VAEGA 9
O Afea e Avea ai le Lalolagi ma Parataiso?
Ua faamaonia i mea leaga o loo tutupu i le lalolagi, ua toeitiiti ona gaoioi lea o le Malo o le Atua. Luka 21:10, 11; 2 Timoteo 3:1-5
Na valoia i le Tusi Paia le tele o mea o loo tutupu i aso nei. Ua faapea mai o le a avea tagata ma ē e mananaʻo tele i tupe, lē usiusitaʻi i mātua, sauā ma pupū i mea faafiafia.
O le a iai mafuiʻe tetele, taua, oge ma faamaʻi pipisi. O loo tutupu na mea i le taimi nei.
Na fetalai foʻi Iesu o le a talaʻiina atu le tala lelei o le Malo i le lalolagi atoa.—Mataio 24:14.
O le a tafiesea e le Malo o le Atua mea leaga uma. 2 Peteru 3:13
Ua lē o toe umi ona faaumatia lea e Ieova o ē amioleaga uma.
O le a faasalaina Satani ma temoni.
O le a faasaoina ē e faalogo i le Atua i le lalolagi fou amiotonu, lea o le a lē toe iai se fefe, ae o le a alolofa ma maufaatuatuaina e le tasi le isi.
E te Ono Fiafia Foʻi
TUSI MA POLOSIUA
O le ā le Malo o le Atua?
A o iai Iesu i le lalolagi, na ia faaāta mai mea o le a faia e le Malo o le Atua.
TUSI MA POLOSIUA
Po o le a Faaiʻuina ea Mafatiaga?
Ua taʻua i le Tusi Paia e ʻinoʻino le Atua i faiga lē tonu ma e manatu mamafa mai i tagata. O ā aogā e te maua mai ai?
