Faatomuaga o le Vaega 6
Ina ua taunuu tagata Isaraelu i le Nuu Folafolaina, na avea le faleʻie paia ma nofoaga autū o le tapuaʻiga moni. Na aʻoaʻo atu e ositaulaga le Tulafono, ma na taʻitaʻia e faamasino le nuu. O loo faaalia i lenei vaega le telē o le aafiaga i isi o filifiliga ma gaoioiga a se tasi. E tatau i tagata Isaraelu taʻitoʻatasi ona faamaoni iā Ieova faapea isi tagata. Ia faamatilatila le aafiaga o Tepora, Naomi, Iosua, Hana, le afafine o Iefata, ma Samuelu i tagata sa latou ola faatasi. Ia faamatilatila foʻi e oo lava iā i latou e lē o ni Isaraelu e pei o Raava, Ruta, Iaeli, ma tagata Kipeona, na filifili e lagolagoina tagata Isaraelu, talu ai sa latou iloa sa fesoasoani le Atua iā i latou.
I LENEI VAEGA
LESONA 29
Na Filifilia e Ieova Iosua
Na tuuina atu e le Atua iā Iosua faatonuga e mafai foʻi ona fesoasoani iā i tatou i aso nei.
LESONA 30
Na Faalafi e Raava Tagata Vāai
Na solo i lalo pa o Ieriko. Ae e leʻi solo i lalo le vaega o le pā sa iai le fale o Raava.
LESONA 31
Iosua ma Tagata Kipeona
Na tatalo Iosua i le Atua: “Le lā e, inā tumau ia oe!” Pe na tali mai le Atua?
LESONA 32
Se Taʻitaʻi Fou ma Fafine Lototetele e Toʻalua
Ina ua maliu Iosua na amata ona tapuaʻi i tupua tagata Isaraelu. Na faigatā le olaga, ae na maua le fesoasoani e ala mai i le faamasino o Parako, le perofeta fafine o Tepora, ma Iaeli ma le pine o lona faleʻie!
LESONA 33
Ruta ma Naomi
Ua toe foʻi i Isaraelu ni fafine se toʻalua ua maliliu a la tane. O se tasi o fafine o Ruta, na alu atu ma galue i le fanua lea sa mātauina ai o ia e Poasa.
LESONA 34
Faatoʻilalo e Kitiona Tagata Mitiana
Na talosaga atu tagata Isaraelu iā Ieova mo se fesoasoani ina ua faia e tagata Mitiana mea e faigatā ai olaga o tagata Isaraelu. Na faapefea ona faatoʻilaloina e le ʻautau toʻalaiti a Kitiona le ʻautau a o latou fili e 135,000?
LESONA 35
Tatalo Hana Ina ia Maua Sana Tama
Ua ave e Elekana Hana, Penina, ma tamaiti e tapuaʻi i le faleʻie paia i Sailo. O i inā na tatalo ai Hana mo se tama tama. Na fanau Samuelu ina ua mavae le tausaga!
LESONA 36
Le Tautoga a Iefata
O le ā le tautoga na faia e Iefata, ma aiseā na ia faia ai lea tautoga? O le ā le tali mai a le afafine o Iefata i le tautoga a lona tamā?
LESONA 37
Ua Talanoa Mai Ieova iā Samuelu
Na auauna o ni ositaulaga atalii e toʻalua o le Ositaulaga Sili o Eli, peitaʻi e la te leʻi usiusitaʻi i tulafono a le Atua. Na usitaʻi Samuelu i tulafono a le Atua. I se tasi pō na talanoa mai ai Ieova iā Samuelu.
LESONA 38
Foaʻi e Ieova le Malosi iā Samasoni
Na foaʻi atu e le Atua le malosi iā Samasoni ina ia tau ai ma ʻau a Filisitia ae ina ua ia faia se faaiʻuga sesē, na puʻeina o ia e ʻau a Filisitia.
