Mafaufau i le māfuaaga o le a e faitauina ai le mau. Faatomua mau taʻitasi i se auala e tataʻi ai lau aofia i le manatu autū o le mau o loo e taumafai e faamamafa.

Ia faaaogā le Tusi Paia i taimi uma e aʻoaʻo atu ai. Pe a e talanoa i tagata e talitonu i le Atua, ia faasino atu i le Tusi Paia o le Afioga a le Atua. O le faia faapea e te faailoa atu ai o le Tusi Paia, o le puna sili o le atamai.

Faaosofia le naunau i le mau. Ia fai se fesili o le a taliina e le mau, taʻua se faafitauli e fesoasoani le mau e foʻia, pe taʻua foʻi se mataupu silisili o le a faataʻitaʻia mai i le mau.