O loo amata le faamatalaga a le Tusi Paia i le foafoaga, ma ua tatou iloa ai mea matagofie na faia e Ieova i le lagi ma le lalolagi. Pe afai o oe o se matua, ia fesoasoani i lau tama e iloa vala mataʻina o le foafoaga. Ia faamatala pe na faapefea ona foafoaina e le Atua le tagata ina ia sili atu i lo o manu, i le tuuina mai iā i tatou o le tomai e tautala, fefulifulisaʻi, fausia ai mea, pese ma tatalo ai. Ia atiaʻe le lototalisapaia mo le mana ma le atamai o Ieova, aemaise lona alofa mo ana foafoaga uma e aofia ai i tatou taʻitoʻatasi.