VAEGA 1
Foafoaga e Oo i Le Lolo
O fea sa o mai ai le lagi ma le lalolagi? Sa faapefea ona i ai le la, le masina ma fetu, ma le tele o isi mea o i le lalolagi? Ua aumaia e le Tusi Paia le tali moni, faapea sa foafoaina e le Atua. E amata la la tatou tusi i tala o le Tusi Paia e uiga i le foafoaga.
Na foafoa muamua e le Atua, peresona agaga e pei o ia lava. O i latou o agelu. Ae ole lalolagi sa foafoaina mo tagata e pei o i tatou. Sa faia la e le Atua le tamaloa ma le fafine e igoa i a Atamu ma Eva ma tuu atu i laua i le faatoaga manaia. Ae sa la le usiusitai i le Atua ma lē iloa ai lo la aiā e ola ai pea.
I mea uma, mai le foafoaina o Atamu e oo atu i le Lolo tele, e 1,656 tausaga. I lena vaitaimi e tele tagata leaga sa ola ai. I le lagi sa i ai ni peresona agaga le vaaia, o Satani ma ana agelu leaga. I le lalolagi, sa i ai Kaino ma le tele o isi tagata leaga, faatasi ai ma tagata e uiga ese lo latou malosi. Ae sa i ai foi tagata lelei i le lalolagi—Apelu, Enoka ma Noa. I le Vaega MUAMUA o le a tatou faitau ai i nei tagata uma ma mea sa tutupu.
I LENEI VAEGA
TALA 1
Amata Ona Faia Mea e le Atua
O le tala i le foafoaga o loo i le Kenese e malamalamagofie ma e mataʻina—e oo lava i le fanau.
TALA 2
O se Faato‘aga Matagofie
E tusa ai ma le tusi o Kenese, na faia e le Atua le faatoʻaga o Etena o se nofoaga faapitoa. Na finagalo le Atua ia avea le lalolagi atoa e pei o lena faatoʻaga matagofie.
TALA 3
O Le Uluaʻi Tane ma le Fafine
Na foafoaina e le Atua Atamu ma Eva ma tuu i le faatoʻaga o Etena. O i laʻua le uluaʻi ulugalii faaipoipo na iai i le lalolagi.
TALA 4
Aiseā na Leiloa ai lo la Aiga
O loo taʻua i le tusi o Kenese le māfuaaga na leiloa ai le parataiso.
TALA 5
Amata se Olaga Faigatā
Fafo o le faatoʻaga o Etena, na feagai Atamu ma Eva ma le tele o faafitauli. Pe ana la usiusitaʻi i le Atua, e latou te maua ma le la fanau se olaga fiafia.
TALA 6
Se Atalii Lelei ma Sē e Leaga
O le tala iā Kaino ma Apelu o loo faamauina i le Kenese, ua aʻoaʻoina ai i tatou i le ituaiga tagata e tatau ona iai ma uiga e manaʻomia ona suia a o leʻi tuai.
TALA 7
O se Tagata Toa
O le faaaʻoaʻoga a Enoka ua faailoa mai ai e mafai ona e faia le mea saʻo e tusa pe siʻomia oe e tagata o loo faia mea leaga.
TALA 8
Tagata Tinoeese i le Lalolagi
O loo taʻua i le mataupu e 6 o le Kenese tagata tinoeese na latou faasauā i tagata. O na tagata tinoeese na taua o Nefilimi, o fanau a agelu ia na agasala ma tuua le lagi ae ola o ni tagata i le lalolagi.
TALA 9
Faia e Noa se Vaa
Na faasaoina Noa ma lona aiga mai i le Lolo ona na latou usiusita‘i i le Atua e ui e le‘i faalogo isi.
TALA 10
O le Lolo Tele
Na tauemu tagata i le fe‘au lapata‘i a Noa. Ae latou te le‘i taliē ina ua sau le vai mai i le lagi! Ia a‘oa‘oina le auala na faasaoina ai e le vaa Noa, lona aiga ma le tele o manu.
