Faaipoipoga
O ai na faavaeina le faaipoipoga?
O ai e tatau ona filifilia e se Kerisiano e faaipoipo i ai?
Aiseā e lē lagolagoina ai e se Kerisiano moni le faaipoipo atu o sona alo ua papatiso, i se tagata e leʻi tuuina atu iā Ieova ma papatisoina?
-
Faaaʻoaʻoga a le Tusi Paia e fesoasoani iā te oe:
-
Ke 24:1-4, 7—Ua maumauaʻi le tamā matua o Aperaamo e saʻili se avā a lona atalii o Isaako mai i ē e auauna iā Ieova, ae e lē mai i tagata Kanana e tapuaʻi i atua sesē
-
Ke 28:1-4—Ua faatonu e Isaako lona atalii o Iakopo e saʻili sana avā mai i auauna a Ieova, ae e lē mai i tagata Kanana
-
O ā faalogona o Ieova iā i latou e faaipoipo i ē e lē talitonu?
-
Faaaʻoaʻoga a le Tusi Paia e fesoasoani iā te oe:
-
1Tu 11:1-6, 9-11—Ua toʻatamaʻi Ieova i le tupu o Solomona i le lē utagia o ana lapataʻiga, e ala i le faaipoipo atu i fafine o nuu ese ma latou faaliliueseina ai lona loto mai iā Ieova
-
Ne 13:23-27—Ua faaatagia mai e le Kovana o Neemia le toʻasā o Ieova ina ua ia aʻoaʻia ma faasaʻo le nuu fouvale, o ē na faaipoipo atu i fafine o nuu ese
-
Aiseā e atamai ai le filifili e faaipoipo i se tasi e auauna faamaoni iā Ieova ma e lelei lona talaaga?
Tagaʻi foʻi i le Efe 5:28-31, 33
-
Faaaʻoaʻoga a le Tusi Paia e fesoasoani iā te oe:
-
1Sa 25:2, 3, 14-17—O Napalu o se tagata mauʻoa, ae e leʻi avea o ia o se tane lelei iā Apikaila auā e sauā ma ʻinaʻinā
-
Fat 21:9—O le sesē o le tagata e tatou te filifili e faaipoipo i ai, e iʻu ai i se olaga e lē fiafia ma tumu i faafitauli
-
Ro 7:2—Ua faamatala e le aposetolo o Paulo pe a faaipoipo se fafine, e ola o ia i le tulafono a lana tane lē lelei atoatoa; o lea la, o se fafine atamai e filifili lelei po o ai e faaipoipo i ai
-
Sauniuni e faaipoipo
Aiseā e tatau ai ona faamautinoa e se alii e mafai ona ia tausia se aiga a o leʻi mafaufau e faaipoipo?
-
Faaaʻoaʻoga a le Tusi Paia e fesoasoani iā te oe:
-
Fat 24:27—A o leʻi faaipoipo se tamāloa ma fai se fanau, e tatau ona galue mamafa ina ia nofosauni e tausia se aiga
-
Aiseā e tatau ai i se tama ma se teine o loo feoaʻi ona saʻilia fautuaga atamai ma faamasani lelei le tasi i le isi, nai lo o le taulaʻi atu i foliga vaaia?
-
Faaaʻoaʻoga a le Tusi Paia e fesoasoani iā te oe:
-
Ru 2:4-7, 10-12—Ua iloa e Poasa le ituaiga fafine e iai Ruta, e ala i le mātauina o lona galue mamafa ma le manatunatu i faamatalaga maufaatuatuaina e faatatau i lona talaaga, le auala e feutagaʻi ai ma lona aiga, ma lona tulaga faaleagaga
-
Ru 2:8, 9, 20—Ua iloa e Ruta le ituaiga tagata e iai Poasa, e ala i le mātauina o lona agalelei, limafoaʻi, ma lona alofa iā Ieova
-
Aiseā e finagalo ai Ieova ina ia tausia e se tama ma se teine lo la tulaga mamā, i le taimi o loo feoaʻi ma faamau ai?
-
Faaaʻoaʻoga a le Tusi Paia e fesoasoani iā te oe:
-
Fat 5:18, 19—E iai faailoaga o le alofa e na o se ulugalii faaipoipo e tatau ona la faaalia
-
Pe 1:2; 2:6—A o feoaʻi le tama leoleo mamoe ma le teine Sulami, ua la fefaaaliaʻi lo la alofa i se auala mamā
-
Pe 4:12; 8:8-10—Ua tausia e le teine Sulami lona tulaga mamā ma faaalia le amio pulea; ua pei o ia o se togālaau ua siʻomia e le pā
-
Aiseā e ao ai i se ulugalii ona lesitala faaletulafono le la faaipoipoga?
Le matafaioi a le tane
O ā tiute tauave tāua ua tuu atu e Ieova i le tane?
O ai e tatau ona faaaʻoaʻo i ai tane Kerisiano a o faatino lo latou tulaga ulu?
Aiseā e tāua ai i se tane ona faaalia le alofa i lana avā ma malamalama i ona manaʻoga ma faalogona?
-
Faaaʻoaʻoga a le Tusi Paia e fesoasoani iā te oe:
-
Ke 21:8-12—E ui e leʻi fiafia Aperaamo i le fautuaga a lana avā o Sara, ae ua faatonu o ia e Ieova ina ia faalogo pea iā Sara
-
Fat 31:10, 11, 16, 28—O se tane atamai e lē pulepuletutū pe vaavaai i masei o lana avā lelei, ae e na te faatuatuaina ma viiviia o ia
-
Efe 5:33—Ua atagia mai i upu a le aposetolo o Paulo, e manaʻomia ona lagona e le avā le alofa o lana tane iā te ia
-
Le matafaioi a le avā
O le ā le tiute tauave tāua ua tuu atu e Ieova i avā Kerisiano?
Pe e faatauvaa le tulaga o se avā ona e tatau ona gauaʻi i le tulaga ulu o lana tane?
-
Faaaʻoaʻoga a le Tusi Paia e fesoasoani iā te oe:
-
Fat 1:8; 1Ko 7:4—Ua tuuina atu e le Atua i avā ma tinā sina pule i totonu o o latou aiga
-
1Ko 11:3—Ua faamatala e le aposetolo o Paulo le faatulagaga a Ieova, e tatau iā i tatou uma ona gauaʻi i se tulaga ulu seʻi vaganā ai le Atua o Lē e ona le malosi uma lava
-
Epe 13:7, 17—E tatau i tane ma fafine i totonu o le faapotopotoga ona gauaʻi ma usiusitaʻi i ē ua tofia e taʻimua
-
E faapefea i se avā Kerisiano e lē talitonu lana tane ona faafiafiaina Ieova?
Aiseā e tatau ai i se avā Kerisiano ona faaauau ona faaaloalo i lana tane?
-
Faaaʻoaʻoga a le Tusi Paia e fesoasoani iā te oe:
-
Ke 18:12; 1Pe 3:5, 6—Ua faaalia e Sara le matuā faaaloalo i lana tane, ma manatu iā te ia o lona “alii” po o lona ulu faaleagaga
-
O le ā le ituaiga avā o loo viiviia i le Tusi Paia?
-
Faaaʻoaʻoga a le Tusi Paia e fesoasoani iā te oe:
-
Ke 24:62-67—Ua faamāfanafana Repeka i lana tane o Isaako ina ua maliu lona tinā
-
1Sa 25:14-24, 32-38—Ua puipuia e Apikaila lana tane o se tagata valea, ma faasaoina lona aiga e ala i le ʻaiʻoi atu ma le lotomaulalo iā Tavita
-
Est 4:6-17; 5:1-8; 7:1-6; 8:3-6—E ui ina lamatia faalua le ola o le masiofo o Eseta ona e leʻi valaauliaina o ia e lana tane le tupu, ae ua alu atu pea Eseta e talanoa ma ʻaiʻoi i ai ina ia puipuia tagata o le Atua
-
Foʻiaina o faafitauli
O ā mataupu silisili e fesoasoani i se ulugalii e foʻia ai faafitauli e aliaʻe i le la faaipoipoga?
O ā mataupu silisili e fesoasoani i se ulugalii ina ia saʻo ai le la vaaiga i tupe?
Lu 12:15; Fil 4:5; 1Ti 6:9, 10; Epe 13:5
Tagaʻi foʻi i le mataupu “Tupe”
O ā mataupu silisili e fesoasoani i se ulugalii e foʻia ai luʻi e tulaʻi mai i o la aiga ma aiga o le paaga faaipoipo?
O ā mataupu silisili e fesoasoani i se ulugalii faaipoipo pe a oo i mataupu taufeusuaʻiga?
Aiseā e tāua ai le taulaʻi i uiga lelei o le paaga nai lo o ona vaivaiga?
Aiseā e lelei ai le vave foʻia o faafitauli i se auala alofa, nai lo o le tumau pea ona ita ma lē fiafia?
Aiseā e matuā lē talafeagai ai i se Kerisiano ona fai upu masoā, soona eʻē, faasauā, ma lotoa?
O le ā le sini o le tane ma le avā pe a feeseeseaʻi o la manatu?
O ā faamanuiaga o le faamuamua o Ieova i se faaipoipoga?
Tapulaa mo faaipoipoga
O ā tapulaa a Ieova i mataupu taufeusuaʻiga ma faaipoipoga?
O le ā le manatu o Kerisiano i le tele o avā faaipoipo a se tamāloa?
E faapefea ona tatou iloa o le faaipoipoga e faasino atu i le mafutaga a se tamāloa ma se fafine?
Aiseā e tatau ai ona nonofo faatasi pea se ulugalii faaipoipo?
E na o le ā le faavae faale-Tusi Paia e faataga ai ona tatala faaipoipoga a Kerisiano?
O ā faalogona o Ieova pe a tatala se faaipoipoga e aunoa ma se māfuaaga tatau?
Pe e mafai ona toe faaipoipo se tasi pe a maliu lana paaga?
E te Ono Fiafia Foʻi
ALA MAI!
Aiga e Taulau Manuia—Galulue Faatasi
Pe e tai pei lau paaga faaipoipo ua na o se tagata e te lua nonofo i le fale e tasi?
UA FESILI MAI TALAVOU
Po ua Ou Sauni mo se Tuugātala?
O vala e lima e iloa ai po ua e sauni mo se tuugātala ma le faaipoipoga.
LE OLOMATAMATA
Tane—Ia Avea Oe ma Sē e Malu i ai Lau Avā
E mafai ona saogalemu lou aiga i le itu tau tupe, ae e lē o saogalemu i se isi itu e sili atu ona tāua.
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.
