Soifua Matua; Tagata Matutua
O le ā e tupu a o faasolo ina tatou matutua?
Tagaʻi foʻi i le mataupu “Faamāfanafanaga—Faatapulaa mea e fai ona o maʻi po o le soifua matua”
-
Faaaʻoaʻoga a le Tusi Paia e fesoasoani iā te oe:
-
Fai 12:1-8—Ua faamatala e le tupu o Solomona i se gagana faafatusolo nisi o luʻi o le soifua matua, e pei o le faalētonu o le vaai (“ua faapouliuligia le vaai a fafine o loo vāai atu i faamalama”) ma le faalētonu o le faalogo (“ua vaivai foʻi teine pepese uma”)
-
Pe e mafai ona olioli pea tagata matutua e ui i luʻitau ma le faatapulaa o mea e fai, ona o le soifua matua?
-
Faaaʻoaʻoga a le Tusi Paia e fesoasoani iā te oe:
-
1Sa 12:2, 23—Ua iloa e le perofeta matua o Samuelu le tāua o le faaauau ona tatalo mo tagata o Ieova
-
2Sa 19:31-39—Ua talisapaia e le tupu o Tavita le lagolagosua faamaoni a le toeaina matua o Pasili, ma ua amanaʻia ma le lotomaulalo e Pasili mea e gata ai lona malosi ina ua talosagaina o ia e faia isi mea e sili atu
-
Sl 71:9, 18—Ua popole le tupu o Tavita ina neʻi lē toe iai sona aogā ona ua matua; o lea, ua ia ʻaiʻoi atu ai iā Ieova e aua le tuulafoaʻia o ia ae ia foaʻi atu le malosi e na te aʻoaʻoina ai le tupulaga o loo fāi mai e uiga iā te Ia
-
Lu 2:36-38—Ona o le auauna ma le faamaoni iā Ieova, ua faamanuiaina ai le perofeta fafine o Ana, o lē ua afu le soifua ma ua maliu lana tane
-
E faapefea ona faamautinoa atu e Ieova i ē ua afu le soifua, e tāua i latou iā te ia?
Sl 92:12-14; Fat 16:31; 20:29; Isa 46:4; Tit 2:2-5
-
Faaaʻoaʻoga a le Tusi Paia e fesoasoani iā te oe:
-
Ke 12:1-4—Ua maua e Aperaamo se tofiga mai iā Ieova i le 75 o ona tausaga, lea ua suia atoa ai lona olaga
-
Ta 10:11, 19; 12:13—Ua silia ma le 90 tausaga o le perofeta o Tanielu, ma ua asiasi atu se agelu iā te ia e faamautinoa i ai e matuā pele o ia iā Ieova, ma o le a tauia o ia ona o lona faamaoni
-
Lu 1:5-13—Ua faamanuia e Ieova le ulugalii matutua o Sakaria ma Elisapeta e ala i se vavega, ma fanauina ai e Elisapeta se tama tama e igoa iā Ioane
-
Lu 2:25-35—Ua tuu e Ieova le faaeaga i le toeaina matua o Simeona e vaaitino ai i le tamaitiiti o le a avea ma Mesia, ma ua faia e Simeona se valoaga e faatatau iā te ia
-
Ga 7:23, 30-36—E 80 tausaga o le perofeta o Mose ina ua tofia o ia e Ieova e taʻitaʻia lona nuu o Isaraelu
-
O le ā le auala e tatau ona tatou feutagaʻi ai ma auauna faamaoni ua loa le soifua?
-
Faaaʻoaʻoga a le Tusi Paia e fesoasoani iā te oe:
-
Ke 45:9-11; 47:12—Ua aumai e Iosefa lona tamā matua o Iakopo ma tausia o ia seʻia oo ina maliu
-
Ru 1:14-17; 2:2, 17, 18, 23—Ua faaalia e Ruta le alofa i le tinā matua o Naomi e ala i ana upu ma gaoioiga
-
Ioa 19:26, 27—A o lata ina maliu Iesu i luga o le laau e faapuapuagatia ai, ua ia talosaga atu i le aposetolo pele o Ioane ina ia tausia lona tinā
-
O ā nisi o auala e mafai ona fesoasoani ai Kerisiano i tagata matutua o le faapotopotoga?
E te Ono Fiafia Foʻi
LE OLOMATAMATA—LOMIGA MO SU‘ESU‘EGA
Auauna iā Ieova i “Aso e Malaia Ai”
E faapefea ona faatumauina le malosi o lou faatuatua ma maelega i le auaunaga iā Ieova? Ia tomānatu i auauna matutua a Ieova i taimi o le Tusi Paia, o ē na auauna ma le olioli iā te ia.
LE OLOMATAMATA
Auala e Maua ai le Fiafia a o Faasolo Ina Matua
Taʻiala faale-Tusi Paia e ono e mafai ona fesoasoani iā te oe e fetuunaʻi ai i lenei suiga fou o le olaga.
LE OLOMATAMATA—LOMIGA MO SU‘ESU‘EGA
Pasili—O se Tane e Nofouta i Mea e Gata ai Lona Malosi
IESU—LE ALA, LE UPU MONI MA LE OLA
Le Tama o le Folafolaga
Ua faia e ni tagata Isaraelu se toʻalua ua matutua valoaga e faatatau i le lumanaʻi o Iesu, ina ua avatu e Iosefa ma Maria o ia i le malumalu.
FAAA‘OA‘O I LO LATOU FAATUATUA
Ruta—“O le Mea E te Alu i ai, Ou te Alu i Ai”
Aiseā na lotomalie ai Ruta e tuua lona aiga ma lona nuu? O ā uiga sa ia faaalia na māfua ai ona faatāuaina o ia e Ieova?
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.
