AʻOGA MO TAGATA TALAʻI O LE MALO Ua valaaulia paeonia e i le va o le 23 ma le 65 tausaga, o ē e mananaʻo e faalautele atu la latou faiva, ina ia auai i le fono mo i latou o loo fia talosaga mo le Aʻoga mo Tagata Talaʻi o le Malo, i le aoauli o le Aso Sa. O le a muaʻi faasilasila atu le nofoaga tonu ma le taimi e faia ai lenei fono.

ʻAUTAUTUA Ua tofia le ʻautautua e fesoasoani iā te oe. Faamolemole ia matuā felagolagomaʻi ma i latou e ala i le mulimuli i a latou faasinoga e tusa ai o le pakaina o taavale, le faatoʻafilemuina o le aofia, le vaaia o nofoa, atoa ai ma isi mataupu.

PAPATISOGA O nofoa mo tagata o le a papatiso o le a faatulaga i le pito i luma o le pulelaa, seʻi vaganā ua faailoa atu se isi suiga. O ē o le a papatiso e tatau ona alaala ai i inā, a o leʻi amata le lauga o le papatisoga i le taeao o le Aso Toonaʻi. E tatau ona latou aumai se solo tāʻele ma se ofu onomea e papatiso ai.

MEAALOFA TAUOFO E tele tupe ua faaaluina mo le faia o fuafuaga ina ia lava nofoa, masini faaleotele leo, TV, ma isi auaunaga ina ia maua aogā mai le tauaofiaga, ma fesoasoani iā i tatou ina ia vavalalata atu ai pea iā Ieova. O meaalofa tauofo ua fesoasoani e totogi ai nei tupe faaalu ma lagolagoina ai le galuega i le lalolagi aoao. Ina ia faafaigofie mo outou, o loo iai ni pusa ua faailogaina manino ma faatutū solo i totonu o le maota. E matuā talisapaia meaalofa tauofo uma, ma e fia faafetai tele atu ai le Vaega Pule iā te outou ona o lo outou aaofoaʻi ina ia lagolagoina ai manaʻoga o le Malo.

FESOASOANI MUAMUA Faamolemole ia manatua, e faapitoa lenei matagaluega mo NA O FAALAVELAVE FAAFUASEʻI.

MEA LEILOLOA MA TOE MAUA O mea uma e leiloloa e tatau ona avatu i lenei matagaluega. A iai ni au mea ua leiloloa, ia talaaao atu i lenei matagaluega ma faamatala i ai foliga o mea ua leiloloa. E tatau foʻi ona avatu i lenei matagaluega tamaiti ua ō ese mai i o latou mātua po ua leiloloa foʻi. Peitaʻi, ina ia ʻalofia le faapopoleina o tagata uma e aafia ai, faamolemole ia vaavaai lelei ou alo, ma ia taofi i latou i ou autafa.

NOFOA Faamolemole ia magafagafa i isi. Ia manatua, e mafai ona taofia nofoa mo na o lou aiga, i latou e malaga mai i lau taavale, o ē o nonofo i lou fale, ma au tagata aʻoga o le Tusi Paia. Faamolemole aua le tuuina ni mea i luga o nofoa o loo i ou autafa, pe afai e lē o taofia mo se isi.

AUAUNAGA TAUOFO Afai e te fia tauofo e fesoasoani i galuegafai o le tauaofiaga, faamolemole faafesootaʻi le Matagaluega o Faamatalaga ma Auaunaga Tauofo.