VAEGA 3
Faasaoina Mai Aikupito e oo Atu i le Tupu Muamua o Isaraelu
Sa taʻitaʻiina atu e Mose Isaraelu mai i lo latou pologa i Aikupito i le Mauga o Sinai, le mea na tuuina atu i ai e le Atua ana tulafono. Mulimuli ane sa aauina atu e Mose tamaloloa totoa e 12 ina ia latou matamata i le nuu o Kanana. Peitai o le toa 10 o i latou na foi mai ma ripoti leaga. Na latou faatupu ai se manao i tagata ia toe fia foi atu i Aikupito. Ona o le leai o se faatuatua, na faasalaina ai e le Atua Isaraelu ia taamilomilo solo ai lava i le vaomatua mo le 40 tausaga.
Mulimuli ane, ona filifilia ai lea o Iosua na te taʻitaʻia Isaraelu i le nuu o Kanana. Ina ia fesoasoani i a i latou ia mauaina le laueleele, sa faatupuina loa e Ieova ni vavega. Sa ia taofia le tafe o le Vaitafe o Ioritana, faasoloina pa o Ieriko ma ia taofia le la ia tu saʻo mo le aso atoa. Ina ua mavae le ono o tausaga ona faoa mai ai lea o le laueleele mai i a Kanana.
Amata mai i a Iosua, sa pulea Isaraelu e faamasino mo le 356 tausaga. Ua tatou aʻoaʻoina le toatele o isi o i latou, e aofia ai Parako, Kitiona, Iefata, Samasoni ma Samuelu. Tatou te faitau foi e uiga i fafine e pei o Raava, Tepora, Iaeli, Ruta, Naomi ma Talila. I le Vaega e TOLU e aofia ai tausaga e 396 o le tala faasolopito.
I LENEI VAEGA
TALA 35
Tuuina Atu e Ieova Ana Tulafono
O ā tulafono e lua e sili atu ona tāua nai lo o Tulafono e Sefulu?
TALA 36
Tamaʻi Povi Auro
Aiseā o le a tapuaʻi atu ai tagata i se faatusa na faia i tautaliga auro ua faamataaina?
TALA 38
Tagata Matamata e 12
Na tutusa faamatalaga a sipai e toʻasefulu, ae e ese foʻi faamatalaga na ō mai ma le isi toʻalua. O ai na talitonu i ai tagata Isaraelu?
TALA 39
Ola Fugālaau i le Tootoo o Arona
E faapefea i se laau ua mago ona ola mai ai se fugālaau ma ni fua ua pula i se pō e tasi?
TALA 40
Tāina e Mose le Papa
Na iai iʻuga o gaoioiga a Mose, ae na ia faatigā foʻi i le finagalo o Ieova.
TALA 44
Faalafi e Raava Tagata Matamata
Na faapefea ona fesoasoani Raava i tamāloloa e toʻalua, ma o le ā na ia talosaga atu ai iā i laʻua?
TALA 47
O se Gaoi i Isaraelu
Pe e mafai e se tagata leaga se toʻatasi ona aumaia puapuaga i le nuu atoa?
TALA 48
O Kipeona Popoto
Na latou faasesēina Iosua ma tagata Isaraelu ina ia osia se filemu ma i latou, ae na tausia pea e tagata Isaraelu la latou folafolaga.
TALA 49
Ua Tumau le Lā
Na faia e Ieova se mea mo Iosua lea e na te leʻi faia i se taimi muamua ma e leʻi toe tupu lava talu mai lena taimi.
TALA 50
Fafine Lototetele e Toʻalua
Na taʻitaʻia e Parako le ʻautau a Isaraelu i le taua, ae aiseā na faamamaluina ai Iaeli?
TALA 52
Kitiona ma Ana Tamāloloa e 300
Na filifili e le Atua sui mo lenei ʻautau toʻaitiiti e ala i le tofotofoina o i latou i le auala e feinu ai.
TALA 53
Tautoga a Iefata
O lana tautoga iā Ieova e lē gata na aafia ai o ia ae na aafia ai foʻi ma lona afafine.
TALA 54
O le Tamāloa e Sili Ona Malosi
Na faapefea ona iloa e Talila le māfuaaga o le malosi o Samasoni?
TALA 55
O se Tamaitiiti na Auauna i le Atua
Na faaaogā e le Atua Samuelu e avatu se feʻau malosi i le Ositaulaga Sili o Eli.