Noa, Iopu, Aperaamo, Sara, Isaako, Iakopo, Tepora, Ruta, Tavita, ma Tanielu. (Eperu, mataupu e 11) E pei ona fai mai le Tusi Paia, o i latou na o ni ʻmolimau faamaoni e toatele.’ (Eperu 12:1) O i latou ia, faatasi ma isi, e aofia ai soʻo o Iesu, sa tausisi i le faamaoni i le Atua. Ma na saunia e Iesu lava ia le faaaʻoaʻoga silisili e ala i le tausisia o le faamaoni lelei atoatoa.

13. O ā fetalaiga a Iesu e uiga ia Satani ua faamaonia moni?

¹³ Ua faamaonia ai e lena mea, le moni o le fetalaiga a Iesu i taʻitaʻi lotu e uiga ia Satani e faapea: “A ua outou fia fasioti ia te au le tagata ua tautala atu ia te outou i le upu moni, sa ou faalogo ai mai le Atua; . . . O outou nai lo outou tamā le tiapolo, tou te fia faia foi mea e tuʻinanau i ai lo outou tamā. O le fasioti tagata ia talu le amataga, e lei tumau lava ia i le upu moni, auā e le o i totonu lava ia te ia le upu moni; a tautala ia i le tala pepelo, o lana lava lea e tautala aʻi, auā o le pepelo ia, ma le tamā o le pepelo.”​—Ioane 8:40, 44.

O le ā Lau Filifiliga?

14. O le ā ua tupu i le faavae o le lalolagi fou i le taimi nei?

¹⁴ Ua matuā malosi lava ma faamalosia le faavae o loo saunia nei e le Atua mo le lalolagi fou e ala i le sosaiete faavaomalo o Molimau a Ieova. I tausaga taitasi, e faitau selau afe tagata ua faaaogāina la latou filifiliga saoloto, e faavae i le poto saʻo, ina ia taliaina ai le pulega a le Atua. Ua avea i latou ma vaega o le sosaiete o le lalolagi fou, o loo faaeaina le itu a le Atua o le finauga e uiga i le pule silisiliese o le vateatea aoao, ma faamaonia ai o Satani o le pepelo.

15. O le ā le galuega o le tuueseeseina o loo faia e Iesu i o tatou aso?

¹⁵ E ala i le filifilia o le pulega a le Atua, ua taʻuagavaaina ai i latou ina ia tofia i le “itu taumatau” o Keriso, a o ia tuueseeseina  “mamoe” ma “ʻoti.” I lana valoaga e uiga i aso e gata ai, na fetalai ai Iesu e faapea: “E faapotopotoina foi i ona luma o nuu uma lava; ona tuueseeseina lea o i latou e ia, e pei o le leoleo mamoe ona tuueseeseina o mamoe ma ʻoti; ona tuu ai lea e ia o mamoe i lona itu taumatau, a o ʻoti i lona itu tauagavale.” O mamoe, o tagata agamalu ia o ē o loo auaumea ma lagolagoina uso o Keriso, o loo gauai atu i le pulega a le Atua. O ʻoti, o tagata loto maaa ia o ē e teena uso o Keriso, ma e leai se mea na latou faia e lagolagoina ai le pulega a le Atua. O le ā le iʻuga? Na fetalai atu Iesu: “Ona o atu ai lea o i latou nā [o ʻoti] i le sala e faavavau; a o e amiotonu [o mamoe] e o atu i le ola e faavavau.”​—Mataio 25:31-46.

16. O le ā e tatau ona e faia pe afai e te manao e ola i le Parataiso o loo fotuai mai?

¹⁶ E moni lava, o loo silasila alofa mai le Atua ia i tatou! Ua toeitiiti lava ona ia saunia loa lea o le parataiso matagofie i le lalolagi. Pe e te manao ea e ola i lena parataiso? Afai o lea, ia faaalia la lou talisapaia mo sauniuniga a Ieova e ala i le aʻoaʻoina e uiga ia te ia ma gaoioi ai i mea e te aʻoaʻoina. “Ia outou saili ia Ieova manū o mafai ona maua o ia; ia outou valaau ia te ia manū o latalata mai o ia; ia lafoai e le ua amio leaga lona ala, ma le tagata agasala ia lafoai e ia ona manatu; a ia foi mai ia Ieova, ona alofa mai lea o ia ia te ia.”​—Isaia 55:6, 7.

17. Aiseā e lē ao ai ona faamaimauina le taimi i le filifilia o lē tatou te auauna i ai?

¹⁷ E leai se taimi e ao ona faamaimau. Ua lalata tele mai le iʻuga o lenei faiga tuai o mea. Fai mai le fautuaga a le Afioga a le Atua: “Aua tou te mananao i le lalolagi, po o mea o i ai i le lalolagi. Pe afai e manao se tasi i le lalolagi, e le o ia te ia le alofa i le Tamā. . . . O le a mavae atu foi le lalolagi, atoa ma lona tuʻinanau, a o lē fai le finagalo o le Atua, e tumau lea e faavavau.”​—1 Ioane 2:15-17.

18. O le ā le ala o gaoioiga e mafai ai ona e tepa taulai atu ma le mautinoa i le olaga i le lalolagi fou ofoofogia a le Atua?

¹⁸ Ua aʻoaʻoina nei tagata o le Atua mo le ola e faavavau i le lalolagi fou. O loo aʻoaʻoina i latou i tomai faaleagaga ma isi tomai e manaomia ina ia atiina aʻe ai le parataiso. Matou te uunaia oe ina ia filifilia le Atua o ia o le Pule ma ia lagolagoina le galuega faasaoola ua ia faia i le lalolagi atoa i aso nei. Ia suesue le Tusi Paia ma Molimau a Ieova, ma faasolo ina ia iloa le Atua, o lē e silasila alofa mai ia te oe ma o lē o le a ia aumaia le iʻuga i puapuaga. I lenei auala, e mafai ai foi ona avea oe ma vaega o le faavae o le lalolagi fou. Ona mafai ai lea ona e tepa taulai atu ma le mautinoa i le mauaina o le finagalo malie o le Atua ma ola e faavavau ai i lena lalolagi fou ofoofogia.

[Fesili mo le Suʻesuʻega]

[Ata i le itulau 31]

O loo iai i Molimau a Ieova se auuso moni faavaomalo

 [Ata i le itulau 32]

O loo saunia nei le faavae o le lalolagi fou a le Atua