Saʻili faamatalaga maufaatuatuaina. Ia faavae ou manatu mai i le Afioga a le Atua ma faitau saʻo mai i ai pe a mafai. Pe afai e te taʻua ni faamatalaga faafomaʻi, se tala fou, se mea na tupu po o nisi manatu e lagolago ai, ia faamautinoa muamua o au faamatalaga e maufaatuatuaina ma e pito sili ona lata mai.

Faaaogā lelei faamatalaga. Ia faamatala le mau ia ōgatusa ma lona siʻomaga, le feʻau autū o le Tusi Paia ma lomiga a le “pologa faamaoni ma le faautauta.” (Mata. 24:45) Pe a faaaogā faamatalaga e lē mai i le Tusi Paia, ia saʻo le faamatalaina nai lo o le suia o le uiga moni na tusia ai, po o le taʻu atu foʻi o se mea e ese mai i le uiga na tusia ai e le tusitala.

Fefulifulisaʻi i faamaoniga. Pe a māeʻa ona faitau se mau pe sii mai se faamatalaga, ia fai fesili faautauta po o se faataʻitaʻiga o le manatu autū, e fesoasoani i lau aofia e fai ai a latou lava faaiʻuga.