VAEGA 5
Talaʻiga Mulimuli Ane a Iesu i le Itu i Sasaʻe o le Ioritana
ʻUa faatuatua le toʻatele iā te ia.’—Ioane 10:42
I LENEI VAEGA
MATAUPU 82
Le Faiva a Iesu i Perea
Ua faamatala atu e Iesu i lana ʻaufaalogologo le gaoioiga e manaʻomia ona fai ina ia maua ai le faaolataga. Sa tāua lenā fautuaga i le taimi ua teʻa. Ae po o tumau pea le tāua o lenā fautuaga i aso nei?
MATAUPU 83
O ni Valaaulia i se Taumafataga
A o fai taumafataga Iesu i le fale o se Faresaio, ua ia faamatala atu se talafaatusa e faatatau i se taumafataga tele ua faia i le pō. Ua ia taʻua ai ma se lesona tāua mo tagata uma o le Atua. O le ā lenā lesona?
MATAUPU 84
O le ā le Tāua o le Avea ma Soo o Keriso?
O le avea ma soo o Keriso o se tiute tauave e sili ona tāua. Ua faailoa mai e Iesu mea e aofia ai i le avea ma ona soo. Atonu ua faateʻia nisi e mananaʻo e avea ma soo, ona o le faamatalaga ua fai atu e Iesu.
MATAUPU 85
Olioli Ina ua Salamō le Tagata Agasala
Ua faitioina e le ʻau Faresaio ma le ʻautusiupu Iesu ona o lona faifaimea faatasi ma tagata lautele. Ua tali atu Iesu e ala i ni talafaatusa, lea e faaalia ai le auala e silasila ai le Atua i tagata agasala.
MATAUPU 86
Ua Toe Foʻi Mai le Atalii sa Leiloa
O ā lesona e mafai ona tatou aʻoaʻoina mai i le talafaatusa a Iesu e faatatau i le atalii faamaumauʻoa?
MATAUPU 87
Sauniuni Mamao e Ala i le Faaaogā o le Atamai Aogā
Ua faaaogā e Iesu le talafaatusa i se gaoioiga lē faamaoni a se pule o le maota e aʻoa’oina ai se upu moni e faateʻia ai.
MATAUPU 88
Se Suiga mo le Tagata Mauʻoa ma Lasalo
O le auala e malamalama ai i le uiga o le talafaatusa a Iesu, o le iloa lea po o ai o loo faaāta mai e tagata autū e toʻalua.
MATAUPU 89
O Loo Aʻoaʻo i Perea a o Agaʻi Atu i Iutaia
Ua ia faamatilatila mai se uiga e mafai ona fesoasoani iā i tatou, e faamagalo atu i isi e faaauau pea ona agasala mai iā i tatou.
MATAUPU 90
“O le Toetū ma le Ola”
O le ā sa uiga i ai Iesu ina ua ia fetalai o i latou e faatuatua iā te ia “e lē oti lava”?
MATAUPU 91
Ua Toe Faatūina Mai Lasalo
Ua lē mafai e ē tetee atu iā Iesu ona faamaonia e leʻi tupu lenei vavega ona o ni vala matilatila se lua.
MATAUPU 92
Ua Faaalia e se Tagata Lepela le Lotofaafetai
Ua faaalia e le tamāloa na lepela le lotofaafetai e lē gata iā Iesu ae mo se isi foʻi.
MATAUPU 93
O le a Faaalia Mai le Atalii o le Tagata
O le a faapefea ona pei le faatasi mai o Keriso o le emo o le uila?
MATAUPU 94
Le Manaʻoga ia Tatalo ma ia Lotomaulalo
I lana talafaatusa i le faamasino amiolētonu ma le fafine ua oti lana tane, o loo faamatilatila ai e Iesu le tāua o se tasi o uiga patino.
MATAUPU 95
Aʻoaʻo Atu e Faatatau i Talagā Faaipoipoga ma le Alofa i Tamaiti
E ese le vaaiga a Iesu i tamaiti mai i le vaaiga a ona soo. Aiseā?
MATAUPU 96
Ua Tali e Iesu le Fesili a se Alii Pule Mauʻoa
Aiseā ua fetalai atu ai Iesu e sili atu ona faigofie ona sao se kamela i le pū o le nila, nai lo o le sao atu o se tagata mauʻoa i le Malo o le Atua?
MATAUPU 97
Talafaatusa i le ʻAufaigaluega i le Togāvine
E faapefea ona avea ē e muamua ma ē e mulimuli, ae avea ē e mulimuli ma ē e muamua?
MATAUPU 98
Ua Toe Finau le ʻAuaposetolo po o Ai o i Latou e Sili
Ua talosaga atu Iakopo ma Ioane mo ni tulaga faapitoa i le Malo. Peitaʻi e lē na o i laʻua o loo mananaʻo i ni tulaga faapitoa i le Malo.
MATAUPU 99
Ua Faamālōlō e Iesu ni Tamāloloa Tauaso ma Fesoasoani iā Sakaio
E faapefea ona autasi faamatalaga a le Tusi Paia e faatatau i le faamālōlōina e Iesu o se tamāloa tauaso, lea e ono foliga mai e feteenaʻi?
MATAUPU 100
Le Talafaatusa a Iesu e Faatatau i Mina e Sefulu
O le ā le uiga o le fetalaiga a Iesu: “O sē ua iai mea, e avatua iā te ia mea e tele; a o lē ua leai ni mea, e oo lava i mea ua iā te ia, e aveesea ia”?