Na afio mai Iesu i le lalolagi e foaʻi lona ola mo tagata lē lelei atoatoa. E ui lava na maliu o ia, ae na ia manumalo i le lalolagi. Na faamaoni Ieova i lona Alo ma toe faatūina o ia mai i le oti. I le olaga o Iesu seʻia oo lava i le taimi na maliu ai, sa ia auauna ma le lotomaulalo i isi ma faamagalo a latou mea sesē. Ina ua toe faatūina mai Iesu, na faaali atu o ia i ona soo. Na ia aʻoaʻoina i latou i le auala e faia ai le galuega tāua na ia tuuina atu iā i latou. Afai o oe o se matua, ia fesoasoani i lau tama e talisapaia e iai la tatou vaega i lenā galuega i aso nei.