Afai e tatou te mananaʻo e faafiafia Ieova, e tatau ona tatou faalogo i lona Alo. Na foafoaina o ia e Ieova o se agelu malosi, a o leʻi taitai ona faia Atamu.

Na mulimuli ane auina mai o ia e Ieova i le lalolagi, ina ia fanau mai i Peteleema i se taupou e igoa iā Maria. Na faaigoa o ia iā Iesu.—Ioane 6:38.

A o iai Iesu i le lalolagi, sa ia faaatagia atoatoa mai uiga o le Atua. Sa agalelei ma alofa o ia, ma faigofie ona faalatalata atu i ai tagata. Sa lototele e aʻoaʻo isi i le upu moni e uiga iā Ieova.

Sa faamālōlō foʻi e Iesu ē na mamaʻi ma toe faatutū i le ola nisi na maliliu.

Sa ʻinoʻino taʻitaʻi lotu iā Iesu, ona sa ia faaalialia a latou aʻoaʻoga sesē ma ala leaga.

Na tauanau e taʻitaʻi lotu taʻitaʻi o Roma e sasa ma fasiotia Iesu.